Daniɛli 9:4 - Bibeli do fee

⁴ Amu Daniɛli, si kutɔɔm nɔu, ǹ wa n tɔɔ Aɔ̃ Lafɛ̃ɛ ku cea inɛm ŋau suurui kurara nŋa ŋai. Si kutɔɔm nɔu ǹ ni, Lafɛ̃ɛ Ilaaɔ̃, awɔ iyi ì la nɔ ì to njo, nɔ ì ya kɔ̃ akabuuɛ, dee dee ku jɛɛ í ya wa si gãmɛi inɛ ŋa iyi à biɛ nɔ à waa jirima woodaɛ ŋa.

Daniɛli 9:4 Iomraidhean Croise

Ilaalu 1, 8:23

Si kutɔɔɛu í ni, Aɔ̃ Lafɛ̃ɛi inɛi Izirɛli ŋa, inɛ kãma kù wa lele walakɔ ilɛ iyi í yɛ bɛi awɔ. Ì ya kɔ̃ akabuuɛ nɔ ì ya leekĩ dee dee bi woo ce icɛɛ ŋa iyi à waa jirimaɛ do idɔ nŋa fei.

Bomma 2, 7:14

nɔ zamaam iyi à waa kpe do irim nɔu í kaye araɛ wa ce kutɔɔ, nɔ wa dɛdɛɛm, nɔ í sinda wa hai si kpãa laalɔɛ ŋau, an jɛaa wa hai lele. An ceaa suurui dulum dɛɛu, nɔ n jɔ̀ ilɛɛu ku ba iri.

Ɛsidarasi 10:1

Waati iyi Ɛsidarasi í gulɛ wa kpataò si wajui kpasɛ̃u wa tɔɔ Ilaaɔ̃ ku kpa idei dulum du ŋau, inɛi Izirɛli ŋa aŋa nkpɔ nkpɔi à tɔtɔɔ à kaakoɛ bɛ, hai inɛmɔkɔ ŋa do inaabo ŋa do ama keeke ŋa, aŋa fei à wasi ku kpata hee lele.

Neemi 1:5

ǹ ni, Aɔ̃ Lafɛ̃ɛ, awɔ Ilaaɔ̃ iyi ì wa lele, ì la nɔ ì nɛ amboe. Awɔi ì waa mu akabuuɛ, nɔ ì ya ce araarei inɛ ŋa iyi à biɛ nɔ à waa jirima woodaɛ ŋa.

Neemi 9:32

Awɔ Aɔ̃ Lafɛ̃ɛ nwa, ì la nɔ ì nɛ gbugbã do amboe. Akabuu iyi ì dĩ do awau ì waa muu, nɔ ì nɛ araare nwa. Hai waatii ilaalui Asiri ŋau wa hee ku baa nnyi à wa si wahala awa do ilaalu nwa ŋa do inɛ ngbo nwa ŋa do woo wee nwa ŋa do walii nwa ŋa do bala nwa ŋa do zamaaɛ fei. Aɔ̃ Lafɛ̃ɛ, maà cɔ wahala nwa ŋau bɛi mii keeke.

Iri ku kɔ̃ 32:5

Ŋɔi ǹ jɔ̀ ì mà dulum dom nɔ n kù singaɛ kuraram, ǹ ni, an ce tuubai kuraram ŋa bi Aɔ̃ Lafɛ̃ɛ. Nɔ ì kpa kuraram ŋa do dulum dom ŋau. Kusĩmi.

Kufita 20:6

Amma inɛ ŋa iyi à bim nɔ à waa jirima woodam ŋa an ce araare nŋa hee ku koo si tɔku dubusia nŋa ŋa.

Zeremi 3:13

Nŋu de, jɔ̀ i mà kuraraɛ ŋa. Jɔ̀ i mà iyi ì ce ide ku kɔ̀ bi Aɔ̃ Lafɛ̃ɛ, domi ì dabii si iwɛ̃ ŋai bii fei si abɛ jĩi tũtũ fei. Nɔ ì kɔ̀ idem ku gbɔ.

Zeremi 32:23

À naa nɔ à na à buba si í jɛ tu ŋa. Amma a kù gbɔ ide ku fɔɛ, nɔ a kù jirima woodaɛ. A kù ce mii ŋa iyi ì sɔ̃ ŋa ì ni a ce fei. Nɔ na ŋɔi í jɔ̀ ì jɔ̀ wahala ŋau ihɛ̃ fei à naa si ŋa.

Daniɛli 6:10

Ŋɔi ilaalu Dariusi í jilɛ woodau, nɔ í dasi nyindaɛu.

Daniɛli 9:3

Ŋɔi ǹ lɔsi kutɔɔ ku ce do anu ku dĩ. Ǹ dasi jĩnɛ ŋa iyi inɛ ŋa à ya dasi bii iku í ce, nɔ ǹ kosi irim ilulu. Si anyii nŋu, nɔ ǹ sinda si Ilaaɔ̃ Lafɛ̃ɛ ǹ wasi ku tɔɔɛ.

Luku 1:72

Bɛɛbɛi í nyisi bala nwa ŋa araareɛ, nɔ wa yeò gigii akabuu kumáɛ.

Romu 8:28

Nɔ iyi í re mɔm, à mà sãa sãa, inɛ ŋa iyi à bi Ilaaɔ̃, aŋa iyi í kpe si idɔɔbiɛ à jɛ tɛɛ, Ilaaɔ̃ wa ce icɛ si mii iyi wa ba ŋa fei ku ba ku ce nŋa jiida.

Wooda ku kɔsi 5:10

Amma inɛ ŋa iyi à bim nɔ à waa jirima woodam ŋa an ce araare nŋa hee ku koo si tɔku dubusia nŋa ŋa.

Wooda ku kɔsi 7:12

Bii ì ce laakai ì waa gbɔ idei woodaɛ ŋau ŋa, bii ì waa jirima ŋa ì waa ceò icɛ ŋa, Aɔ̃ Lafɛ̃ɛ nŋɛ á jɔ̀ araareɛ do akabuu iyi í dĩ do bala nŋɛ ŋau a maa wɛɛi.

Wooda ku kɔsi 7:21

Debɛi i maà jɔ̀ njo ku mu ŋɛ na iri nŋa má ŋa, domi Aɔ̃ Lafɛ̃ɛ nŋɛ nŋu iyi í wa anini nŋɛ í la nɔ í to a ce njoɛ.

Wooda ku kɔsi 7:9

I jɔ̀ i mà ŋa iyi Aɔ̃ Lafɛ̃ɛ nŋu akãi í jɛ Ilaaɔ̃ nɔ í jɛ Lafɛ̃ɛ nŋɛ do ntɔ. Nŋui í jɛ dee dee, í nɛ araare, nɔ akabuuɛ í ya maa wɛɛi hee koo to si tɔku dubusia bi inɛ ŋa iyi à buu nɔ à waa jirima woodaɛ ŋa.

Zaaki 1:12

Ilu inɔ didɔ̃i inɛ iyi í yɔkɔ í leekĩ dim dim si waati iyi Ilaaɔ̃ wa cɔ laakaiɛ, domi si anyii laakai ku cɔu á ba ribai kuwɛɛ hai tã iyi Aɔ̃ Lafɛ̃ɛ í wãò inɛ ŋa iyi à buu.

Zaaki 2:5

Iŋɛ baakɔɔm ŋa, i gbɔ. Inɛ ŋa iyi à jɛ ilu are si andunyau ihɛ̃i Ilaaɔ̃ í cica ku ba naanɛ nŋa ku la nɔ a baò bommaɛ iyi í wãò inɛ ŋa iyi à buu.