Daniɛli 9:8 - Bibeli do fee

⁸ Ntɔ ntɔ, Aɔ̃ Lafɛ̃ɛ, awai à nɛ anyɔ, do ilaalu nwa ŋa, do inɛ ngbo nwa ŋa, do bala nwa ŋa si na iyi í jɔ̀ à ce dulum bi titɛɛ.

Daniɛli 9:8 Iomraidhean Croise

Ilaalu 2, 21:15

An ce bɛɛbɛi si na iyi í jɔ̀ à ce mii iyi kù dɔ̃ɔm si nɔ à dede idɔɔkɔ̃m hai ajɔ iyi bala nŋa ŋa à fita wa hai ilɛi Ezibitiu hee ku baa nnyi.

Bomma 2, 6:37

bii à kpaasi idɔ nɔ à sinda wa bi tɛɛ nɔ à waa tɔɔɛ suuru hai ilɛi inɛ ŋa iyi à mu ŋa aruu à waa ni, à ce kurara, à ce dulum nɔ à ce laalɔ ŋa,

Neemi 1:6

Cĩ ijuɛ ŋa nɔ i de itĩ i gbɔ kutɔɔ iyi amu woo ce icɛɛ ǹ wa n ce dasãò idũ. Ǹ wa n tɔɔɛi, kpa idei dulum du wa, awa inɛi Izirɛli woo ce icɛɛ ŋa. Ntɔ ntɔ, amu do kpasɛ̃i baam à ce dulum.

Ezai 64:4

Ì waa bɔ ku ko inɛ iyi í nɛ inɔ didɔ̃ wa ceò mii iyi í jɛ dee dee, do inɛ ŋa iyi à waa ye gigii kpãaɛ ŋa. Kpãaɛ ŋaui à ya faaba wa waati kãma fei wo. Amma idɔɛ í kɔ̃ si na iyi í jɔ̀ à ce dulum,

Zeremi 14:20

Aɔ̃ Lafɛ̃ɛ, à mà inɔ kukã nwa do kurarai bala nwa ŋa, domi à ce dulum bi titɛɛ.

Zeremi 32:32

na laalɔ ŋa iyi inɛi Izirɛli do inɛi Zudaa ŋau à ce à dedeò idɔɔkɔ̃m aŋa do ilaalu nŋa ŋa do akawe nŋa ŋa do woo wee nŋa ŋa do walii nŋa ŋa, aŋa iyi à jɛ inɛi Zudaa do inɛi Zeruzalɛmu ŋau fei.

Zeremi 7:19

Amui à waa cea laalɔ ba. Aawo, ara nŋai à waa cea, nɔ aa yɛ anyɔ.

Kukpata 1:18

Ŋɔi Zeruzalɛmu í ni, Aɔ̃ Lafɛ̃ɛ í nɛ ntɔ ku ce bɛɛbɛ, domi amu Zeruzalɛmu ǹ kɔ̀ ku ceò woodaɛ ŋa icɛi. Iŋɛ fei, ǹ wa n tɔɔ ŋɛi, i soti i gbɔ ŋa, nɔ i yɛ wahalam ŋa. Ama mudɛ̃ɛm ŋa do ama awaasũm ŋa, à nɛò ŋa ilɛ mmu à waa jɛ aru.

Kukpata 3:42

Ka ni, Aɔ̃ Lafɛ̃ɛ, awai à ce dulum, à ce ide ku kɔ̀ siɛ, iyi bɛi í jɔ̀ i kù ce nwa suuru.

Kukpata 5:16

Bɛɛrɛ nwa í kpa iri. Irei ì gbɔ wahala nla nla na dulum iyi à ce.

Ezekiɛli 16:63

Aa ye gigii mii iyi ì ce wo nɔ anyɔ á muɛ. I kaa yɔkɔ i fɔ ide na anyɔu waati iyi an ceɛ suurui mii iyi ì ceu. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 5:6

Inɛɛ ŋa à kɔ̀ ku jirima woodam ŋa do idem ŋa. Laalɔ ku ce nŋa í re ti dimi mmu ŋa do ilɛ mmu ŋa iyi à waa kaako ŋa ŋau. Ntɔ ntɔ à kɔ̀ ku jirima woodam ŋa do idem ŋai.

Daniɛli 9:9

Ilaaɔ̃ Lafɛ̃ɛ nwa, awɔi ì ya ce araare do suuru, domi awa à ce ide ku kɔ̀ si wajuɛ.