Ebɛɛ 11:1 - Bibeli do fee

¹ Inɛ iyi í dasi Jesu naanɛ í mà kãm kãm mii iyi nŋu wa cɔ kpãaɛu nŋu á baa. Í nɔ í mà mii iyi a kù yɛ do iju í wɛɛi do ntɔ.

Ebɛɛ 11:1 Iomraidhean Croise

Iri ku kɔ̃ 27:13

Ǹ nɛ naanɛ kãm kãm iyi an yɛ jiida ku jɛi Aɔ̃ Lafɛ̃ɛ si kuwɛɛm.

Iri ku kɔ̃ 42:11

Ǹ kua gbugbã ntɔ ntɔ waati iyi mbɛɛm ŋa à waa fɔ inɔm, à beem à waa ni hee iwoi Ilaaɔ̃ Lafɛ̃ɛm nɔu í wa.

Woo bɛ ŋa 20:21

Ǹ sɔ̃ Zuifu ŋa do hai jɛ Zuifu ŋa ǹ ni a kpaasi idɔ nŋa a sinda si Ilaaɔ̃ a dasi Lafɛ̃ɛ nwa Jesu naanɛ.

Kɔrɛnti 1, 13:13

Nsɛi mii mɛɛtai í wɛɛ. Mii ŋau wee. Naanɛ ku dasi, do kpãa ku cɔ, do kubi. Amma kubi í re ŋa.

Kɔrɛnti 2, 11:17

Iyi ǹ wa n fɔ nsɛi kù jɛ bɛi Lafɛ̃ɛ í bi inɛ ŋa a ya fɔ. Amma si ideu ihɛ̃ ǹ wa n tɔɔ fufu nɔ ǹ fɔ ide bɛi sũmu. Nɔ bii ǹ wa n tɔɔ fufu ǹ nɛ mii iyi ǹ wa n tɔɔò fufui.

Kɔrɛnti 2, 4:18

Ntɔ ntɔ laakai nwa kù wa si mii iyi iju wa yɛ, í gbe si mii iyi kù waa yɛ. Mii iyi iju wa yɛ ci ya kpɛ, amma mii iyi kù waa yɛ í ya wɛɛi do ajɔ fei.

Kɔrɛnti 2, 5:17

Bii inɛ gɔ í nɛ anu akã do Kirisi í jɛ inɛ titɔ̃. Mii ndii tako ŋau à lɔ, mii titɔ̃ ŋai à sãsi wa.

Kɔrɛnti 2, 5:7

À waa ce isɛɛnɛ nwa na naanɛ ku dasi, kù jɛ na mii iyi à waa yɛ.

Kɔrɛnti 2, 9:4

Bii kù jɛ bɛɛbɛ, bii inɛi Masedɔni gɔ ŋa à sim wa, nɔ à na à ba i kù ce sɔɔlu ŋa, naanɛ nwa iyi à nɛ si ŋɛ á kpaasi anyɔ. Aa fɔ idei iŋɛ má?

Galati 5:6

Ntɔ ntɔ, bii à nɛ anu akã do Jesu Kirisi, à ce bango, a kù ce bango, kù jɛ ide kãma. Ide iyi í nɛ amboe í re nŋui í jɛ naanɛ ku dasi iyi wa ce icɛ do kubi.

Titee 1:1

Amui Pɔlu, woo ce icɛi Ilaaɔ̃ do woo bɛi Jesu Kirisi, amui ǹ kɔ tiau wa. À bɛm nii n koo n sobi inɛ ŋa iyi Ilaaɔ̃ í cicau ku ba a dasiɛ naanɛ, nɔ a mà ntɔu si gãmɛi kpãai naanɛ ku dasi nwa.

Ebɛɛ 10:22

Na nŋu, ka sɛkɛɛ si Ilaaɔ̃ do idɔ hai nɛ muafiti do naanɛ ku dasi hai nɛ sika, do idɔ kumá iyi kù waa yɛ taale nwa do ara iyi à wɛ do inyi iyi í má.

Ebɛɛ 10:39

Awa a kù jɛ inɛ ŋa iyi aa nyi do anyi a koo a ce nfe. Amma à dasi naanɛ nɔ à wa si kpãai faaba.

Ebɛɛ 11:13

Si naanɛ ku dasii, inɛ ŋau bɛ fei à ku. A kù ba mii iyi Ilaaɔ̃ í ce nŋa kuwãɛu, amma à yɔɔi hai jĩijĩ à coo cenkã. À fɔ iyi aŋa à jɛ inɛ njoo ŋa do hai nɛ ide ŋa si andunyau ihɛ̃.

Ebɛɛ 11:27

Na naanɛ ku dasii, Moizi í fita hai ilɛi Ezibiti, kù ce njoi idɔɔkɔ̃i ilaaluu. Í leekĩi dim dim bɛi mii iyi í yɛ inɛ iyi a ci ya yɛ.

Ebɛɛ 11:7

Na naanɛ ku dasii, Nowee í gbɔ idei Ilaaɔ̃ waati iyi í ni ku ce laakai si mii iyi á na ku naa iyi kù yɛ titã. Í jirima idei Ilaaɔ̃ nɔ í gbe akɔi inyi si bii nŋu do inɛi kpasɛ̃ɛ ŋa fei aa ba faaba. Do yaase bɛɛbɛi í yɛò taalei inɛi andunya ŋa nɔ Ilaaɔ̃ í ni í jɛ amanɛ dee dee.

Ebɛɛ 2:3

Debɛi, bɛirei aa ka ce ka yɔkɔ ka saa ijuukpã bii à waa cɛiò idei faaba iyi í to bɛɛbɛ. Lafɛ̃ɛ takaɛ í tako í sisi idei faabau, nɔ si anyiɛ inɛ ŋa iyi à gbɔɔ à sɔ̃ wa à ni ideu ntɔi.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Ebɛɛ 3:6

Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.

Ebɛɛ 6:12

A kù bi i na i ce ika ŋa, amma i sisi inɛ ŋa iyi à dasi naanɛ nɔ à temua à waa jɛò tubu iyi Ilaaɔ̃ í wã ŋa dou.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.