Ebɛɛ 10:5 - Bibeli do fee

⁵ Na nŋu, waati iyi Kirisi í bi ku naa si andunya í sɔ̃ Ilaaɔ̃ í ni, kù jɛ kuwee walakɔ amua ŋai ì bi. Na ŋɔi í jɔ̀ ì ceem ara.

Ebɛɛ 10:5 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Ezai 1:11

Bɛi Aɔ̃ Lafɛ̃ɛ í ni má wee. Í ni, n kù nɛ bukaatai kuwee nkpɔ nkpɔ nŋɛ ŋa. Kuwee ŋa iyi à ce do angudã kombo ŋa iyi à jo si ina fei sãa sãa do ti ikpoi ama kɛtɛ ŋau í to. N kù nɛ inɔ didɔ̃ kãma si njɛi kɛtɛ kombo ŋa do ti ama angudã ŋa do ti iwo kombo ŋa.

Ezai 40:16

Jĩi ndii agboi Libãau fei kaa to ina ku ko, nɔ mɛɛmuɛ ŋa a kaa to kuwee iyi à ya jo si ina fei sãa sãa ku ce.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Zeremi 31:22

Hee waati yoomai aa nyi i maa dabii bii fei má, awɔ iyi ì yɛ bɛi mudɛ̃ɛ ku kɔ̀ ide. Aɔ̃ Lafɛ̃ɛ í taka mii titɔ̃ si ilɛ. Inaaboi wa dɛdɛ inɛmɔkɔ.

Zeremi 6:20

Iwoi ǹ nɛò bukaatai tuae iyi wa naa hai Saba, walakɔ jĩi ku dɔ̃ inunui ilɛ jĩijĩ gɔ. N kù bi kuwee nŋɛ ŋa iyi ì ya jo si ina fei sãa sãa ŋau. Kuwee nŋɛ ŋau ci ya dɔ̃ɔm si.

Matie 11:3

a koo a beeɛ a ni, awɔi ì jɛ inɛ iyi Ilaaɔ̃ á na ku bɛ wau? Mà ka degbe inɛ mmu gɔ.

Luku 1:35

Ŋɔi amalekau í jɛaa í ni, Hundei Ilaaɔ̃i á naa siɛ, nɔ gbugbãɛ ku biiɛ bɛi jĩjĩ. Nŋui í jɔ̀ ama iyi aa na i bíu á jɛ inɛ kumá nɔ a kpoo Amai Ilaaɔ̃.

Luku 7:19

í bɛ ŋa bi Lafɛ̃ɛ a beeɛ a ni, awɔi ì jɛ inɛ iyi Ilaaɔ̃ á na ku bɛ wau? Mà ka degbe inɛ mmu gɔ.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Galati 4:4

Amma iyi waati iyi Ilaaɔ̃ í jilɛu í na í to, ŋɔi í bɛ Amaɛ wa. Inaaboi í búu, nɔ si woodai Zuifu ŋai wa nɛ

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Ebɛɛ 1:6

Amma waati iyi Ilaaɔ̃ í bɛ ama yemmaɛ wa si andunya í ni, amalekam ŋa fei a gulɛaa.

Ebɛɛ 10:10

Si bɛi Jesu Kirisi í ce idɔɔbii Ilaaɔ̃, na ŋɔi í jɔ̀ aa ka yɔkɔ ka má hai si dulum du wa ŋa na saabui kuweei araɛ iyi í ce gbakã akã hee do ajɔ fei.

Ebɛɛ 10:7

Si anyii nŋu nɔ ǹ ni, amu wee Ilaaɔ̃. Ǹ wa n naai n na n ce idɔɔbiɛ si bɛi à kɔ idem si tiai wooda.

Ebɛɛ 10:8

Sinte titã Kirisi í ni, kù jɛ kuwee walakɔ amua ŋai ì bi. Kù nɔ kù jɛ kuwee ŋa iyi à ya jo si ina fei sãa sãa walakɔ iyi à ya ce na dulum nii á dɔ̃ɛ si. Do nŋu fei kuwee ŋa iyi wa fãau à waa cooi si bɛi wooda í jilɔɔ.

Ebɛɛ 2:14

Si bɛi amu ŋau à nɛ ara do njɛ, Jesu takaɛ í na í so ara bɛi aŋa mɔ. Í ce bɛɛbɛi ku ba na saabui ikuɛ ku kpa gbugbãi Seetam, nŋu iyi í nɛ gbugbãi iku wo,

Ebɛɛ 5:7

Si waati iyi Jesu í wa si andunya í ya ce kutɔɔ do anu ku dɔ̃ nla nla do cikãaju. Í tɔɔ sobii Ilaaɔ̃, nŋu iyi á yɔkɔ ku nyaa hai si awɔi iku, nɔ í gbɔaa si na iyi í jɔ̀ í sũaa iri ilɛ.

Ebɛɛ 8:3

À jilɛ woo wee nla baa yooma fei ku cea Ilaaɔ̃ amua do kuwee ŋa. Na nŋu, í gbe woo wee nla nwa ku nɛ ngɔgɔ iyi á ceò kuwee.

Piɛɛ 1, 2:24

Kirisi takaɛ í so dulum du wa si araɛ si jĩi ku gaauu ku ba ka jɛ bɛi iku si wajui dulum, nɔ ka ce kuwɛɛ nwa dee dee. Do saabui kumɛɛɛ ŋai à baò iri.

Zãa 2, 1:7

Woo wa inyii itĩ nkpɔi í fangaa si andunya, inɛ ŋa iyi a kù jɛsi iyi Jesu Kirisi í baa í jɛ amanɛ. Inɛ iyi wa ce bɛɛbɛ, woo wa inyii itĩi inɛi do mbɛɛi Kirisi.