Daniɛli 9:3 - Bibeli do fee

³ Ŋɔi ǹ lɔsi kutɔɔ ku ce do anu ku dĩ. Ǹ dasi jĩnɛ ŋa iyi inɛ ŋa à ya dasi bii iku í ce, nɔ ǹ kosi irim ilulu. Si anyii nŋu, nɔ ǹ sinda si Ilaaɔ̃ Lafɛ̃ɛ ǹ wasi ku tɔɔɛ.

Daniɛli 9:3 Iomraidhean Croise

Samuɛli 2, 12:16

Ŋɔi Davidi í lɔsi Ilaaɔ̃ ku tɔɔ na amau, í dĩ anu, nɔ í ya lɔ ilei koo sũ ilɛ hee iju koo máu.

Ɛsidarasi 10:6

Ŋɔi Ɛsidarasi í fita hai si bantumai kpasɛ̃i Aɔ̃ Lafɛ̃ɛu, nɔ í bɔ idei Yohanaa amai Eliasibu í koo í buba bɛ. Nɔ í kɔ̀ ku jɛ hee má jɛ ku mɔ domi inɔɛ í fɔ do dulum nla nla iyi inɛ ŋau à ce.

Ɛsidarasi 8:21

Tengii itĩi idoi Ahavau, tengi bɛi ǹ ni a ce anu ku dĩ ka sũa Aɔ̃ Lafɛ̃ɛ nwa iri ilɛ ku ba ku jɔ̀ ka ce isɛɛnɛ nwa do laakai ku sũ, hai awa taka nwa do nyaanze nwa ŋa do mii ndu wa ŋa fei.

Ɛsidarasi 9:5

Waati iyi à ce kuweei alɛu ŋɔi ǹ dede hai tengi bii ǹ buba do inɔ kufɔu ǹ koo ǹ gulɛ do jĩnɛm do kumboo ku gam ǹ to awɔm ikpa bi Aɔ̃ Lafɛ̃ɛm.

Neemi 9:1

Si ajɔ kɔnfia do mɛɛsiai cukpa akãu bɛ, inɛi Izirɛli ŋa à tɔtɔɔ ku ba a ce anu ku dĩ. À dasi jĩnɛi inɔ kufɔ ŋa nɔ à kosi iri nŋa sãa.

Ɛsitɛɛ 4:16

koo tɔtɔɔ Zuifu ŋa iyi à wa Suzeu fei a cea nŋu anu ku dĩ ajɔ mɛɛta do idũ mɛɛta, a maà jɛ nɔ a maà mɔ nkãma. Bɛɛbɛ mɔi í ni nŋu takai nŋu á dĩ anu do woo ce icɛi nŋu ŋa nɔ baa do iyi wooda í ganji fei, nŋu á bɔ bi ilaaluu, nɔ bii í jɛ nŋu á kui, nŋu ku ku.

Zɔɔbu 42:6

Na ŋɔi í ce iyi ǹ fɔ wo n kù fɔ má. Nɔ ǹ kaye aram ǹ koo ǹ wa n buba si sãa do si ilúlu.

Iri ku kɔ̃ 35:13

Amu, waati iyi a kù waa nɛ baani, ibɔi saakii ǹ dasi n nyisiò inɔ kufɔm, ǹ ceò kutɔɔ do anu ku dĩ. Amma kutɔɔm nɔu kù ce nkãma.

Ezai 22:12

Aɔ̃ Lafɛ̃ɛi lele do ilɛ í kpe ŋɛ ajɔ nŋu í ni i kpata nɔ i maa weewea ŋa. I wa iri nŋɛ ŋa, nɔ i we saaki ŋa i nyisiò inɔ kufɔ nŋɛ.

Zeremi 33:3

kpem nɔ n jɛɛ. An sisiɛ mii nla nla ŋa, mii ŋa iyi wa manji iyi i kù mà wo.

Ezekiɛli 36:37

Amu Aɔ̃ Lafɛ̃ɛ, ide iyi ǹ wa n fɔ má wee. Ǹ ni, an jɔ̀ inɛi Izirɛli ŋa a tɔɔm sobi má nɔ an jɛ nŋa n jɔ̀ a kpɔ bɛi mɛɛmu gaa ŋa.

Daniɛli 6:10

Ŋɔi ilaalu Dariusi í jilɛ woodau, nɔ í dasi nyindaɛu.

Daniɛli 9:20

Ŋɔi ǹ mɔsi do kutɔɔ ku ce, nɔ ǹ wa n ce tuubai dulum dom ŋa do ti inɛi Izirɛli zamaam ŋau, nɔ ǹ wa n tɔɔ Aɔ̃ Lafɛ̃ɛm nii ntɔ ntɔ na iri kuta kumáu.

Daniɛli 9:4

Amu Daniɛli, si kutɔɔm nɔu, ǹ wa n tɔɔ Aɔ̃ Lafɛ̃ɛ ku cea inɛm ŋau suurui kurara nŋa ŋai. Si kutɔɔm nɔu ǹ ni, Lafɛ̃ɛ Ilaaɔ̃, awɔ iyi ì la nɔ ì to njo, nɔ ì ya kɔ̃ akabuuɛ, dee dee ku jɛɛ í ya wa si gãmɛi inɛ ŋa iyi à biɛ nɔ à waa jirima woodaɛ ŋa.

Zoɛli 1:13

Iŋɛ woo wee ŋa, i dasi ibɔi akũ nɔ i kpata i maa weeweaò ŋa. Iŋɛ iyi ì ya ce kuwee si bi kuweeu, i dɔ̃ anu ŋa. I we saaki i wɔ̀ò njoo iŋɛ woo ce kuweei Ilaaɔ̃ Lafɛ̃ɛm ŋa, domi inɛ ŋa a kù waa naaò kuweei iyafũ ŋa do ti vɛ̃ɛ ŋa wa kpasɛ̃i Ilaaɔ̃ Lafɛ̃ɛ nŋɛ má.

Zoɛli 2:12

Ŋɔi Aɔ̃ Lafɛ̃ɛ í fɔ í ni, bɛbɛi i nyi wa bi titom ŋa do idɔ nŋɛ fei. I dĩ anu ŋa, i kpata ŋa, nɔ i tɔɔm ŋa.

Zonasi 3:5

Ŋɔi inɛi Ninivu ŋau à dasi Ilaaɔ̃ naanɛ, nɔ à ni aŋa a ce kutɔɔ do anu ku dĩ a dasi jĩnɛi saaki ŋa hai ilu bɛɛrɛ ŋa hee do ilu are ŋa fei aŋa a nyisiò inɔ kufɔi aŋa.

Matie 17:21

Amma dimii inɛi inɔɔko bɛɛbɛ ci ya fita bii kù jɛ do kutɔɔ do anu ku dĩ.]

Luku 2:37

nɔ í buba jaaɔ̃ adɔ̃ nkpɔ nkpɔ. Nsɛi abou í nɛ adɔ̃ cinɛ do mɛɛ, nɔ ci ya fita hai bantumai kpasɛ̃i Ilaaɔ̃. Dasã do idũ fei, í ya maa cea Ilaaɔ̃ icɛi do anu kudĩ do kutɔɔ.

Woo bɛ ŋa 10:30

Ŋɔi Kɔɔnɛi í ni, í to ajɔ mɛɛ wa ihɛ̃ nnyi iyi zakai isɔ mɛɛta bɛ ihɛ̃i ǹ wa kpasɛ̃m ihɛ̃ ǹ wa n ce kutɔɔ. Ŋɔi inɛ gɔ í naa bi tom, wa dasi ibɔ ku daana gɔ.