Ebɛɛ 10:10 - Bibeli do fee

¹⁰ Si bɛi Jesu Kirisi í ce idɔɔbii Ilaaɔ̃, na ŋɔi í jɔ̀ aa ka yɔkɔ ka má hai si dulum du wa ŋa na saabui kuweei araɛ iyi í ce gbakã akã hee do ajɔ fei.

Ebɛɛ 10:10 Iomraidhean Croise

Zakari 13:1

Ajɔ nŋu, isɔ̃ gɔ á sɔ̃ inyi nɔ ku wɔ dulum do riisii kpasɛ̃i Davidi do inɛi Zeruzalɛmu ŋa fei.

Laabaau jiida iyi Zãa í kɔ 17:19

Na iri nŋai ǹ so aram ǹ naɛ ku ba aŋa mɔ a jɛ titɛɛ mam mam.

Laabaau jiida iyi Zãa í kɔ 19:34

Amma inɛ akãi sooge ŋau í gũ kpakpaa cingaaɛ do kaka, ŋɔi gbakã njɛ do inyi wa jo wa.

Laabaau jiida iyi Zãa í kɔ 6:51

Amui ǹ jɛ ijɛi kuwɛɛ. Hai lelei Aɔ̃i ǹ kita wa. Nɔ inɛ iyi í ba ijɛu í jɛ fei í nɛ kuwɛɛ hai tã. Ijɛui í jɛ aram. An náai ku ba inɛi andunya ŋa a maa wɛɛò.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Kɔrɛnti 1, 6:11

Bɛɛbɛi inɛ gɔ nŋɛ ŋa à yɛ wo. Amma à wɛ ŋɛ, nɔ à jɔ̀ ì má ŋa, nɔ ì jɛ dee dee ŋa na saabui irii Lafɛ̃ɛ nwa Jesu Kirisi do Hundei Ilaaɔ̃.

Efɛɛzu 5:2

I jɔ̀ kucei kuwɛɛ nŋɛ kú nyisi kubi bɛi Kirisi í bi wa, nɔ í na kuwɛɛɛ na iri nwa. Kuwɛɛɛ iyi í nau nŋui í jɛ kuwee jiida iyi inunuɛ í dɔ̃a Ilaaɔ̃ si.

Efɛɛzu 5:26

Í nya ŋa ikã nɔ í wɛ ŋa í jɔ̀ à má na saabui ideɛ.

Ebɛɛ 10:12

Amma kuwee akãi Kirisi í ce na irii dulum. Si anyii nŋu, í koo í buba si awɔ njɛi Ilaaɔ̃ hee do ajɔ fei,

Ebɛɛ 10:14

Á yɔkɔ ku maa bubaɛ si na iyi í jɔ̀ kuwee akãui í jɔ̀ inɛ ŋa iyi Ilaaɔ̃ í ce inɛɛ ŋa à má mam mam hee do ajɔ fei.

Ebɛɛ 10:20

Waati iyi Jesu í na araɛ, waati bɛɛbɛi í nya nwa kpãa titɔ̃ iyi í jɛ ti kuwɛɛ, nɔ ridoo kãma kaa gɛɛ wa má.

Ebɛɛ 10:29

Debɛi, inɛ iyi wa donda Amai Ilaaɔ̃ wa cɔ njɛɛ nfe, njɛ si bii Ilaaɔ̃ í dĩ akabuuɛ iyi á jɔ̀ lafɛ̃ɛ ku má, nɔ wa bu Hundei Ilaaɔ̃ iyi wa nyisi wa didɔ̃u, i cɔ zaka bɛi mii iyi á na ku ba lafɛ̃ɛ si ajɔi kiitiu á to.

Ebɛɛ 10:5

Na nŋu, waati iyi Kirisi í bi ku naa si andunya í sɔ̃ Ilaaɔ̃ í ni, kù jɛ kuwee walakɔ amua ŋai ì bi. Na ŋɔi í jɔ̀ ì ceem ara.

Ebɛɛ 13:12

Na ŋɔi í jɔ̀ Jesu mɔ, waati iyi í bi ku jɔ̀ inɛ ŋa a má do njɛi nŋu takaɛ, Ilaaɔ̃ í jɔ̀ à kpaa angule.

Ebɛɛ 2:11

Jesu iyi í wɛ inɛ ŋa hai si dulum du ŋa, nŋu do inɛ ŋa iyi í wɛ ŋau à jɛ amai baa akã. Na nŋu, kù ce anyɔi ku kpe ŋa ifɔɛ ŋa

Ebɛɛ 2:14

Si bɛi amu ŋau à nɛ ara do njɛ, Jesu takaɛ í na í so ara bɛi aŋa mɔ. Í ce bɛɛbɛi ku ba na saabui ikuɛ ku kpa gbugbãi Seetam, nŋu iyi í nɛ gbugbãi iku wo,

Ebɛɛ 5:7

Si waati iyi Jesu í wa si andunya í ya ce kutɔɔ do anu ku dɔ̃ nla nla do cikãaju. Í tɔɔ sobii Ilaaɔ̃, nŋu iyi á yɔkɔ ku nyaa hai si awɔi iku, nɔ í gbɔaa si na iyi í jɔ̀ í sũaa iri ilɛ.

Ebɛɛ 7:27

Kù yɛ bɛi woo wee nla iyi ihɔ̃ ŋa, aŋa iyi à nɛ bukaatai kuwee ajɔ fei, sinte na irii dulum dii aŋa taka nŋa, si anyiɛ ti inɛ ŋa iyi à gbe. Inɛ nŋu í ce kuwee akã iyi í to hee do ajɔ fei si waati iyi nŋu takaɛ í na araɛ.

Ebɛɛ 9:12

Kirisi njɛ í lɔ inɔ ile iyi í re do kumáui gbakã akã hee do ajɔ fei, nɔ kù jɛ do njɛi iwo ŋa walakɔ ti ama kɛtɛ ŋa. Njɛi nŋu takaɛi í lɔò. Bɛɛbɛi í jɔ̀ à baò faaba iyi ci ya tã.

Ebɛɛ 9:14

Bii bɛɛbɛi, bɛirei aranfãanii njɛi Kirisi á to. Do saabui Hundei Ilaaɔ̃ iyi kaa kui í naò Ilaaɔ̃ araɛ bɛi kuwee iyi kù nɛ leebu. Njɛɛi á jɔ̀ idɔ nwa ku má hai si icɛ nfe nfe ku ce ku ba ka yɔkɔ ka cea Ilaaɔ̃ icɛ nŋu iyi í jɛ icui kuwɛɛ.

Ebɛɛ 9:26

Bii í jɛ Kirisi í lɔ bɛ tuuba nkpɔ nkpɔ wo, á yɛ ijuukpã isɛ fɛɛfɛlo hai sintei andunya. Amma nsɛi, si waatii ankãanyiu ihɛ̃, í na araɛ bɛi kuwee gbakã akã iyi í to ku kpa idei dulum hee do ajɔ fei.

Ebɛɛ 9:28

bɛɛbɛ mɔi Kirisi í na araɛ gbakã akã bɛi kuwee í soò dulum dii inɛ nkpɔ. Á nɔ ku na ku faata wa isɛ gbeejisia, kù jɛ ku naa ku kpa idei dulum dii inɛ ŋa má, amma ku ba faabai inɛ ŋa iyi à waa degbeɛ ŋau ku kɔ̃ mam mam nii.

Piɛɛ 1, 2:24

Kirisi takaɛ í so dulum du wa si araɛ si jĩi ku gaauu ku ba ka jɛ bɛi iku si wajui dulum, nɔ ka ce kuwɛɛ nwa dee dee. Do saabui kumɛɛɛ ŋai à baò iri.

Piɛɛ 1, 3:18

Gbakã akãi Kirisi í ku na dulum. Nŋu iyi í jɛ inɛ dee dee, í ku na inɛ laalɔ ŋa, ku ba ku bɔò wa bi Ilaaɔ̃. Waati iyi à kpaa, araɛ í ku amma hundeɛ í wɛɛ.

Zãa 1, 5:6

Jesu Kirisii í jɛ inɛ iyi í naa do inyi do njɛ. Kù naa do inyi nŋu akã, amma do njɛi ajɔ. Hundei Ilaaɔ̃ takaɛ wa jɛ sɛɛdaɛ, domi Hundeui í jɛ ntɔ.