Ebɛɛ 1:1 - Bibeli do fee

¹ Tako bala nwa ŋa à gbɔ ide ku fɔi Ilaaɔ̃i hai si gɛlɛi waliiɛ ŋa isɛ fɛɛfɛlo si kpãa ikã ikã.

Ebɛɛ 1:1 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Kusintii Andunya 6:3

Ŋɔi Aɔ̃ Lafɛ̃ɛ í ni, hundem kaa maa wa si amanɛ do ajɔ fei domi amanɛ ilu arai nɔ kukpɔi adɔ̃ɛ kaa re adɔ̃ cifa (120).

Luku 1:72

Bɛɛbɛi í nyisi bala nwa ŋa araareɛ, nɔ wa yeò gigii akabuu kumáɛ.

Luku 24:27

Ŋɔi í sisi nŋa ide iyi à fɔ si kukɔi idei Ilaaɔ̃ fei si gãmɛi nŋu takaɛ. Í sintiɛi hai si tiai Moizi ŋa do ti walii ŋau fei.

Luku 24:44

Ŋɔi í ye ŋa gigi í ni, ide ŋa iyi ǹ sɔ̃ ŋɛu mbɛ si waati iyi ǹ wa inɔ nŋɛ wo. Ǹ tako ǹ sɔ̃ ŋɛ wo ǹ ni mii ŋa iyi à kɔ na irim si tiai woodai Moizi ŋa do si ti walii ŋau do si iri ku kɔ̃i Davidi ŋau kù nɛ bɛi á ce iyi kù ce.

Laabaau jiida iyi Zãa í kɔ 16:13

Waati iyi Hundei ntɔ á to wa, nŋui á jɔ̀ i mà ntɔu fei ŋa. Kaa fɔ ide do yiikoi nŋu takaɛ, ide ŋa iyi í gbɔ do iyi á na ku cei á sɔ̃ ŋɛ.

Laabaau jiida iyi Zãa í kɔ 7:22

Amma i lasabu ŋa. Moizii í na ŋɛ woodai bango ku dasi. Nŋui í jɔ̀ baa bii í jɛ ajɔi kusĩmii ì ya maa dasi ama nŋɛ ŋa bango ŋa. Nɔ mɔm idei bango ku dasiu kù jɛ hai bi Moizii wa naa, hai bi bala nŋɛ ŋai.

Laabaau jiida iyi Zãa í kɔ 9:29

Awa à mà iyi Ilaaɔ̃ í ba Moizi ide ku fɔ wo, amma inɛɛu bɛ awa a kù mà hai bii í naa.

Woo bɛ ŋa 13:32

Awa mɔ idei kuwã iyi Ilaaɔ̃ í cea bala nwa ŋau, nŋui à waa sɔ̃ ŋɛ.

Woo bɛ ŋa 2:30

Amma si bɛi í jɛ walii, í mà iyi Ilaaɔ̃ í cea nŋu kuwãi ide gɔ do kugbasi í ni tɔkuɛ gɔ á na ku buba si kitãi bommaɛ.

Woo bɛ ŋa 28:23

Nɔ à jilɛ ajɔ iyi aa nyi wa bi tɛɛ má. Iyi ajɔu í to inɛ nkpɔi í naa ile bii í wau. Ŋɔi í ce nŋa waazo hai daakɔ hee alɛ í koo í lɛò. Wa sisi nŋa yaasei bommai Ilaaɔ̃ nɔ wa tusɛ nŋa yaasei idei Jesu hai si woodai Moizi do si tiai walii ŋau ku ba a jɛsi.

Woo bɛ ŋa 3:21

Tilasii Jesu Kirisi ku maa wa lele hee awaati koo toò mii fei ku jɛ titɔ̃ si bɛi Ilaaɔ̃ í jɔ̀ walii kumáɛ ŋau à tako à fɔ wo.

Ebɛɛ 11:18

Nŋui Ilaaɔ̃ í sɔ̃ wo í ni, hai bi Izaakii dimiɛ á fita.

Ebɛɛ 11:2

Naanɛ ku dasi dimi bɛɛbɛi inɛi tako ŋa à nɛ, ŋɔi í jɔ̀ kuwɛɛ nŋa í sĩaa Ilaaɔ̃ si.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.

Ebɛɛ 2:2

domi baa ide iyi amaleka ŋa à naaò wa í nɛ gbugbã hee inɛ iyi kù saaluɛ walakɔ kù jirimaɛ fei í ba ijuukpã iyi í jɔ.

Ebɛɛ 2:3

Debɛi, bɛirei aa ka ce ka yɔkɔ ka saa ijuukpã bii à waa cɛiò idei faaba iyi í to bɛɛbɛ. Lafɛ̃ɛ takaɛ í tako í sisi idei faabau, nɔ si anyiɛ inɛ ŋa iyi à gbɔɔ à sɔ̃ wa à ni ideu ntɔi.

Ebɛɛ 3:5

Si icɛ iyi Moizi í cea inɛi Izirɛli ŋa fei, í yɛ bɛi amaacɛ ilu naanɛ si kpasɛ̃i Ilaaɔ̃ ku jɛ nwa sɛɛdai mii iyi á na ku ce.

Ebɛɛ 4:8

Ntɔi, bii í jɛ si kusĩmiu bɛi Zozue í bɔò inɛ ŋau wo, Ilaaɔ̃ kaa fɔ idei ajɔi kusĩmi mmu gɔ iyi á na ku naa.

Ebɛɛ 5:5

Bɛɛbɛ mɔi baa Kirisi takaɛ kù so araɛ lele kù ni nŋu í jɛ woo wee nlau. Ilaaɔ̃i í cicaɛ, nŋu iyi í sɔ̃ɔ í ni, awɔi ì jɛ amam. Hai nnyi ǹ jɛ baaɛ.

Ebɛɛ 9:19

Sinte Moizi í sisia inɛ fei wooda baa yooma fei si bɛi Ilaaɔ̃ í jilɔɔ. Si anyii nŋu, nɔ í so njɛi ama kɛtɛ ŋa do ti iwo ŋa do inyi, nɔ í so ikũ nkpa do amaawɔi jĩi ndii izɔpu, í dasi njɛu nɔ í fãsi tiai woodau do inɛ fei.