Ebɛɛ 1:11 - Bibeli do fee

¹¹ Fei ndɛɛ á ce nfe amma awɔi aa wɛɛ. Lele do ilɛ fei á gboi bɛi ibɔ.

Ebɛɛ 1:11 Iomraidhean Croise

Iri ku kɔ̃ 10:16

Aɔ̃ Lafɛ̃ɛ í jɛ ilaalu hee do ajɔ fei. Dimi mmu ŋa aa kpa iri si ilɛu.

Iri ku kɔ̃ 102:26

Awɔi ì ce ilɛ hai ku kpɛ, nɔ lelei Aɔ̃ í jɛ icɛi awɔɛ ŋa.

Iri ku kɔ̃ 29:10

Aɔ̃ Lafɛ̃ɛ wa bubai si kitãi bommaɛ si waati iyi inyi nla í jɛ andunyau. Wa bubai bɛi ilaalu hee do ajɔ fei.

Iri ku kɔ̃ 90:2

Hee i maa ce iri kuta ŋa, nɔ hee i maa taka andunya, awɔ Ilaaɔ̃ ì wɛɛi hai ku kpɛ, nɔ aa maa wɛɛi hee do ajɔ fei.

Ezai 34:4

Andi gbugbãi lele ŋau fei, aa cukui. Lelei Aɔ̃ á ká si araɛi bɛi à ya ká tia, nɔ gbugbãi lele ŋau fei, aa cuku wai bɛi wuai rezɛ̃ɛ ŋa do bɛi ti figi ŋa à ya da a cuku.

Ezai 41:4

Yooi í jɛ icui mii ŋa iyi wa ceu bɛ. Inɛ iyi hai waati iyi ngɔgɔ kù ce titã, í ya fɔ mii iyi á na ku ce. Amu Aɔ̃ Lafɛ̃ɛi. Amui ǹ wa hai bi kusinti nɔ amui an nyi n wa tengi bii mii ŋa aa ce do ankãanyi má.

Ezai 44:6

Aɔ̃ Lafɛ̃ɛ, nŋu iyi í jɛ ilaalui inɛi Izirɛli ŋa nɔ í jɛ woo ya nŋa, nŋu iyi í jɛ Aɔ̃ Lafɛ̃ɛi lele do ilɛ í ni, amui ǹ jɛ sinte nɔ amui ǹ jɛ iri ku kpa. Baai amu baasi, Ilaaɔ̃ mmuɛ gɔ kù wɛɛ má.

Ezai 50:9

Aɔ̃ Lafɛ̃ɛi í ya naa ku sobim. Yooi á yɛ taalem. Aŋa fei aa da a cukui bɛi ibɔ ngbo iyi tũtũ ŋa à jɛ.

Ezai 51:6

I wu iju i cɔ ikpa lelei Aɔ̃ ŋa, si anyiɛ nɔ i cɔ ilɛ ŋa. Lelei Aɔ̃ á lɔi bɛi cua, ilɛu mɔ á gboi bɛi ibɔ, nɔ inɛi ilɛ ŋau aa kui bɛi cĩcĩ ŋa. Amma faabam á maa wɛɛi hee do ajɔ fei, nɔ dee dee ku jɛm mɔ á maa wɛɛi si agbɛɛ.

Ezai 51:8

Ntɔ ntɔ inɛ bɛ ŋa, tũtũ ŋa aa jɛ ŋai bɛi à ya jɛ ibɔ ŋa do jĩnɛ ŋa iyi à ya ce do ntoi angudã ŋau. Amma dee dee ku jɛm á maa wɛɛi hee do ajɔ fei, nɔ faabam á maa wai si tɔku tɔku ŋa.

Ezai 65:17

Nɔ í fɔ í ni, an ce lele titɔ̃i do ilɛ titɔ̃, nɔ a kaa ya ye gigii lele nwou do ilɛ nwou má. Kaa ya naa si lasabui inɛ ŋa má.

Matie 24:35

Lele do ilɛ fei á na ku tã, amma idem ŋa a kaa tã pai.

Maaku 13:31

Lele do ilɛ fei á na ku tã, amma idem ŋa kaa tã pai.

Luku 21:33

Lele do ilɛ fei á na ku tã amma idem ŋa a kaa tã pai.

Ebɛɛ 12:27

Iyi í ni, an nɔ n coo má gbakã akã, wa nyisi iyi mii iyi à taka á yaya nɔ ku lɔ ku ba mii iyi kaa yaya ku wɛɛ.

Ebɛɛ 8:13

Idei akabuu titɔ̃ iyi Ilaaɔ̃ wa fɔui í jɔ̀ ti takou í ce ngbo. Wee mii iyi wa gbo wa fei, wa bɔ ku kpa irii.

Kuyɛi Zãa 1:11

í ni, kɔ iyi ì waa yɛ si tia, nɔ i samba tiau bi inɛi igbɛ mɛɛjei Jesu ŋa iyi à wa Efɛɛzu, do Simiinu, do Pɛɛgamu, do Tiatii, do Saadi, do Filadɛɛfi, do Laodisee.

Kuyɛi Zãa 2:8

Kirisi í ni má, kɔa amalekai igbɛi inɛm ŋa iyi í wa Simiinu. Kɔaa i ni, inɛ iyi í jɛ sinte do iri ku kpa, iyi í tako í ku wo nɔ í dede má si kuwɛɛ í ni,

Kuyɛi Zãa 20:11

Si anyii nŋu, ŋɔi ǹ yɛ kitãi bomma nla fũfũ gɔ do inɛ iyi wa buba si antaiɛ. Nɔ ilɛ do lele à sa hai si wajuɛ, nɔ a kù yɛ gɔgɔ nŋa gɔ má.

Kuyɛi Zãa 21:1

Si anyii nŋu, ǹ yɛ lele titɔ̃ do ilɛ titɔ̃. Lele nwo do ilɛ nwo ŋau a kù wɛɛ má. Tenku mɔ kù wɛɛ má.