Daniɛli 9:9 - Bibeli do fee

⁹ Ilaaɔ̃ Lafɛ̃ɛ nwa, awɔi ì ya ce araare do suuru, domi awa à ce ide ku kɔ̀ si wajuɛ.

Daniɛli 9:9 Iomraidhean Croise

Samuɛli 2, 24:14

Ŋɔi Davidi í jɛa Gadi í ni, ǹ wa si inɔ kufɔ nla nla. Á sĩa Aɔ̃ Lafɛ̃ɛ ku kpã wa iju do iyi amanɛ ŋa aa kpã wa iju, domi araarei Aɔ̃ Lafɛ̃ɛ í la.

Ilaalu 1, 8:30

Jɔ̀ i cea amu woo ce icɛɛ do inɛi Izirɛli inɛɛ ŋa mii iyi à waa tɔɔ waati iyi à naa tengi ihɛ̃. Jɔ̀ i ya gbɔ kutɔɔ nwa hai lelei Aɔ̃ tengi bii ì wa, nɔ i kpa idei dulum du wa.

Neemi 9:31

Amma si araare nla nlaɛ, i kù kpa ŋa, nɔ i kù kɔ̀si ŋa, domi awɔ Aɔ̃ Lafɛ̃ɛ ì jɛ ilu araare nɔ ì cea inɛɛ ŋa jiida.

Iri ku kɔ̃ 130:4

Amma awɔ ì ya cea inɛ ŋa suurui, ŋɔi í jɔ̀ í nɛ ka jirimaɛ.

Iri ku kɔ̃ 130:7

Iŋɛ inɛi Izirɛli ŋa, i jɔ̀ naanɛ nŋɛ ku wa si Aɔ̃ Lafɛ̃ɛ, domi í jɛ jiida, nɔ nŋui í ya faaba inɛ ntɔ ntɔ.

Iri ku kɔ̃ 62:12

Kù jɛ gbakã akãi ǹ gbɔ iyi Aɔ̃ Lafɛ̃ɛ í fɔ í ni gbugbã fei wa naai hai bi ti nŋu.

Iri ku kɔ̃ 86:15

Aɔ̃ Lafɛ̃ɛ, awɔi ì jɛ ilu araare nɔ ì ya cea inɛ didɔ̃. Idɔɛ ci ya saasa ku kɔ̃ amma jiida ku jɛɛ do dee dee ku jɛɛ í la.

Iri ku kɔ̃ 86:5

Awɔ Aɔ̃ Lafɛ̃ɛ ì jɛ inɛ jiida do ilu suuru. Jiida ku jɛɛ í la í caa bi inɛ ŋa iyi à waa kpeɛ.

Ezai 55:7

Ilu inɔ kukã ku sinda ku jɔ̀ kpãaɛ, nɔ woo ce laalɔ mɔ ku jɔ̀ lasabuɛ ŋa nɔ ku sinda ku baa bi Aɔ̃ Lafɛ̃ɛ iyi á ce araareɛ. Ku sinda ku baa wa bi Aɔ̃ Lafɛ̃ɛ nwa nŋu iyi í ya ce suuru ntɔ ntɔ.

Ezai 63:7

An fɔ idei jiida ŋa iyi Aɔ̃ Lafɛ̃ɛ í ce si kubiɛ do kuceɛ ŋa iyi í to saabu, na jiida ŋa iyi í ce nwa fei, do na jiida nla nlaɛ iyi í cea inɛi Izirɛli ŋa, do jiida iyi í ce nŋa na araareɛ do si kubi nlaɛ.

Zeremi 14:7

Inɛi Zudaa ŋa à ni, ntɔ ntɔ à waa ba taalei na saabui kurara nwa ŋa. Amma à waa tɔɔɛi Aɔ̃ Lafɛ̃ɛ, ce ngɔgɔ baa na irii awɔ takaɛ, domi à zambaɛ tuuba nkpɔ nkpɔ, nɔ à ce dulum bi tɛɛ.

Ezekiɛli 20:13

Amma inɛi Izirɛli ŋau à dedeò ide ku kɔ̀ sim si gbaau. A kù jirima ikɔm ŋa, à fũsi woodam ŋa awɔ. Wooda ŋau do ikɔ ŋau, inɛ ŋa iyi à waa ceò ŋa icɛ fei, aa maa wɛɛi na iri nŋa. A kù saalu ajɔi kusĩmiu. Ŋɔi ǹ lasabu n jɔ̀ idɔɔkɔ̃m ku naa si ŋa wa si gbaau ku ba n ce nfe nŋa mam mam.

Daniɛli 9:5

Awa à kua woodaɛ ŋa, à ce dulum nɔ à baa à jɛ ilu taale ŋa. À dedeò ide ku kɔ̀ siɛ, nɔ à sinda à toa ideɛ do woodaɛ ŋa anyi.

Daniɛli 9:6

A kù de itĩ si idei walii woo ce icɛɛ ŋa, aŋa iyi ì sɔ̃ ideɛ nɔ ì jɔ̀ à sɔ̃ ilaalu nwa ŋa do inɛ ngbo nwa ŋa do bala nwa ŋa hee do zamaai ilɛu fei.

Daniɛli 9:7

Aɔ̃ Lafɛ̃ɛ, awɔ ì jɛ dee dee, nɔ anyɔi í jɛ ti awa. Ntɔ ntɔ nnyiu ihɛ̃, hai inɛi Zeruzalɛmu ŋa hee do inɛi bommai Zudaa ŋau fei, à wa si anyɔ nla nla. Nɔ bɛɛbɛ mɔi hee do inɛi Izirɛli ŋau fei, hai inɛ ŋa iyi à wa amɛɛ hee do inɛ ŋa iyi à wa hee jĩijĩ ŋau fei. Awɔi ì lele ŋa ì jɔ̀ à koo à wa si ilɛ mmu ŋa bii fei si na iyi í jɔ̀ à ce dulum bi tɛɛ.

Daniɛli 9:8

Ntɔ ntɔ, Aɔ̃ Lafɛ̃ɛ, awai à nɛ anyɔ, do ilaalu nwa ŋa, do inɛ ngbo nwa ŋa, do bala nwa ŋa si na iyi í jɔ̀ à ce dulum bi titɛɛ.

Zonasi 4:2

Nɔ í sɔ̃ Aɔ̃ Lafɛ̃ɛ í ni, mii ŋa iyi ǹ wa n yɛ mbɛ waati iyi ǹ wa ilɛi idem, ŋɔi í jɔ̀ ǹ sa gbãa gbãa ǹ nɛ ikpa Taasi. Ǹ mà iyi awɔ ilu araarei, idɔɛ ci ya saasa ku kɔ̃ nɔ jiida kú jɛɛ í caa, nɔ idei laalɔ iyi ì dasi idɔ i cea amanɛ ì ya kpaa mái.