Daniɛli 9:7 - Bibeli do fee

⁷ Aɔ̃ Lafɛ̃ɛ, awɔ ì jɛ dee dee, nɔ anyɔi í jɛ ti awa. Ntɔ ntɔ nnyiu ihɛ̃, hai inɛi Zeruzalɛmu ŋa hee do inɛi bommai Zudaa ŋau fei, à wa si anyɔ nla nla. Nɔ bɛɛbɛ mɔi hee do inɛi Izirɛli ŋau fei, hai inɛ ŋa iyi à wa amɛɛ hee do inɛ ŋa iyi à wa hee jĩijĩ ŋau fei. Awɔi ì lele ŋa ì jɔ̀ à koo à wa si ilɛ mmu ŋa bii fei si na iyi í jɔ̀ à ce dulum bi tɛɛ.

Daniɛli 9:7 Iomraidhean Croise

Ɛsidarasi 9:13

Ilaaɔ̃ Lafɛ̃ɛ nwa, laalɔ ku ce nwa do kurara nla nwa nŋui í jɔ̀ laalɔ ŋau ihɛ̃ fei í naa si wa. Amma do nŋu fei i kù kpã wa iju kù to bɛi dulum ku ce nwa í to, nɔ ì jɔ̀ à waa wɛɛ, awa iyi à wa ihɛ̃.

Ɛsidarasi 9:15

Awɔ Aɔ̃ Lafɛ̃ɛi awa inɛi Izirɛli ŋa, si dee dee ku jɛɛ ì jɔ̀ awa iyi à gbeu ihɛ̃ nnyi à wɛɛ si hunde. Awa wee à wɛɛ à waa leekĩ si wajuɛ do dulum nla nla, nɔ wee si laalɔ dimi bɛɛbɛ ku ce inɛ kãma kù nɛ kpãa ku wɛɛ si hunde ku maa leekĩò si wajuɛ.

Neemi 9:33

Si mii iyi í ba wa fei awɔi ì jɛ dee dee nɔ ì jɛ ilu naanɛ, amma awai à ce mii iyi kù sĩa.

Iri ku kɔ̃ 119:137

Aɔ̃ Lafɛ̃ɛ, awɔi ì jɛ dee dee. Kiitiɛ ŋai à jɛ ntɔ.

Iri ku kɔ̃ 44:15

Ì jɔ̀ à jɛ dɔ̃anyi ŋa si dimi ŋa nɔ à ya bu wai a maa gbugbãò iri.

Iri ku kɔ̃ 51:14

Jɔ̀ n nɛ inɔ didɔ̃ iyi ǹ nɛ wo na faabam nɔ hunde jiidaɛ ku maa sobim.

Iri ku kɔ̃ 51:4

Wɛm hai si kuraram ŋa sãa sãa jɔ̀ n maaju si dulum dom.

Ezai 11:11

Si waati nŋu bɛi Aɔ̃ Lafɛ̃ɛ á dasi baa isɛ gbeejisia má ku ya zamaaɛ ŋa iyi à gbe si ilɛ mmu ŋau ku jɔ̀ a nɛ ara nŋa. Hai inɛ ŋa iyi à wa ilɛi Asiri do Ezibiti do Patɔɔsi do Etiopi do Elamu do ilɛi Babilɔni, do Amati do ilɛi itĩi inyi ŋau.

Ezai 45:16

Ŋɔi woo ce mii ŋa iyi à jɔ iwɛ̃ ŋau anyɔ í mu aŋa fei, nɔ bɛɛrɛ nŋa í kaye, nɔ aŋa fei à waa nɛ do anyɔ.

Zeremi 12:1

Aɔ̃ Lafɛ̃ɛ, dee dee ku jɛɛ í caa. N kù nɛ n maa n ce kakɔɔ do awɔ. Amma do nŋu fei, ǹ bi n baɛ ide ku fɔ si kiitiɛ ŋa. Inɛ ŋa iyi à jɛ inɛ laalɔ ŋa, mii iyi à waa ce si kuwɛɛ nŋa fei, í ya maa nɛ nŋai dee dee. Na mii. Bɛirei í ce woo zamba inɛ ŋa, aŋa fei à ya maa wɛɛ nŋai do laakai ku sũ.

Zeremi 23:6

Si waatiɛi inɛi Zudaa ŋa aa ba faaba, nɔ inɛi Izirɛli ŋa aa jɛ kuwɛɛ nŋai do laakai ku sũ. Iri iyi aa ya kpoo doi í jɛ, Aɔ̃ Lafɛ̃ɛi í jɛ woo kiiti nwa.

Zeremi 24:9

An jɔ̀ yaasei kuwɛɛ nŋa ku jɛaa inɛ ŋa zigiidai bi bommai ilɛ ŋau fei. Tengi bii an fangaa ŋa a koo a wa fei, aŋai aa jɛ yaase iyi inɛ ŋa aa ya so waati iyi à waa bi a bú inɛ gɔ, walakɔ waati iyi à waa yaako inɛ gɔ, walakɔ waati iyi à waa kɔ̃ irii inɔ kukã gɔ, walakɔ waati iyi à waa bi a ceekpe inɛ gɔ.

Zeremi 3:25

Ka sũ do anyɔ nwa. Nɔ ka jɛsi anyɔu ku bii wa. Ntɔ ntɔ à ce dulum bi Aɔ̃ Lafɛ̃ɛ nwa, awa do baa nwa ŋa hai keeke nwa hee ku baa nnyi. A kù gbɔ ide iyi Aɔ̃ Lafɛ̃ɛ nwa í wasi ku sɔ̃ wau pai.

Zeremi 32:32

na laalɔ ŋa iyi inɛi Izirɛli do inɛi Zudaa ŋau à ce à dedeò idɔɔkɔ̃m aŋa do ilaalu nŋa ŋa do akawe nŋa ŋa do woo wee nŋa ŋa do walii nŋa ŋa, aŋa iyi à jɛ inɛi Zudaa do inɛi Zeruzalɛmu ŋau fei.

Zeremi 33:16

Waati bɛɛbɛ, ilɛi Zudaa á ba faaba, nɔ Zeruzalɛmu mɔ á nɛ laakai ku sũ si iluɛ, nɔ aa ya kpooi, Aɔ̃ Lafɛ̃ɛi í jɛ dee dee ku jɛ nwa.

Zeremi 4:17

À waa kaako Zeruzalɛmui bɛi inɛ ŋa iyi à waa degbe iko, domi iluu í kɔ̀si amu Aɔ̃ Lafɛ̃ɛɛ.

Zeremi 7:19

Amui à waa cea laalɔ ba. Aawo, ara nŋai à waa cea, nɔ aa yɛ anyɔ.

Ezekiɛli 16:63

Aa ye gigii mii iyi ì ce wo nɔ anyɔ á muɛ. I kaa yɔkɔ i fɔ ide na anyɔu waati iyi an ceɛ suurui mii iyi ì ceu. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 36:31

Waati bɛɛbɛ, aa ye gigii isɛɛnɛ laalɔ nŋɛ ŋa, do kuce nŋɛ ŋa iyi kù sĩa, nɔ aa nɛ inɔ kufɔ nla nla ŋa na laalɔ ŋau bɛ.

Ezekiɛli 5:10

Si inɔ iluu, baa ŋa aa maa ŋɔ ama nŋa ŋai, nɔ amu ŋa mɔ aa maa ŋɔ baa nŋa ŋai. An kiiti ŋa n kpa ŋai, nɔ n fangaa inɛ ŋa iyi à wɛɛ si hunde ŋau bii fei si andunyau.

Ezekiɛli 6:12

Inɛ ŋa iyi à wa jĩijĩ, aa kui do bɔ̃ɔ, inɛ ŋa iyi à wa amɛɛ, aa kui si igũu, nɔ inɛ ŋa mɔ iyi à ba à fita si, arii á kpa ŋa. An jɔ̀ idɔɔkɔ̃m ku ce icɛɛ si ŋai hee kɔɔ.

Daniɛli 9:14

Awɔ Aɔ̃ Lafɛ̃ɛ ì waa ce laakaii, nɔ ì jɔ̀ laalɔu í naa si wa, domi awɔ Aɔ̃ Lafɛ̃ɛ nwa ì jɛ dee dee si icɛɛ ŋa iyi wa ce fei, nɔ awa a kù de itĩ a kù gbɔ ideɛ.

Daniɛli 9:18

Ilaaɔ̃ Lafɛ̃ɛm, sotĩ nɔ i gbɔ. Cĩ ijuɛ ŋa nɔ i cɔ inya nwa ŋa iyi à lɛgɛ ŋau, do ilu iyi í jɛ titɛɛu. Ntɔ ntɔ, kù jɛ si na iyi í jɔ̀ mii iyi à ce í jɛ dee deei í jɔ̀ à waa tɔɔɛ. À waa tɔɔɛi na araare nla nlaɛ.

Daniɛli 9:8

Ntɔ ntɔ, Aɔ̃ Lafɛ̃ɛ, awai à nɛ anyɔ, do ilaalu nwa ŋa, do inɛ ngbo nwa ŋa, do bala nwa ŋa si na iyi í jɔ̀ à ce dulum bi titɛɛ.

Amɔsu 9:9

An na wooda n jɔ̀ a yaga inɛi Izirɛli ŋa si ilɛ bii à wa fei bɛi à ya tɛmɛ sãa nɔ kuta kãma ci ya cuku ilɛ.

Romu 6:21

Riba yoomai ì ya ba ŋa waati bɛɛbɛ. Riba iyi ì ba ŋau wa mu ŋɛ anyɔ nsɛi, nɔ iri ku kpaɛ ikui.

Wooda ku kɔsi 32:4

Aɔ̃ Lafɛ̃ɛi í jɛ kuta ku nɛ gbugbã iyi wa degbe wa. Mii iyi wa ce fei, í ya cooi dee dee. Ideɛ ŋa iyi í jilɛ fei, si asaiyai í ya jɛ. Ilaaɔ̃ Lafɛ̃ɛ nwa ci ya kpaasi. Ci ya ce laalɔ ajɔ kãma. Waati kãma fei, iyi í jɛ dee dee do iyi í tɛi í ya ce.

Wooda ku kɔsi 4:27

Nɔ Aɔ̃ Lafɛ̃ɛ á fangaa ŋɛi si inɔi dimi mmu ŋa. Si dimi mmu bii aa koo i wa ŋau i kaa kpɔ ŋa.