Daniɛli 9:6 - Bibeli do fee

⁶ A kù de itĩ si idei walii woo ce icɛɛ ŋa, aŋa iyi ì sɔ̃ ideɛ nɔ ì jɔ̀ à sɔ̃ ilaalu nwa ŋa do inɛ ngbo nwa ŋa do bala nwa ŋa hee do zamaai ilɛu fei.

Daniɛli 9:6 Iomraidhean Croise

Ilaalu 2, 18:12

Aɔ̃ Lafɛ̃ɛ í jɔ̀ à mu ŋa aru si na iyi í jɔ̀ a kù jirima ideɛ ŋa nɔ à kua akabuu iyi aŋaò ŋa à dĩu. A kù gbɔ idei Moizi woo ce icɛi Aɔ̃ Lafɛ̃ɛu hee a ceò icɛ.

Bomma 2, 33:10

Ŋɔi Aɔ̃ Lafɛ̃ɛ í ni Manasee do zamaaɛu a ce laakai, amma a kù gbɔ ideɛ.

Ɛsidarasi 9:7

Hai waati iyi bala nwa ŋa à wɛɛ hee do nnyi fei, laalɔ ku cei inɛ nwa ŋa í la í caa. Nŋui í jɔ̀ ilaalu inɛ njoo ŋa à kãmia inɛ nwa ŋa hee do ilaalu nwa ŋa do woo wee nwa ŋa fei, à jɛ wa igũ à kpa wa à mu wa aru, à ce wa ile à ko mii ndu wa ŋa fei, nɔ à kaye wa bɛi à wɛɛò hee nnyi.

Neemi 9:30

Do nŋu fei ì temuaò ŋa adɔ̃ nkpɔ nkpɔ. Ì jɔ̀ hundeɛ í naa si waliiɛ ŋa ku ba a sɔ̃ ŋa a ce laakai. Amma a kù de si ŋa itĩ. Ŋɔi ì so ŋa ì daa dimi mmu ŋa si awɔ.

Neemi 9:32

Awɔ Aɔ̃ Lafɛ̃ɛ nwa, ì la nɔ ì nɛ gbugbã do amboe. Akabuu iyi ì dĩ do awau ì waa muu, nɔ ì nɛ araare nwa. Hai waatii ilaalui Asiri ŋau wa hee ku baa nnyi à wa si wahala awa do ilaalu nwa ŋa do inɛ ngbo nwa ŋa do woo wee nwa ŋa do walii nwa ŋa do bala nwa ŋa do zamaaɛ fei. Aɔ̃ Lafɛ̃ɛ, maà cɔ wahala nwa ŋau bɛi mii keeke.

Neemi 9:34

Ilaalu nwa ŋa do inɛ ngbo nwa ŋa do woo wee nwa ŋa do bala nwa ŋa à fũsi woodaɛ awɔ, nɔ a kù desi ideɛ ŋa itĩ hee má jɛ ikɔ ŋa iyi ì waa sɔ̃ ŋa.

Zeremi 26:5

I mu laabaau iyi walii woo ce icɛm ŋau à waa sɔ̃ ŋɛ ku ce ncɛɛ. N kù gbɛɛjiò walii ŋa ku bɛ si ŋɛ wa ajɔ kãma, amma i ci ya gbɔ ide nŋa ŋai.

Zeremi 29:19

Aɔ̃ Lafɛ̃ɛ í ni, bɛɛbɛi á jɛ si na iyi í jɔ̀ à kɔ̀ ku gbɔ ide iyi ǹ wa n sɔ̃ ŋa. Do nŋu fei, n kù gbɛɛji, ǹ kɔ̀ ǹ wasi ku bɛ si ŋa walii woo ce icɛm ŋa wa, amma à kɔ̀ ku gbɔ ide nŋa.

Zeremi 44:16

a kù bi ide iyi ì waa sɔ̃ wa do irii Aɔ̃ Lafɛ̃ɛu bɛ ku gbɔ má.

Zeremi 7:13

Nɔ bɛbɛi, si bɛi iŋɛ mɔ ì ce kookoosu ŋau bɛ fei, si bɛi ǹ sɔ̃ ŋɛ hai daakɔ nɔ ì kɔ̀ ku gbɔ ŋa, si bɛi ǹ kpe ŋɛ nɔ i kù jɛɛm ŋa,

Zeremi 7:24

Nɔ à kɔ̀ ku gbɔ. A kù sotĩ pai. Ikɔ do lasabu laalɔi idɔ nŋa ŋai a too si. Ŋɔi à baa do anyi, a kù wa waju.

Daniɛli 9:10

A kù de itĩ a kù gbɔ idei awɔ Aɔ̃ Lafɛ̃ɛ nwa ku ba ka too si woodaɛ ŋa iyi ì jɔ̀ walii woo ce icɛɛ ŋau à sɔ̃ wa.

Daniɛli 9:9

Ilaaɔ̃ Lafɛ̃ɛ nwa, awɔi ì ya ce araare do suuru, domi awa à ce ide ku kɔ̀ si wajuɛ.

Matie 23:37

Jesu í ni, iŋɛ inɛi Zeruzalɛmu ŋa, iŋɛi ì ya kpa walii ŋa nɔ i ta amaabɛi Ilaaɔ̃ ŋa mɔ kuta i kpa ŋa ŋa. Isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Woo bɛ ŋa 13:27

Wee inɛi Zeruzalɛmu ŋa do inɛ ngbo nŋa ŋa a kù mà yooi Jesu í jɛ dee dee, a kù nɔ a kù gbɔ yaasei idei walii ŋa iyi à ya maa cio si ajɔi kusĩmi feiu. Amma do nŋu fei à jɔ̀ ideu í kɔ̃ si waati iyi à yɛ taalei Jesu.