Daniɛli 9:5 - Bibeli do fee

⁵ Awa à kua woodaɛ ŋa, à ce dulum nɔ à baa à jɛ ilu taale ŋa. À dedeò ide ku kɔ̀ siɛ, nɔ à sinda à toa ideɛ do woodaɛ ŋa anyi.

Daniɛli 9:5 Iomraidhean Croise

Ilaalu 2, 18:12

Aɔ̃ Lafɛ̃ɛ í jɔ̀ à mu ŋa aru si na iyi í jɔ̀ a kù jirima ideɛ ŋa nɔ à kua akabuu iyi aŋaò ŋa à dĩu. A kù gbɔ idei Moizi woo ce icɛi Aɔ̃ Lafɛ̃ɛu hee a ceò icɛ.

Ilaalu 2, 21:15

An ce bɛɛbɛi si na iyi í jɔ̀ à ce mii iyi kù dɔ̃ɔm si nɔ à dede idɔɔkɔ̃m hai ajɔ iyi bala nŋa ŋa à fita wa hai ilɛi Ezibitiu hee ku baa nnyi.

Ɛsidarasi 9:6

Ǹ ce kutɔɔ ǹ ni, Ilaaɔ̃ Lafɛ̃ɛm, ǹ wɛɛò inɔ kufɔ, nɔ anyɔ wa mum hee í jɔ̀ n kaa n jɛ n wu iju lele n cɔɛ. Laalɔ ku ce nwa í la í caa í to hee lele mɔm.

Iri ku kɔ̃ 106:6

Awa à ce dulum nii bɛi bala nwa ŋa. À ce kurara ŋa, nɔ à cei bɛi ilu inɔ kukã ŋa.

Iri ku kɔ̃ 119:102

N ci ya n jĩò woodaɛ ŋa domi awɔi ì kɔm si wooda ŋau.

Iri ku kɔ̃ 119:176

Ǹ wa n dabii bɛi angudã iyi í nyɔ. Naa i dɛdɛm amu woo ce icɛɛ, domi n kù gbɛjɛ woodaɛ ŋa.

Iri ku kɔ̃ 18:21

Aɔ̃ Lafɛ̃ɛ í ceem bɛɛbɛi si bɛi dee dee ku jɛm í to. nɔ í sãam ribai dee dee ku jɛm.

Ezai 53:6

Awa fei à nyɔi wo à waa dabii bɛi mɛɛmu gaa ŋa. Waati bɛɛbɛ, inɛ fei í mu kpãaɛi, nɔ Aɔ̃ Lafɛ̃ɛ í jɔ̀ kurarai awa fei í baa siɛ.

Ezai 59:13

À ce ide ku kɔ̀ bi tɛɛ Aɔ̃ Lafɛ̃ɛ nɔ à zambaɛ. À kɔ̀ ku tooɛ awɔ Aɔ̃ Lafɛ̃ɛ nwa. Ide kulele ŋai à ya ka maa fɔ nɔ à ya ka bɛjɛ mii jiida ŋa. À ya ka ce sɔɔlui ibo ŋa si idɔ nwai nɔ ka maa lasabu si.

Ezai 64:4

Ì waa bɔ ku ko inɛ iyi í nɛ inɔ didɔ̃ wa ceò mii iyi í jɛ dee dee, do inɛ ŋa iyi à waa ye gigii kpãaɛ ŋa. Kpãaɛ ŋaui à ya faaba wa waati kãma fei wo. Amma idɔɛ í kɔ̃ si na iyi í jɔ̀ à ce dulum,

Zeremi 14:20

Aɔ̃ Lafɛ̃ɛ, à mà inɔ kukã nwa do kurarai bala nwa ŋa, domi à ce dulum bi titɛɛ.

Zeremi 14:7

Inɛi Zudaa ŋa à ni, ntɔ ntɔ à waa ba taalei na saabui kurara nwa ŋa. Amma à waa tɔɔɛi Aɔ̃ Lafɛ̃ɛ, ce ngɔgɔ baa na irii awɔ takaɛ, domi à zambaɛ tuuba nkpɔ nkpɔ, nɔ à ce dulum bi tɛɛ.

Zeremi 3:25

Ka sũ do anyɔ nwa. Nɔ ka jɛsi anyɔu ku bii wa. Ntɔ ntɔ à ce dulum bi Aɔ̃ Lafɛ̃ɛ nwa, awa do baa nwa ŋa hai keeke nwa hee ku baa nnyi. A kù gbɔ ide iyi Aɔ̃ Lafɛ̃ɛ nwa í wasi ku sɔ̃ wau pai.

Zeremi 30:14

Inɛ ŋa iyi à tako à biɛ wo fei, à gbɛjɛ ideɛ, nɔ a kù waa dɛdɛɛ má. Ǹ cãɛi bɛi inɛ í ya cã mbɛɛɛ. Ǹ kpãɛ ijui ntɔ ntɔ na kurara nkpɔ nkpɔɛ ŋau do zaka bɛi kugaabui dulum dɛɛ ŋau à to.

Zeremi 44:3

na laalɔ iyi à ce à dedeò idɔɔkɔ̃m. Iwɛ̃ ŋai à ya maa tɔɔ nɔ a maa ce nŋa kuweei tuae ku dɔ̃ inunu iyi à ya jo si ina. Iwɛ̃ ŋau bɛ, aŋa taka nŋa a kù mà ŋa hee má jɛ bala nŋa ŋa.

Kukpata 1:18

Ŋɔi Zeruzalɛmu í ni, Aɔ̃ Lafɛ̃ɛ í nɛ ntɔ ku ce bɛɛbɛ, domi amu Zeruzalɛmu ǹ kɔ̀ ku ceò woodaɛ ŋa icɛi. Iŋɛ fei, ǹ wa n tɔɔ ŋɛi, i soti i gbɔ ŋa, nɔ i yɛ wahalam ŋa. Ama mudɛ̃ɛm ŋa do ama awaasũm ŋa, à nɛò ŋa ilɛ mmu à waa jɛ aru.

Kukpata 1:20

Aɔ̃ Lafɛ̃ɛ, cɔ wahalam. Aram wa yaya nɔ ǹ nɛ inɔ kufɔ ntɔ ntɔ, domi ǹ kɔ̀ ku gbɔ ideɛ. Waduude, igũ í kpa amam ŋa. Inɔ kpasɛ̃, ikui wa ce.

Kukpata 3:42

Ka ni, Aɔ̃ Lafɛ̃ɛ, awai à ce dulum, à ce ide ku kɔ̀ siɛ, iyi bɛi í jɔ̀ i kù ce nwa suuru.

Ezekiɛli 5:6

Inɛɛ ŋa à kɔ̀ ku jirima woodam ŋa do idem ŋa. Laalɔ ku ce nŋa í re ti dimi mmu ŋa do ilɛ mmu ŋa iyi à waa kaako ŋa ŋau. Ntɔ ntɔ à kɔ̀ ku jirima woodam ŋa do idem ŋai.

Ezekiɛli 6:9

Nɔ si ilɛ mmu ŋa bii aa koo a maa jɛ aruu, aa maa ye gigim wai. Aa maa ye gigii bɛi ǹ cea idɔ hai jɛ dee dee nŋa do bɛi ǹ jɔ̀ à fa ijum nŋa iyi í ya maa kãsi iwɛ̃ nŋa ŋau. Nɔ aŋa taka nŋa aa cé ara nŋa na laalɔ ŋa iyi à ceu.

Daniɛli 9:11

Inɛi Izirɛli ŋau fei à gbea woodaɛ ŋa nɔ à jĩò ŋa a kù de si itĩ. Na ŋɔi í jɔ̀ ikpe í cuku si wa na idei kugbasi ŋa iyi à kɔ si woodai Moizi woo ce icɛɛ, domi à ce dulum nii bi awɔ Ilaaɔ̃.

Daniɛli 9:15

Ilaaɔ̃ Lafɛ̃ɛ nwa, awɔi ì nya inɛɛ ŋa wa hai ilɛi Ezibiti do awɔ gbugbãɛ nɔ ì nya iri, amma nsɛi awa à kua woodaɛ ŋa nɔ à baa à jɛ ilu taale ŋa.

Daniɛli 9:9

Ilaaɔ̃ Lafɛ̃ɛ nwa, awɔi ì ya ce araare do suuru, domi awa à ce ide ku kɔ̀ si wajuɛ.

Ozee 1:2

Ide sinte ŋa iyi Aɔ̃ Lafɛ̃ɛ í sɔ̃ Ozee í ni ku sɔ̃ zamaai nŋu ŋau wee. Aɔ̃ Lafɛ̃ɛ í sɔ̃ Ozee í ni, koo so inaabo à ce sakara, nɔ abou ku bíɛ amu ŋa iyi aa jɛ amai abo à ce sakara, domi inɛi Izirɛli ŋau à ya dabii a maa tɔɔ iwɛ̃ ŋai bɛi inaabo à ce sakara í ya maa dabii si inɛmɔkɔ ŋa, nɔ à fũsi Aɔ̃ Lafɛ̃ɛ awɔ.

Malasi 3:7

Hai si waatii bala nŋɛ ŋa wai i kù saalu ikɔm ŋa i kù ceò ŋa icɛ ŋa. Na nŋu, amu Aɔ̃ Lafɛ̃ɛi lele do ilɛ ǹ ni, i sinda wa bi titom nɔ amu mɔ n sinda wa bi tu ŋɛ. Amma ì waa ni ŋa, na mii aa ka sinda wa bi titɛɛ.

Ebɛɛ 3:12

Na nŋu, iŋɛ inɛm ŋa, i ce laakai, i maà jɔ̀ inɛ gɔ nŋɛ ku nɛ idɔ laalɔ hai dasi naanɛ, iyi á jɔ̀ ku sinda hai bi Ilaaɔ̃, nŋu iyi í wɛɛ.