Ebɛɛ 1:3 - Bibeli do fee

³ Amboe iyi Ilaaɔ̃ í nɛ fei, si Amaɛi à yɔɔ. Amau í jɔ Ilaaɔ̃ takaɛ dee dee, í nɔ wa mu mii fei do gbugbãi ideɛ. Waati iyi í ce icɛ iyi á kpa idei dulum dii inɛ ŋa í tã, ŋɔi í koo í buba lele si awɔ njɛi Ilaaɔ̃ ilu gbugbã fei.

Ebɛɛ 1:3 Iomraidhean Croise

Bomma 1, 29:11

Aɔ̃ Lafɛ̃ɛ, awɔi ì la, ì nɛ gbugbã, ì nɛ bɛɛrɛ, ì nɛ amboe nɔ hai bi tɛɛi inya kumá wa naa, domi mii iyi í wa lele do ilɛ fei titɛɛi. Awɔi ì jɛ ilaalu, nɔ awɔi ì wa antaii mii fei.

Zɔɔbu 37:22

Nɔ inya kumá bɛi wura ku maa daana wa hai do ikpa awɔ njɛi kpãai inunu, ku maa kaakoò Ilaaɔ̃ bii fei. Nɔ inya kumáu í to njo.

Iri ku kɔ̃ 110:1

Iriu ihɛ̃ ti Davidii. Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Iri ku kɔ̃ 75:3

Ilaaɔ̃, awɔi ì ni bii awaati iyi ì jilɛu í to, aa kiiti inɛ ŋa si ntɔ.

Woo lasabu 8:4

Si bɛi idei ilaalu í nɛ gbugbã í caa, inɛ kãma kaa yɔkɔ ku beeɛ mii iyi wa ce.

Kuwee 15:15

Woo weeu á ceò akã kuwee iyi á kpa idei dulum nii, akã mɔ ku ceò kuwee iyi à ya jo si ina fei sãa sãau. Si anyiɛ woo weeu á cei bɛi à nɛ dɔ̃ɔnɛi bukii ara ku maaju ku ce ku bɛi ku maaju hai si bɔ̃ɔu.

Misee 5:4

Nŋui á jɔ̀ laakai ku sũ ku wɛɛ nŋa. Bii inɛi Asiri ŋa à naa si ilɛ nwa, waati iyi aa lɔ si kabai bomma nwa ŋa, aa ka jɔ̀ inɛ ngbo nkpɔ nkpɔ nwa ŋa a dede si ŋa.

Matie 22:24

Mɛɛtu, Moizi í ni bii inɛ gɔ í ku í jɔ̀ aboɛ nɔ kù bíò ama, ifɔɛ ku so jaaɔ̃u ku ba ku bía igbãɛ ama.

Maaku 16:19

Iyi Lafɛ̃ɛ Jesu í sɔ̃ ŋa ideu í tã, ŋɔi à soo lele í koo í buba si awɔ njɛi Ilaaɔ̃.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Laabaau jiida iyi Zãa í kɔ 1:29

Iju kumáɛ ŋɔi Zãa í yɛ Jesu wa naa siɛ, ŋɔi í sɔ̃ inɛ ŋa í ni, i cɔɔ ŋa. Inɛ ihɛ̃i í jɛ ama angudãi Ilaaɔ̃ iyi á nya dulum dii inɛi andunya ŋa ku nɛò.

Laabaau jiida iyi Zãa í kɔ 1:4

Nŋu takaɛi í jɛ irii kuwɛɛu, nɔ kuwɛɛu í máa inɛ ŋa inya.

Woo bɛ ŋa 2:33

Ilaaɔ̃ Baaba í soo lele í wa awɔ njɛɛ nɔ í muaa Hundeɛ iyi í wãaò wo. Nɔ nŋu mɔ í mua awa mɔ Hundeu. Nŋui ì waa yɛ nɔ ì waa gbɔ ŋa bɛ.

Woo bɛ ŋa 7:56

Ŋɔi í ni, i gbɔ ŋa, ǹ yɛ lele í cĩ nɔ Amai Amanɛ wa leekĩ do ikpa awɔ njɛi Ilaaɔ̃.

Romu 1:16

N kaa n ce anyɔi laabaau jiidau, domi í jɛ gbugbãi Ilaaɔ̃i iyi wa faaba inɛ iyi í dasi Jesu naanɛ fei, hai Zuifu ŋa hee ku koo si dimi mmu ŋa.

Romu 8:34

To, yooi á yɔkɔ ku jɔ̀ a yɛ ijuukpã. Kù wɛɛ, domi Jesu Kirisi í ku, nɔ iyi í re mɔm í jĩ hai si balɛ má, í wa awɔ njɛi Ilaaɔ̃. Í nɔ wa tɔɔ Ilaaɔ̃ na iri nwa.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Kolosee 3:1

Ilaaɔ̃ í dede ŋɛ hai si balɛ do Kirisi ajɔ. Na nŋu, i dɛ mii ndii lele bii Kirisi wa buba si awɔ njɛi Ilaaɔ̃ ŋa.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Ebɛɛ 1:13

Ilaaɔ̃ kù nɔ kù sɔ̃ amalekaɛ gɔ kù ni, buba do ikpa awɔ njɛm ihɛ̃ hee n ce mbɛɛɛ ŋa bi ku lesi isɛɛ.

Ebɛɛ 10:12

Amma kuwee akãi Kirisi í ce na irii dulum. Si anyii nŋu, í koo í buba si awɔ njɛi Ilaaɔ̃ hee do ajɔ fei,

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Ebɛɛ 4:14

Do ntɔi à nɛ woo wee nla iyi í bɔ lelei Aɔ̃ í to hee bi Ilaaɔ̃ takaɛ. Nŋui í jɛ Jesu Amaɛ. Na nŋu, ka leekĩ dim dim si naanɛ iyi à dasi,

Ebɛɛ 7:27

Kù yɛ bɛi woo wee nla iyi ihɔ̃ ŋa, aŋa iyi à nɛ bukaatai kuwee ajɔ fei, sinte na irii dulum dii aŋa taka nŋa, si anyiɛ ti inɛ ŋa iyi à gbe. Inɛ nŋu í ce kuwee akã iyi í to hee do ajɔ fei si waati iyi nŋu takaɛ í na araɛ.

Ebɛɛ 8:1

Nsɛi, irii ideu wee. Awa à nɛ woo wee nla dimi bɛɛbɛ, inɛ iyi wa buba lele si awɔ njɛi kitãi bommai Ilaaɔ̃ ilu gbugbã fei.

Ebɛɛ 9:16

Bii inɛ gɔ í kɔ bɛi í bi a kpɛ̃ amaniɛ í jilɔɔ hai kù ku, tilasi í gbe lafɛ̃ɛ ku ku titã tiau ku bɛi ku ce icɛ.

Ebɛɛ 9:26

Bii í jɛ Kirisi í lɔ bɛ tuuba nkpɔ nkpɔ wo, á yɛ ijuukpã isɛ fɛɛfɛlo hai sintei andunya. Amma nsɛi, si waatii ankãanyiu ihɛ̃, í na araɛ bɛi kuwee gbakã akã iyi í to ku kpa idei dulum hee do ajɔ fei.

Piɛɛ 1, 1:21

Na saabuɛi ì dasi Ilaaɔ̃ naanɛ ŋa, nŋu iyi í dedeɛ hai si balɛ nɔ í muaa amboe ku ba naanɛ ku dasi nŋɛ do kpãa ku cɔ nŋɛ ku wa si Ilaaɔ̃.

Piɛɛ 1, 3:22

nŋu iyi í bɔ lele nɔ wa buba si awɔ njɛi Ilaaɔ̃. Bɛi amaleka ŋa do ilu yiikoi lele ŋa do ilu gbugbã ŋa à waa sũaa iri ilɛ.

Piɛɛ 2, 1:16

Do ntɔ, a kù waa too si ará iyi inɛ ŋa à waa kpa do bisi nŋa, si waati iyi à jɔ̀ ì mà gbugbãi Lafɛ̃ɛ nwa Jesu Kirisi ŋa do kunyiɛ wa. Amma awa taka nwa mɔ à yɛ kulaɛ do iju nwa

Piɛɛ 2, 1:17

nɔ Ilaaɔ̃ Baaba í fɔ wa hai lele í ni, inɛ ihɛ̃i í jɛ ama akãm iyi ǹ bi jiida, siɛi inɔ didɔ̃m fei í ya wa. Waati nŋu Ilaaɔ̃, ilu amboe nla nla, í jɔ̀ Kirisiu í nɛ bɛɛrɛ do amboe.

Zãa 1, 1:7

Amma bii à waa nɛ si inya kumá, si bɛi Ilaaɔ̃ takaɛ í wa si inya kumáu, aa ka nɛ anu akã awa duusɔ̃ɔ, nɔ njɛi Jesu Amaɛ á jɔ̀ ka má hai si dulum fei.

Zãa 1, 3:5

Ì mà ŋa iyi Jesu, nŋu iyi kù ce dulum, í naai ku nya dulum dii amanɛ ŋa.

Kuyɛi Zãa 3:21

Inɛ iyi í jɛ igũ, lafɛ̃ɛi an jɔ̀ ku bam ku buba si kitãi bommam, si bɛi amu mɔ ǹ jɛ igũ nɔ ǹ buba do Baam si kitãi bommaɛ.

Kuyɛi Zãa 4:11

awɔ Ilaaɔ̃ Lafɛ̃ɛ nwa, awɔi ì to i nɛ amboe do bɛɛrɛ do gbugbã, domi awɔi ì taka mii fei. Si idɔɔbiɛi ì taka ŋa nɔ à wɛɛ.