Ebɛɛ 1:9 - Bibeli do fee

⁹ Ì bi jiida nɔ ì cé laalɔ. Na ŋɔi í ce amu Ilaaɔ̃ ǹ cicaɛ, awɔ Ilaaɔ̃. Do inɔ didɔ̃ ǹ tontooɛ ikpo si iri ǹ nyaa ikã hai si inɔi kpaasi ŋa.

Ebɛɛ 1:9 Iomraidhean Croise

Iri ku kɔ̃ 11:5

Aɔ̃ Lafɛ̃ɛ wa cɔ inɛ dee dee ŋa do ilu inɔ kukã ŋa. Í cé woo taa inɛ ŋa gbugbã.

Iri ku kɔ̃ 119:104

Woodaɛ ŋai à ya jɔ̀ n ce kiiti jiida, nɔ bɛɛbɛ mɔi ǹ ya n cé kuce ŋa iyi à jɛ ibo.

Iri ku kɔ̃ 119:128

Ŋɔi í jɔ̀ ǹ wa n doo ŋa si mii ŋa iyi à jɛ dee dee, nɔ ǹ cé mii iyi í jɛ ibo fei.

Iri ku kɔ̃ 2:2

Ilaalui ilɛ ŋa à dede nɔ amanlu ŋa à tɔtɔɔ a ba a ce igũ do Aɔ̃ Lafɛ̃ɛ do inɛ iyi í cica í jɛ ilaaluu à waa ni,

Iri ku kɔ̃ 2:6

Í ni, amui ǹ cica ilaalum ǹ jilɔɔ Siɔ̃ɔ si iri kuta kumám.

Iri ku kɔ̃ 23:5

Ì ceem sɔɔlui jingau si wajui mbɛɛm ŋa. Ì tontoom ikpoi olivi si iri, nɔ ì jɔ̀ kɔɔfum í kɔ̃ hee wa nikã.

Iri ku kɔ̃ 33:5

Iyi í jɛ dee dee do iyi í tɛi Aɔ̃ Lafɛ̃ɛ í ya bi. Jiida ku jɛi Aɔ̃ Lafɛ̃ɛ í kɔ̃ ilɛu fei.

Iri ku kɔ̃ 37:28

Aɔ̃ Lafɛ̃ɛ í bi mii iyi í tɛ. Ci ya fũsi inɛɛ ŋa awɔ. Í ya maa mu ŋai hee do ajɔ fei. Amma woo ce laalɔ ŋa aa kui.

Iri ku kɔ̃ 40:8

Na ŋɔi í jɔ̀ ǹ ni, amu wee ǹ wa n naa bi tɛɛ. Si tia iyi à káu ǹ yɛ à kɔ mii iyi ǹ nɛ ku ce.

Iri ku kɔ̃ 45:6

Afaɛ ŋa à gbe anu, à waa lu idɔi mbɛɛɛ ŋa nɔ inɛ ŋa à wasi ku cuku.

Iri ku kɔ̃ 45:7

Ilaaɔ̃, bommaɛ á maa wɛɛi do ajɔ fei. Do dee dee ku jɛi ì waa muò bommaɛ.

Iri ku kɔ̃ 89:20

Ajɔ nŋu gɔ, ì ba inɛɛ ŋa ide ku fɔ si kuyɛ, ì ni, ǹ sobi ilu wɔɔkɔ, nɔ ǹ so inɛ iyi ǹ cicau lele hai si inɔ zamaau.

Iri ku kɔ̃ 89:26

Nŋui an jɔ̀ ku nɛ gbugbã si tenku do ido nla ŋa.

Mɔnda ŋa 8:13

Inɛ iyi í mà bɛɛrɛi Aɔ̃ Lafɛ̃ɛ, í ya cé laalɔi. Amu laakai, ǹ cé ara ku so lele do faau do kuce laalɔ do ibo.

Ezai 61:1

Hundei Aɔ̃ Lafɛ̃ɛ í wa sim, domi Aɔ̃ Lafɛ̃ɛi í nyam ikã. Nŋui í bɛm n koo n sisia ilu are ŋa laabaau jiida, inɛ ŋa mɔ iyi à wɛɛò inɔ kufɔ, n tũ idɔ nŋa, nɔ n sɔ̃ aru ŋa n ni à nɛ ara nŋa mbɛ, inɛi piisɔ̃ɔ ŋa mɔ, n sɔ̃ ŋa n ni a fita.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Ezai 61:8

Ntɔ ntɔ, amu Aɔ̃ Lafɛ̃ɛ, asaiyai ǹ bi inɛ ŋa a ya too si. N kù bi laalɔ do a bata inɛ a gba mii ndɛɛ do gbugbã. Nɔ [bii ì waa ce bɛi ǹ dɔ̃u ŋa,] amui an jɔ̀ i ba riba nŋɛ ŋa dee dee nɔ n dĩ akabuu hai nɛ kɔɔ do iŋɛ.

Amɔsu 5:15

I cé laalɔ ŋa nɔ i bi jiida ŋa, i jɔ̀ dee dee ku jɛ ku jɛ bomma bi ku ce kiiti nŋɛ ŋa. Á yɔkɔ ku jɛ do yaase bɛɛbɛ Aɔ̃ Lafɛ̃ɛi lele do ilɛ á ce araarei inɛi kpasɛ̃i Zozɛfu ŋa iyi à gbe.

Zakari 8:17

I maà ya ce lasabu laalɔ si gãmɛi kpaasi nŋɛ ŋa, nɔ i maà ya ce kugbasi si ibo ŋa, domi amu Aɔ̃ Lafɛ̃ɛ n kù bi idei mii bɛɛbɛ ŋa.

Luku 4:18

Hundei Aɔ̃ Lafɛ̃ɛ í wa sim. Í cicam n sisiaò ilu are ŋa laabaau jiidau. Í bɛm n koo n sɔ̃ inɛi piisɔ̃ɔ ŋa n ni aa jɔ̀ ŋa a nɛ nɔ n sɔ̃ fɛɛju ŋa n ni aa yɛ ilu má, nɔ n jɔ̀ inɛ ŋa iyi inɛ ŋa à waa taa gbugbã a nɛ ara nŋa.

Laabaau jiida iyi Zãa í kɔ 1:41

Iyi í sɛkɛɛ hai bi Jesu gbakã í koo í kpe Simɔɔ igbãɛ nɔ í sɔ̃ɔ í ni, à yɛ inɛ iyi Ilaaɔ̃ í cicau.

Laabaau jiida iyi Zãa í kɔ 10:17

Baaba í bim si na iyi í jɔ̀ ǹ jɛsi n ku. An ku nɔ an jĩ má.

Laabaau jiida iyi Zãa í kɔ 20:17

Ŋɔi Jesu í sɔ̃ɔ í ni, jɔ̀m, maà lum, domi n kù bɔ lele bi Baam titã. Amma bɔ bi mɔcɔm ŋa, sɔ̃ ŋa i ni ǹ wa n bɔ bi Ilaaɔ̃. Nŋui í jɛ baam, nɔ í jɛ baai iŋɛ mɔ.

Laabaau jiida iyi Zãa í kɔ 3:34

Inɛ iyi Ilaaɔ̃ í bɛ wa idei Ilaaɔ̃i wa fɔ, domi Ilaaɔ̃ í muaa Hundeɛ do inɔ akã.

Woo bɛ ŋa 10:38

Ì mà bɛi Ilaaɔ̃ í mua Jesu inɛi Nazarɛtiu Hundeɛ ŋa do bɛi í muaa gbugbã. Nɔ í dabii si ilɛu fei wa ce jiida nɔ í jɔ̀ inɛ ŋa iyi à wa si awɔi Seetam fei à ba iri. Í ya maa ce bɛɛbɛi si na iyi í jɔ̀ Ilaaɔ̃ í wɛɛ do nŋu.

Woo bɛ ŋa 4:26

Ilaalui ilɛ ŋa do ilu iri ŋa à dede nɔ à tɔtɔɔ ku ba a ce igũ do Aɔ̃ Lafɛ̃ɛ do inɛ iyi í cica.

Woo bɛ ŋa 4:27

Ilaaɔ̃ Baaba, ide iyi Davidi í fɔu bɛ ntɔi, domi Herodu do Pɔnsu Pilati à ce anu akã. À tɔtɔɔ do dimi mmu ŋa do inɛi Izirɛli ŋa si iluu ihɛ̃ à yɛ taalei Jesu woo ce icɛ kumáɛ iyi ì cica ì nyaa ikãu.

Romu 12:9

I maà jɔ̀ kubi nŋɛ ku jɛ do muafiti. I saa laalɔ nɔ i leekĩ si jiida ku ce dim dim ŋa.

Romu 15:13

Nsɛi, Ilaaɔ̃ nŋu iyi wa mu nwa kpãa ku cɔ ku mu nŋɛ inɔ didɔ̃ do laakai ku sũ fei na naanɛ iyi ì dasi ŋa ku ba kpãa ku cɔ nŋɛ ku la si gbugbã iyi Hundei Ilaaɔ̃ í mu nŋɛ.

Kɔrɛnti 1, 1:9

Ilaaɔ̃ ilu naanɛi, nŋu iyi í kpe ŋɛ i ce anu akã ŋa do Amaɛ Jesu Kirisi Lafɛ̃ɛ nwa.

Kɔrɛnti 2, 11:31

Ka saabu Ilaaɔ̃ baai Lafɛ̃ɛ nwa Jesu do ajɔ fei. Nŋui í mà iyi n kù wa n sɔ ibo.

Galati 5:22

Amma mii iyi Hundei Ilaaɔ̃ í ya bí, nŋui í jɛ kubi, do inɔ didɔ̃, do laakai ku sũ, do temua, do jiida ku jɛ, do inɔ akã, do naanɛ,

Efɛɛzu 1:3

I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Filipi 2:9

Na saabu nŋui Ilaaɔ̃ í soo lele ntɔ ntɔ nɔ í naa iri iyi í nɛ bɛɛrɛ í re iri fei,

Ebɛɛ 2:11

Jesu iyi í wɛ inɛ ŋa hai si dulum du ŋa, nŋu do inɛ ŋa iyi í wɛ ŋau à jɛ amai baa akã. Na nŋu, kù ce anyɔi ku kpe ŋa ifɔɛ ŋa

Ebɛɛ 2:9

Do nŋu fei Jesu nŋu iyi à kaye wo, nsɛi à waa yɔɔ do amboe do jirima nla nla na wahala iyi í yɛ í kuò. Ntɔi, didɔ̃i Ilaaɔ̃ í tako í jɔ̀ kù to amaleka ŋa si waati keeke gɔ. Ilaaɔ̃ í ce bɛɛbɛi ku ba ku yɛ wahala ku kuò na irii inɛ fei.

Ebɛɛ 7:26

Na nŋu, Jesu í jɛ woo wee nla iyi à nɛ bukaataɛ. Kuwɛɛi nŋu do ti ilu dulum ŋa kù jɛ dimi akã. Í má, kù ce dulum ajɔ kãma nɔ riisi kãma kù wa siɛ. À soo í nɛ hee lelei Ilaaɔ̃.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Zãa 1, 1:3

Iyi à yɛ do iyi à gbɔ, nŋui à waa sisia iŋɛ mɔ ku ba awaɛ ŋa ka nɛ anu akã, nɔ anu akã iyi à nɛu à nɔɔi do Ilaaɔ̃ Baaba do Amaɛ Jesu Kirisi.

Kuyɛi Zãa 2:15

Bɛɛbɛ mɔi, inɛ gɔ ŋa à wa inɔ nŋɛ iyi à waa too si ikɔi inɛi Nikolaiti ŋa.