Ebɛɛ 1:8 - Bibeli do fee

⁸ Amma Amaɛi wa fãa iyi í ni, awɔi ì jɛ Ilaaɔ̃. Ǹ jilɛ bommaɛ hee do ajɔ fei. Dee dee ku jɛi í jɛ akpai bommaɛ.

Ebɛɛ 1:8 Iomraidhean Croise

Samuɛli 2, 23:3

Ilaaɔ̃ Lafɛ̃ɛi inɛi Izirɛli ŋa, nŋu iyi wa degbe ŋa, í sɔ̃m í ni, ilaalu iyi wa gbã inɛɛ ŋa do dee dee ku jɛ, nɔ wa mà bɛɛrɛi Ilaaɔ̃,

Iri ku kɔ̃ 145:13

Bommaɛ, bomma gɔi iyi á maa wɛɛ hee do ajɔ fei. Nɔ gbugbãi bommaɛu á maa wɛɛi hee si tɔku do tɔku ŋa fei. Aɔ̃ Lafɛ̃ɛ, awɔ ilu naanɛi si kuwãɛ ŋa fei. Ì ya nyisi kubiɛi si mii ŋa iyi ì waa ce fei.

Iri ku kɔ̃ 72:7

Si bommaɛ, jɔ̀ ntɔ ku maa kɔ̃ɔsi, nɔ amani ku maa wɛɛ si awaati iyi cukpa í wɛɛ fei.

Iri ku kɔ̃ 99:4

Ka kɔ̃ò gbugbãi ilaalu iyi í bi ntɔu iri. Awɔi ì jilɛ nwa wooda si kuwɛɛ nwa. Awɔi ì jilɛ ntɔ do dee dee ku jɛ si ilɛi Izirɛli.

Ezai 45:25

Do saabui Aɔ̃ Lafɛ̃ɛi tɔkui Izirɛli ŋau fei aa jɛò dee dee, nɔ siɛi inɔ didɔ̃ nŋa fei á wa.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Zeremi 38:15

Ŋɔi Zeremi í jɛa Sedesiasi í ni, bii ǹ bɛi ǹ sɔ̃ɛ i kaa na i jɔ̀ a kpam? Nɔ baa bii ǹ naɛ ikɔ gɔ i kaa ceò icɛ.

Ozee 1:7

Amma an ce araarei inɛi Zudaa ŋa. Amu Aɔ̃ Lafɛ̃ɛ nŋa, an faaba ŋa, nɔ n kaa n nɛ baa bukaatai bioo ku loo do taakuba ku loo, walakɔ do igũ, do acĩ ŋa, walakɔ woo gũ acĩ ŋa.

Zakari 13:9

Ikɔ akã iyi í gbeu an dasi ŋa ina n yɔɔ bɛi à ya yɔ isɔ fũfũ do wura si ina a nya jiidaɛ. Amui aa ya tɔɔ nɔ an ya n gbɔ kutɔɔ nŋa. An kpe ŋa zamaam nɔ aŋa mɔ aa ni, Aɔ̃ Lafɛ̃ɛi í jɛ Lafɛ̃ɛ nwa.

Zakari 9:9

Iŋɛ inɛi Siɔ̃ɔ ŋa i wɛɛò inɔ didɔ̃ ŋa. Nɔ iŋɛ inɛi Zeruzalɛmu ŋa, i dɔ̃ anu do inɔ didɔ̃ ŋa. I cɔ, ilaalu nŋɛ wa naa bi tu ŋɛ. Í jɛ dee dee, nɔ í jɛ woo jɛ igũ. Á naai do ara ku kaye, ku maa gũ gbankɛlɛ. Gbankɛlɛu, ama gbankɛlɛi.

Malasi 3:1

Ŋɔi Aɔ̃ Lafɛ̃ɛi lele do ilɛ í jɛ í ni, an bɛ amaacɛm wa ku na ku teesem kpãa. Lafɛ̃ɛ iyi ì waa dɛdɛ ŋau á lɔ si kpasɛ̃ɛu anu akã. Amaabɛ iyi ì bi ŋau wa naa ku na ku fɔ idei akabuum.

Matie 1:23

iyi í ni, mudɛ̃ɛ gɔ iyi kù mà mɔkɔ á na ku nɛ asĩ. Á bí ama inɛmɔkɔ, nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.

Luku 1:75

Nɔ icɛ iyi aa ka ceau ku jɛ do idɔ kumá nɔ ka jɛ dee dee si wajuɛ do ajɔ fei si kuwɛɛ nwa.

Laabaau jiida iyi Zãa í kɔ 10:30

Nɔ amu do Baam fei akãi.

Laabaau jiida iyi Zãa í kɔ 10:33

Ŋɔi Zuifu ŋau à jɛaa à ni, a kù waa bi ka taɛ kuta na icɛ jiida ŋau, amma si na iyi í jɔ̀ ì waa bu Ilaaɔ̃i, domi awɔ amanɛi nɔ ì waa bi i ce araɛ Ilaaɔ̃.

Laabaau jiida iyi Zãa í kɔ 20:28

Ŋɔi Tomaa í jɛaa í ni, awɔi ì jɛ Aɔ̃ Lafɛ̃ɛm.

Romu 9:5

Bala nŋa ŋai à jɛ inɛi Ilaaɔ̃ ŋa. Si dimi nŋai Kirisi í fita bɛi amanɛ nŋu iyi í re mii fei. Nŋui í jɛ Ilaaɔ̃, nŋu iyi í jɔ ka maa saabu hee do ajɔ fei. Ami.

Wooda ku kɔsi 2:37

Amma a kù lu ilɛi inɛi Amɔɔ ŋa, do ilɛ ŋa iyi à wa bi acãi inyii Yabɔkuu, do ilu ŋa iyi à wa si iri kutau, do inya ŋa iyi Aɔ̃ Lafɛ̃ɛ í ni ka jɔ̀u fei.

Wooda ku kɔsi 7:14

Iŋɛi aa ba kuwee i re dimi fei ŋa. Inɛmɔkɔ walakɔ inaabo kãma kaa jɛ gbɛnda si inɔ nŋɛ hee má jɛ si inɔi mɛɛmu gaa nŋɛ ŋa.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Piɛɛ 2, 1:11

Bɛɛbɛi aa jɔ̀ i lɔ do bɛɛrɛ ŋa si bomma hai tãi Lafɛ̃ɛ woo faaba nwa Jesu Kirisi.

Zãa 1, 5:20

À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.