Ebɛɛ 10:7 - Bibeli do fee

⁷ Si anyii nŋu nɔ ǹ ni, amu wee Ilaaɔ̃. Ǹ wa n naai n na n ce idɔɔbiɛ si bɛi à kɔ idem si tiai wooda.

Ebɛɛ 10:7 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Ɛsidarasi 6:2

Nɔ si ilɛi Medi si ilu nla iyi à ya kpe Ebataniu à yɛ tia gɔ si bii à kɔ ide à ni,

Mɔnda ŋa 8:31

hee do si bantumai ilɛɛ, nɔ ǹ ya n nɛ inɔ didɔ̃i si inɔi amanɛ ŋa.

Ezai 50:5

Aɔ̃ Lafɛ̃ɛ í cĩim itĩm ŋa, nɔ n kù kɔ̀ ide, n kù nɔ n kù nyiò anyi.

Zeremi 36:2

so tia iyi à ya kau nɔ i kɔ ide ŋa iyi ǹ sɔ̃ɛ si gãmɛi Izirɛli do si gãmɛi Zudaa do si ilɛ ŋau fei, hai si waatii ilaalu Zoziasi iyi ǹ sinti ku baɛ ide ku fɔu hee ku baa nnyi.

Ezekiɛli 2:9

Ŋɔi ǹ yɛ awɔ gɔ í naa sim wa mu tia gɔ iyi à ka.

Ezekiɛli 3:1

Inɛ iyi wa bam ide ku fɔu í ni, amanɛ, ŋɔ tia iyi ǹ naɛu. Ŋɔ tiau nɔ i koo i ba inɛi Izirɛli ŋau ide ku fɔ.

Laabaau jiida iyi Zãa í kɔ 4:34

Nɔ Jesu í sɔ̃ ŋa í ni, ijɛm nŋui í jɛ n ce idɔɔbii inɛ iyi í bɛm wa nɔ n kpa irii icɛɛ iyi í dasim.

Laabaau jiida iyi Zãa í kɔ 5:30

Jesu í ni, n kaa n yɔkɔ n ce ngɔgɔ do aram. Si bɛi Ilaaɔ̃ í sɔ̃m si bɛɛbɛi an ceò kiitiu, nɔ kiitim í jɛ dee dee domi n kù wa n dɛ idɔɔbim ku ce, bii kù jɛ idɔɔbii inɛ iyi í bɛm wa.

Laabaau jiida iyi Zãa í kɔ 6:38

Ǹ kita wai hai lelei Aɔ̃ n na n ceò idɔɔbii inɛ iyi í bɛm wa, kù jɛ idɔɔbii amu takam.