Daniɛli 9:27 - Bibeli do fee

²⁷ Si waatii ankãanyii adɔ̃ mɛɛjeu, á dĩ akabuu do inɛ nkpɔ nkpɔ. Nɔ si anyii adɔ̃ mɛɛta do bubu, á jɔ̀ a leekĩ kuwee do amua ŋa ku ceu. Woo ce laalɔu, á ce laalɔ sãmiɛ ŋai anu akã hee nŋu takaɛ koo kpaò iri si bɛi à fɔ à jilɔɔ.

Daniɛli 9:27 Iomraidhean Croise

Ezai 28:15

Ì fɔ ì ni iŋɛ ì dĩ akabuu do iku ŋa. Ì dĩ akabuu do bi kuwai iku ŋa. Ì fɔ ì ni ŋa waati iyi wahala á na ku naa, kaa ba ŋɛ. Ì ni má ŋa iboi á jɛ bi kuwa nŋɛ, nɔ mii iyi kù jɛ ntɔi á jɛ bi ku manji nŋɛ.

Ezai 28:22

Na nŋu, nsɛi, i jɔ̀ inɛ ku yaako nŋɛ ŋau, ku ba a maà ti a famma kudĩ nŋɛ ŋau, domi ǹ gbɔ iyi Aɔ̃ Lafɛ̃ɛi lele do ilɛ í dasi idɔ nŋu ku ce nfei ilɛu fei.

Ezai 42:6

amu Aɔ̃ Lafɛ̃ɛ, ǹ kpeɛ wai na dee dee ku jɛi amu takam, nɔ ǹ wa n muɛi si awɔ. Ǹ wa n degbeɛ nɔ ǹ jilɛɛ ku ba i jɛ icui akabuu iyi amu do zamaau aa ka dĩ, nɔ i jɛ inya kumái inɛi ilɛ ŋau.

Ezai 53:11

Ŋɔi Aɔ̃ Lafɛ̃ɛ í ni, si anyii wahala ŋa iyi woo ce icɛm nɔu á bau, á nyi ku yɛ inya kumái kuwɛɛ má hee ku too. Nɔ na saabui kumà iyi woo ce icɛm nɔu í nɛ, nŋu iyi í jɛ dee deeu, á jɔ̀ inɛ nkpɔ ku jɛ dee dee, nŋu iyi í so kurara nŋa ŋau.

Ezai 55:3

I sotĩ i gbɔ nɔ i naa wa bi tom ŋa. I sotĩ i gbɔ idem nɔ i wɛɛ ŋa. An dĩ akabuu do iŋɛ hee do ajɔ fei. An ce nŋɛ jiida ŋa bɛi ǹ tako ǹ cea Davidi kuwãɛu.

Zeremi 7:30

Ntɔ ntɔ inɛi Zudaa ŋa à ce daa laalɔ si wajui amu Aɔ̃ Lafɛ̃ɛ. À dasi kookoosu sãmi nŋa si inɔ kpasɛ̃ iyi à nya ikã í jɛ titom nɔu, nɔ à riisiɛ.

Daniɛli 11:31

Á jɔ̀ sooge ŋa a koo a leekĩ bi idĩ iyi wa jɛ gbugbãi kpasɛ̃i Ilaaɔ̃ui. Sooge ŋau aa lɔ si ile kumáui a jɔ̀ ku so riisi. Aa ganji inɛ ŋa a cea Ilaaɔ̃ kuweei ajɔ feiu ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu.

Daniɛli 11:36

Mii iyi ilaaluu í bii á ce. Á so araɛ lele, á maa tɔɔ fufu si iwɛ̃ ŋau fei, nɔ á maa fɔ ide hai nɛ yaase ŋa si gãmɛi Ilaaɔ̃ nŋu iyi í jɛ irii mii fei. Mii iyi wa ce fei, á maa nɛi hee idɔɔkɔ̃i Ilaaɔ̃ koo dedeò. Waati bɛɛbɛi Ilaaɔ̃ á ce mii iyi í dasi idɔ ku ceu.

Daniɛli 12:11

Hai waati si bii aa ganji inɛ ŋa a cea Ilaaɔ̃ kuweei ajɔ fei ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu, ajɔ dubu do cĩɔ minji do cinɛò fɛɛwai (1.290) á ce.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Daniɛli 8:13

Ŋɔi ǹ gbɔ amaleka gɔ wa fɔ ide, nɔ amaleka mmuɛ gɔ wa ba inɛ iyi wa fɔ ideu ide ku fɔ wa ni, idei kuweei ajɔ fei iyi kuyɛu ihɛ̃ wa sɔ̃ wau bɛ, hee waati yoomai á kpɛ ku to ya. Aa na a leekĩɛ mbɛ? Kuce laalɔ ŋa iyi wa ce nfei mii feiu ihɛ̃, hee waati yoomai á koo leekĩ. Hee waati yoomai wahalai ile kumáu do ijuukpãi inɛi lelei Aɔ̃ ŋau á leekĩ.

Ozee 3:4

Ntɔ ntɔ, inɛi Izirɛli ŋa aa wɛɛi waati sisɔ hai nɛ ilaalu, nɔ a kaa nɛ inɛ ngbo ŋa. A kaa nɛ iwɛ̃ ŋa, nɔ a kaa ya ce kuwee ŋa, nɔ a kaa nɛ mii ŋa iyi à ya beeò idɔɔbii Ilaaɔ̃.

Matie 24:15

Jesu í ni, walii Daniɛli í fɔ idei mii laalɔ gɔ wo iyi á riisi kpasɛ̃i Ilaaɔ̃. Nŋui aa yɛ ŋa í wa si inya iyi í jɛ ti Ilaaɔ̃. Inɛ iyi wa cio idei mii laalɔu, ku ce laakai ku gbɔɔ sãa sãa.

Matie 27:51

Asee, waati bɛɛbɛ si ilui Zeruzalɛmu, ridoo iyi í wa kpasɛ̃i Ilaaɔ̃u í ga í kpɛ̃ minji hai lele hee ku bɔ ilɛ, nɔ ilɛ í yaya hee kuta ŋa à la.

Maaku 13:14

Nɔ Jesu í ni má, aa yɛ mii laalɔ iyi wa bɛjɛ mii ŋa tengi bii kù jɔ ku wa ŋa. Inɛ iyi wa cio idei mii laalɔu ku ce laakai ku gbɔɔ sãa sãa. Waati bɛɛbɛ inɛ ŋa iyi à wa ilɛi Zudee a sa a bɔ iri kuta ŋau.

Luku 21:20

Ajɔ iyi ì yɛ woo ja igũ ŋa à to wa Zeruzalɛmu à buu koe, i mà ŋa iyi kulɛgɛɛ í maai wa mbɛ.

Luku 21:24

Aa maa kpa ŋa do taakuba, nɔ a mu ŋa aru si ilɛ ŋa fei. Dimi mmu ŋa aa tɛɛsɛ Zeruzalɛmuui hee waatiu koo kpaò iri.

Romu 11:26

Si bɛɛbɛ, inɛi Izirɛli ŋau fei aa ba faabau, si bɛi à kɔɔ à ni, Ilaaɔ̃ í ni, woo faabau á naai hai Siɔ̃ɔ, nɔ ku nya lasabu hai mà bɛɛrɛm hai si dimii Zakɔbu.

Romu 5:15

Ntɔ ntɔ, inɛ nkpɔi í ku na dulum dii inɛ akãu, amma didɔ̃i Ilaaɔ̃ í la í re dulum dii Adamu. Didɔ̃i Ilaaɔ̃u mɔ hai bi inɛ akãi í naa, nɔ lafɛ̃ɛui í jɛ Jesu Kirisi. Didɔ̃u amua nla nlai, nɔ í tosi inɛ nkpɔ.

Romu 5:19

Si bɛi ide hai gbɔi inɛ akã í jɔ̀ inɛ nkpɔ í jɛ ilu dulum, bɛɛbɛ mɔi Ilaaɔ̃ á ce inɛ nkpɔ dee dee na ide ku jirimai inɛ akãu.

Ebɛɛ 9:28

bɛɛbɛ mɔi Kirisi í na araɛ gbakã akã bɛi kuwee í soò dulum dii inɛ nkpɔ. Á nɔ ku na ku faata wa isɛ gbeejisia, kù jɛ ku naa ku kpa idei dulum dii inɛ ŋa má, amma ku ba faabai inɛ ŋa iyi à waa degbeɛ ŋau ku kɔ̃ mam mam nii.