Ebɛɛ 1:2 - Bibeli do fee

² Amma si waatii ankãanyiu ihɛ̃ awa à gbɔ ide ku fɔi Ilaaɔ̃i hai si gɛlɛi Amaɛ takaɛ. Amaui Ilaaɔ̃ í cica ku jɛ woo jɛ tubui mii fei, nŋu iyi aŋaò à taka andunya.

Ebɛɛ 1:2 Iomraidhean Croise

Kusintii Andunya 49:1

Si anyiɛ ŋɔi Zakɔbu í kpe amaɛ ŋa í ni, i tɔtɔɔ wa ŋa. An sisi nŋɛ mii iyi á na ku ba ŋɛ.

Ezai 2:2

Awaati wa naa iyi iri kuta si bii kpasɛ̃i Aɔ̃ Lafɛ̃ɛ í wau, á na ku gboka ku re iri kuta ŋa fei. Á wai hee antaii geete ŋa fei, nɔ inɛ ŋa aa ya naa bɛ mái nkpɔ nkpɔ.

Ezai 44:24

Izirɛli, Aɔ̃ Lafɛ̃ɛ woo faabaɛ, nŋu iyi í rɔɛ hai waati iyi a kù bíɛ wa wa sɔ̃ɛ í ni, amui ǹ jɛ icui mii iyi í wɛɛ fei. Amu akãi ǹ tɛ lele do ilɛ, kù jɛ do sobii inɛ kãma.

Ezai 45:12

Amui ǹ ce ilɛ, nɔ ǹ taka amanɛ ŋa ǹ jɔ̀ à wa si ilɛu. Amui ǹ ce lele, nɔ amui ǹ wa n na leleaɔ̃ ŋa wooda.

Ezai 45:18

Aɔ̃ Lafɛ̃ɛi í ce lele, nŋu iyi í jɛ Ilaaɔ̃ iyi í ce ilɛ nɔ í jɔ̀ í nɛ gbugbã. Kù coo ku maa wɛɛ ngbɛ, amma í cooi ku ba amanɛ ku wa si. Bɛi í fɔ wee. Í ni, amui ǹ jɛ Aɔ̃ Lafɛ̃ɛ. Ilaaɔ̃ mmuɛ kãma kù wɛɛ má.

Zeremi 30:24

Idɔɔkɔ̃ nlai Aɔ̃ Lafɛ̃ɛ kaa sũ bii kù kɔ̃ mii ŋa iyi í dasi idɔ ku ceu. Ajɔ wa naa iyi aa na i gbɔ yaaseɛ ŋa.

Zeremi 48:47

Amma bii í na í to waati gɔ, an jɔ̀ inɛi Moabu ŋa iyi à mu aru à nɛò ŋau a baa má. Amu Aɔ̃ Lafɛ̃ɛi ǹ fɔ bɛɛbɛ si gãmɛi ijuukpã iyi á jɛ ti inɛi Moabu ŋau.

Ezekiɛli 38:16

Aa faata si inɛi Izirɛli inɛm ŋau wa ŋai. Aa bii si ŋa ŋai bɛi kudũi ijĩ í ya bii ilɛ. Iyi bɛ á na ku cei si awaati ŋa iyi wa naa do waju. An jɔ̀ i naa si ilɛi inɛm ŋa igũ ku ba inɛ ŋa a mà iyi amui ǹ jɛ Aɔ̃ Lafɛ̃ɛ.

Daniɛli 10:14

Bɛbɛi, ǹ naa ku sɔ̃ɛ mii iyi á na ku ba zamaaɛ ŋai bii í kɔ̃ɔsi, domi kuyɛ mmu gɔ í wɛɛ iyi wa naa má na ajɔ ŋau bɛ.

Daniɛli 2:28

Amma lelei Aɔ̃, Ilaaɔ̃ í wa bɛ. Nŋui í ya fɔ yaasei asii ŋa, nɔ nŋui í jɔ̀ Nebukanɛsaa í mà mii ŋa iyi á na ku ce do waju. To, mii iyi ì yɛ si waati iyi ì waa sĩ njoou wee.

Ozee 3:5

Si anyiɛ, inɛi Izirɛli ŋau aa sinda a nyi wa, nɔ aa maa dɛdɛ Aɔ̃ Lafɛ̃ɛ do ilaalu nŋa iyi à bí si dimii Davidiu. Si zigiida nŋau, aa maai si Aɔ̃ Lafɛ̃ɛ wa nɔ aa maai si jiida ku jɛɛ si waati ŋa iyi wa mɔsi do waju.

Misee 4:1

Awaati wa naa iyi iri kuta si bii kpasɛ̃i Aɔ̃ Lafɛ̃ɛ í wau, á na ku gboka ku re iri kuta ŋa fei. Á wai hee antaii geete ŋa fei, nɔ inɛ ŋa aa ya naa bɛ mái nkpɔ nkpɔ.

Kuka 24:14

Na nŋu nsɛi an sinda n nyi bi inɛm ŋa. Amma naa wa n sɔ̃ɛ mii iyi inɛi Izirɛli ŋau aa na a cea inɛɛ ŋa do ankãanyi.

Matie 13:39

Mbɛɛ iyi í gbɔ̃ɔ nŋui í jɛ Seetam. Ajɔi kumuu mɔi í jɛ ajɔ iyi andunya á kpa iri, nɔ woo mu ŋau mɔ aŋai à jɛ amaleka ŋau.

Matie 17:5

Wa fɔ ideu kù tã mɔm nɔ inya kumá gɔ í naa si ŋa bɛi bukɔɔ. Nɔ à gbɔ ide ku fɔ gɔ hai si inɔɛ í ni, inɛ ihɛ̃i í jɛ amam. Ǹ buu jiida jiida, siɛi inɔ didɔ̃m fei í ya wa. I ya gbɔ ideɛ ŋa.

Matie 21:38

Amma iyi gaanɔɔma ŋau à yɛ amau à fɔ aŋa duusɔ̃ɔ à waa ni, i cɔ inɛ iyi á na ku jɛ tubuu. I naa wa ka kpaa nɔ ilɛu ku baa ku jɛ tu wa.

Matie 26:63

Amma Jesu wa cokoɛ. Ŋɔi woo wee nlau í sɔ̃ɔ í ni, do irii Ilaaɔ̃ nŋu iyi í wɛɛ, fɔ bii awɔ ì jɛ Amai Ilaaɔ̃ inɛ iyi Ilaaɔ̃ í cicaui.

Matie 28:18

Ŋɔi Jesu í sɛkɛɛ si ŋa wa í ni, yiikoi lele do ti ilɛ fei à nam nii.

Matie 3:17

Nɔ à gbɔ ide ku fɔ gɔ wa hai lele í ni, inɛ ihɛ̃i í jɛ Amam. Ǹ buu jiida jiida, siɛi inɔ didɔ̃m fei í ya wa.

Maaku 1:1

Kusintii laabaau jiidai Jesu Kirisi Amai Ilaaɔ̃ wee.

Maaku 12:6

Nsɛi í gbe amaabíi ilu ilɛu iyi í bi jiida jiida. Nŋui í bɛ do ankãanyi í ni, aa jirima amam.

Maaku 12:7

Amma waati iyi amaɛu wa to, woo ce icɛ ŋau à fɔ aŋa duusɔ̃ɔ à waa ni, i cɔ inɛ iyi á na ku jɛ tubuu. Ka kpaa nɔ tubuu ku baa ku jɛ tu wa.

Laabaau jiida iyi Zãa í kɔ 1:10

Inɛ iyi í jɛ Ideu í wa si andunya wo. Do saabuɛi Ilaaɔ̃ í takaò andunya. Do nŋu fei, inɛi andunya ŋa a kù màa.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Laabaau jiida iyi Zãa í kɔ 1:3

Do nŋui Ilaaɔ̃ í taka mii baa yooma fei, nɔ nkãma kù wɛɛ iyi kù jɛ nŋui í takaɛ.

Laabaau jiida iyi Zãa í kɔ 13:3

Jesu takaɛ í mà iyi Ilaaɔ̃ Baaba í daa nŋu mii fei si awɔ, í nɔ í mà iyi nŋu í naai hai bi Ilaaɔ̃ nɔ nŋu wa nyi bɛ má.

Laabaau jiida iyi Zãa í kɔ 13:32

Si bɛi inɛ ŋa aa yɛ amboei Ilaaɔ̃ na irim, nŋu takaɛ á jɔ̀ a yɛ ti amu mɔ. Á coo mɔm nii kaa kpɛ.

Laabaau jiida iyi Zãa í kɔ 15:15

N kaa n kpe ŋɛ aru má, domi aru ci ya mà mii iyi lafɛ̃ɛɛ wa ce. Amma ǹ wa n kpe ŋɛ kpaasi ŋa si na iyi í jɔ̀ mii iyi ǹ gbɔ hai bi Baam fei, nŋui ǹ sɔ̃ ŋɛ bɛ.

Laabaau jiida iyi Zãa í kɔ 16:15

Mii iyi Baaba í nɛ fei, tom nii. Ŋɔi í ce ǹ ni Hundei Ilaaɔ̃u á gbɔ idem ku sisi nŋɛ.

Laabaau jiida iyi Zãa í kɔ 17:2

nɔ inɛ ŋa iyi ì nam fei n mu nŋa kuwɛɛ hai tã si bɛi ì muum yiiko si inɛ fei.

Laabaau jiida iyi Zãa í kɔ 3:16

Ilaaɔ̃ í bi inɛi andunya ŋa jiida jiida hee í na ŋa Ama akãɛ ku ba inɛ iyi í dasiɛ naanɛ fei ku maà ce nfe, amma kú nɛ kuwɛɛ iyi ci ya tã.

Laabaau jiida iyi Zãa í kɔ 3:25

Ŋɔi mɔcɔi Zãa ŋa do Zuifu gɔ à waa ce kakɔɔ si buki iyi amanɛ á ce ku bɛi ku maaju.

Laabaau jiida iyi Zãa í kɔ 5:26

Si bɛi Baaba takaɛ í jɛ irii kuwɛɛ, bɛɛbɛ mɔi í jɔ̀ amu Amaɛ ǹ jɛ.

Laabaau jiida iyi Zãa í kɔ 5:27

Nɔ í muum kpãa n kiitiò inɛ ŋa, si na iyi í jɔ̀ ǹ jɛ Amai Amanɛ.

Laabaau jiida iyi Zãa í kɔ 9:29

Awa à mà iyi Ilaaɔ̃ í ba Moizi ide ku fɔ wo, amma inɛɛu bɛ awa a kù mà hai bii í naa.

Woo bɛ ŋa 10:36

Ì mà laabaau jiida iyi Ilaaɔ̃ í jɔ̀ à waazoa inɛi Izirɛli ŋa à ni inɛ ŋa aa ba laakai ku sũ do saabui Jesu Kirisi nŋu iyi í jɛ Lafɛ̃ɛi inɛ fei.

Woo bɛ ŋa 2:17

Ilaaɔ̃ í ni, si ajɔi ankãanyi ŋau an daa inɛ fei si Hundem. Ama inɛmɔkɔ do ama inaabo nŋɛ ŋa aa ce walii. Awaasũ nŋɛ ŋa aa ya maa ce kuyɛ ŋa, nɔ mɔkɔ ngbo nŋɛ ŋa mɔ an ba ŋa ide ku fɔ si ala.

Romu 1:4

amma Hundei Ilaaɔ̃ í nyisi do gbugbã iyi ntɔi Amai Ilaaɔ̃i si waati iyi í dedeɛ hai si balɛ.

Romu 8:17

To, si bɛi à jɛ amaɛ ŋa, nŋui í jɔ̀ à nɛ baa si mii iyi í jilɛ nwa. Aa ka nɛ ikpɛ̃ do Kirisi ajɔ, domi bii à baa ijuukpãɛ ku kpɛ̃, bɛɛbɛ mɔi aa ka baa amboeɛ ku kpɛ̃ má.

Kɔrɛnti 1, 2:7

Aawo, bisii asiii Ilaaɔ̃ iyi í singaa amanɛ ŋai à waa waazo. Bisiu Ilaaɔ̃ í ce sɔɔluɛi hai waati iyi kù taka andunya ku ba ka kpɛ̃ amboeɛ do nŋu takaɛ ajɔ.

Kɔrɛnti 1, 8:6

bi tu wa Ilaaɔ̃ akãi í wɛɛ. Nŋui í jɛ Baaba nɔ nŋui í taka mii fei. Na iriɛi awa à nɔ à wɛɛ. Lafɛ̃ɛ akã mɔi í nɔ í wɛɛ. Nŋui í jɛ Jesu Kirisi, nɔ mii fei í wɛɛi na iriɛ. Do saabuɛi à nɛò kuwɛɛ.

Galati 4:4

Amma iyi waati iyi Ilaaɔ̃ í jilɛu í na í to, ŋɔi í bɛ Amaɛ wa. Inaaboi í búu, nɔ si woodai Zuifu ŋai wa nɛ

Efɛɛzu 1:10

Lasabui Ilaaɔ̃u iyi á ce si ajɔ iyi awaatiɛ í to nŋui í jɛ ku tɔtɔɔ mii iyi í taka fei, hai mii iyi í wa lele do iyi í wa ilɛ fei, nɔ Kirisi ku jɛ iriɛ.

Efɛɛzu 3:9

Nɔ n sisia inɛ fei bɛi yaasei asiii Ilaaɔ̃ á ce ku ceò. Ilaaɔ̃, nŋu iyi í taka mii fei í singa asiiu ihɛ̃ hai ku kpɛ,

Wooda ku kɔsi 18:15

Aɔ̃ Lafɛ̃ɛ nŋɛ á jɔ̀ walii gɔ ku dede si anini nŋɛ hai si inɔi inɛ nŋɛ ŋau. Waliiu á yɛi bɛi amu, i ya gbɔ ideɛ ŋa.

Wooda ku kɔsi 31:29

Ǹ mà iyi si anyii ikum, iŋɛ inɛi Izirɛli ŋa aa dasi dulum nii nɔ aa sinda i jɔ̀ kpãa iyi ǹ nyisi ŋɛ ŋau. Nɔ do waju, wahalai á ba ŋɛ na mii ŋa iyi à jɔ iwɛ̃ ŋa iyi aa ce ŋa i fɔ́ò inɔi Aɔ̃ Lafɛ̃ɛ nŋɛu fei nɔ idɔɛ ku kɔ̃.

Wooda ku kɔsi 4:30

Si waati iyi mii ŋa iyi ǹ ka ŋau bɛ fei à na à ba ŋɛ, aa wɛɛò inɔ kufɔ ŋa, nɔ aa sinda i baa bi Aɔ̃ Lafɛ̃ɛ nŋɛ, nɔ i gbɔ ideɛ ŋa,

Ebɛɛ 1:5

Do ntɔ, Ilaaɔ̃ kù sɔ̃ inɛ akãi amaleka ŋau kù ni, awɔi ì jɛ Amam. Hai nnyi ǹ jɛ baaɛ. Kù nɔ kù jɛ amaleka gɔi wa fãa iyi í ni, an jɛ baaɛ, nɔ nŋu mɔ ku jɛ amam.

Ebɛɛ 1:8

Amma Amaɛi wa fãa iyi í ni, awɔi ì jɛ Ilaaɔ̃. Ǹ jilɛ bommaɛ hee do ajɔ fei. Dee dee ku jɛi í jɛ akpai bommaɛ.

Ebɛɛ 11:3

Na naanɛ ku dasii à mà iyi Ilaaɔ̃i í taka andunya do ideɛ. Bɛɛbɛi í taka mii iyi à waa yɛ hai si mii iyi a kù waa yɛ.

Ebɛɛ 2:3

Debɛi, bɛirei aa ka ce ka yɔkɔ ka saa ijuukpã bii à waa cɛiò idei faaba iyi í to bɛɛbɛ. Lafɛ̃ɛ takaɛ í tako í sisi idei faabau, nɔ si anyiɛ inɛ ŋa iyi à gbɔɔ à sɔ̃ wa à ni ideu ntɔi.

Ebɛɛ 3:6

Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.

Ebɛɛ 4:14

Do ntɔi à nɛ woo wee nla iyi í bɔ lelei Aɔ̃ í to hee bi Ilaaɔ̃ takaɛ. Nŋui í jɛ Jesu Amaɛ. Na nŋu, ka leekĩ dim dim si naanɛ iyi à dasi,

Ebɛɛ 5:8

Do iyi í jɛ Amai Ilaaɔ̃ fei, í kɔkɔ ku jirimaɛ si ijuukpã iyi í yɛ.

Ebɛɛ 7:28

Woo wee nla ŋa iyi à waa ce icɛ bɛi woodai Moizi í jilɛ, a kù kɔ̃. Amma woo wee nla iyi Ilaaɔ̃ í jilɛ do idei kugbasiɛ iyi í fɔ si anyii woodau, nŋui í jɛ Amaɛ iyi í kɔ̃ hee do ajɔ fei.

Ebɛɛ 7:3

Inɛ gɔ kù mà baaɛ walakɔ iyeɛ walakɔ balaɛ gɔ. A kù ce faajii kubíɛ hee má jɛ faajii ikuɛ. Si bɛɛbɛ í jɔ Amai Ilaaɔ̃, nɔ í jɛ woo wee do ajɔ fei.

Ebɛɛ 9:26

Bii í jɛ Kirisi í lɔ bɛ tuuba nkpɔ nkpɔ wo, á yɛ ijuukpã isɛ fɛɛfɛlo hai sintei andunya. Amma nsɛi, si waatii ankãanyiu ihɛ̃, í na araɛ bɛi kuwee gbakã akã iyi í to ku kpa idei dulum hee do ajɔ fei.

Piɛɛ 1, 1:20

Hai waati iyi a kù taka andunyai Ilaaɔ̃ í cica Kirisiu, amma í nyisi araɛ si waatii ankãanyiu ihɛ̃ na aranfãani nŋɛ.

Piɛɛ 2, 3:3

Sinte, ǹ bi i mà ŋa iyi si waatii ankãanyi inɛ gɔ ŋa aa na a maa nɛ si idɔɔbi nŋa. Nɔ aa yaako ŋɛ

Zudu 1:18

À sɔ̃ ŋɛ wo à ni, si waatii ankãanyi, woo yaako inɛ ŋa aa naa iyi a kù mà bɛɛrɛi Ilaaɔ̃, nɔ binɛ nŋai á maa cua nŋa.