Daniɛli 9:26 - Bibeli do fee

²⁶ Si anyii adɔ̃ mɛɛje ikɔ kita do minjiu, aa kpa inɛ gɔ iyi à nya ikã, nɔ inɛ gɔ kaa kɔòɛ. Inɛ ngbo gɔ mɔ á na ku naa do soogeɛ ŋa ku ce nfei iluu do ile kumáu. Idɔɔkɔ̃i Ilaaɔ̃ de á na ku naa si inɛ ngbou ku ce nfeɛ. Amma á maa ce igũi hee ku maa ku, nɔ á ce nfei mii ŋai bɛi à tako à fɔ à jilɔɔu.

Daniɛli 9:26 Iomraidhean Croise

Samuɛli 2, 21:5

Ŋɔi à jɛa ilaaluu à ni, Saulu wa bi ku kpa dimi nwai wo si dimii Izirɛli ŋa.

Iri ku kɔ̃ 22:15

Gbugbãm wa tãi bɛi inyi iyi wa cã. Kũkũi aram ŋa fei à kua gbugbã. Idɔm í yɛi bɛi akai nyikɔ̃ iyi wa yɔ si inɔm.

Ezai 28:2

Inɛ gɔ wee wa naa hai bi Aɔ̃ Lafɛ̃ɛ. Inɛɛu í nɛ gbugbã nɔ í nɛ wɔɔkɔ. Í yɛi bɛi kutai ijĩ iyi í wɔ wa do fufu nla nla ku ce asɔɔ, do bɛi ijĩ nla nla iyi í ya jɔ̀ inyi ku maa cã bii fei. Í jɔ̀ iluu í cuku hee ilɛ do gbugbã nla nla.

Ezai 28:22

Na nŋu, nsɛi, i jɔ̀ inɛ ku yaako nŋɛ ŋau, ku ba a maà ti a famma kudĩ nŋɛ ŋau, domi ǹ gbɔ iyi Aɔ̃ Lafɛ̃ɛi lele do ilɛ í dasi idɔ nŋu ku ce nfei ilɛu fei.

Ezai 53:8

À muu do gbugbã, nɔ à kiitiɛ. Amma si inɔi zamaaɛ ŋau, a kù gbɔ bii inɛ kãma wa weewea si mii iyi í baa. À nyaa hai si inɔi inɛ ŋa iyi à waa mí si hunde si ilɛ ihɛ̃, à kpãa iju, nɔ à cã à kpaa na kurarai inɛm ŋa.

Ezai 8:7

Na nŋu, Aɔ̃ Lafɛ̃ɛ á jɔ̀ ilaalui Asiriu ku naa si ŋa do gbugbãɛ fei. Á yɛi bɛi inyi nlai ido ku nɛ gbugbã, iyi á naa si ŋa nɔ ku bii si ŋa bii fei, nɔ hee do ice ŋau fei a mile.

Zeremi 46:7

Yooi í yɛ bɛi idoi Nili iyi í kɔ̃ hee wa dikãu.

Zeremi 51:42

Inyii tenku í naa si Babilɔni nɔ í biiɛ do kutãngãm nkpɔ nkpɔɛ ŋau.

Daniɛli 11:10

Ama inɛmɔkɔ ŋa iyi ilaalui awɔ njɛi kpãai inunuu í nɛ ŋau aa ce sɔɔlui igũ nɔ aa tɔtɔɔ sooge ŋa nkpɔ nkpɔ. Inɛ akã nŋa á bɔ igũ, nɔ do soogeɛ ŋau á kua kɔɔi ilɛu bɛi acãi inyii ido iyi í kɔ̃. Waati iyi á na ku sinda ku maa nyi si ilɛɛ, á ce igũi do ilu nla gɔ iyi mbɛɛ ŋa à waa degbe.

Daniɛli 11:17

Si anyiɛ, á dasi idɔi nŋu ku koo do gbugbãi bommai nŋu feii nɔ nŋu ku dĩ akabuu do ilaalui awɔ cangai kpãai inunuu. Á muaa ama inaaboɛi ku ce abo na ku ba kpãa ku ceò nfei ilɛɛu. Amma kaa ce, nɔ kaa yɔkɔ ku kãmiaɛ.

Daniɛli 11:22

Wuaai sooge ku nɛ gbugbã kãma kaa yɔkɔ ku jɔɔ igũ. Á lɛgɛ aŋa feii nɔ ku kpa baa inɛ ngboi zamaa iyi í dĩ akabuuu.

Daniɛli 11:36

Mii iyi ilaaluu í bii á ce. Á so araɛ lele, á maa tɔɔ fufu si iwɛ̃ ŋau fei, nɔ á maa fɔ ide hai nɛ yaase ŋa si gãmɛi Ilaaɔ̃ nŋu iyi í jɛ irii mii fei. Mii iyi wa ce fei, á maa nɛi hee idɔɔkɔ̃i Ilaaɔ̃ koo dedeò. Waati bɛɛbɛi Ilaaɔ̃ á ce mii iyi í dasi idɔ ku ceu.

Daniɛli 9:27

Si waatii ankãanyii adɔ̃ mɛɛjeu, á dĩ akabuu do inɛ nkpɔ nkpɔ. Nɔ si anyii adɔ̃ mɛɛta do bubu, á jɔ̀ a leekĩ kuwee do amua ŋa ku ceu. Woo ce laalɔu, á ce laalɔ sãmiɛ ŋai anu akã hee nŋu takaɛ koo kpaò iri si bɛi à fɔ à jilɔɔ.

Ozee 1:9

Nɔ Aɔ̃ Lafɛ̃ɛ í sɔ̃ Ozee í ni, sɔɔ Lo-Ammi, waatɔ kù jɛ zamaam, domi iŋɛ inɛi Izirɛli ŋau i kù jɛ zamaam má ŋa, nɔ amu mɔ n kù jɛ nkãma bi tu ŋɛ má.

Amɔsu 8:8

Na nŋui ilɛu á yaya, nɔ inɛɛ ŋau fei aa wa si inɔ kufɔi iku. Ilɛu á dedei fei mam mam bɛi idoi Nili iyi í wa Ezibiti, nɔ á na ku kayei bɛi inyii idou.

Amɔsu 9:5

Nɔ Amɔsu í ni má, waati iyi Aɔ̃ Lafɛ̃ɛi lele do ilɛ í lu ilɛ, ilɛu í ya yayai, nɔ inɛɛ ŋa fei à ya wa si inɔ kufɔi ikui. Ilɛu í ya dedei fei mam mam bɛi idoi Nili iyi í wa Ezibitiu, nɔ í ya na ku kayei bɛi inyii idou.

Nahumu 1:8

si waati iyi wahala nla nla á naa. Amma á ce nfei mbɛɛɛ ŋa, nɔ ku lele ŋa ku bɔò ŋa hee si bi kuwai iku ŋa.

Matie 22:2

i gbɔ faaji gɔ iyi wa nyisi ŋɛ bɛi bommai Ilaaɔ̃ í yɛ. Ilaalu gɔ wa cea ama inɛmɔkɔɛ abɔdɔ̃,

Matie 22:7

Ŋɔi idɔi ilaaluu í kɔ̃ nɔ í bɛ soogeɛ ŋa à koo à kpa woo kpa inɛ ŋau nɔ à dasi ilu nŋau ina.

Matie 23:38

Wee nsɛi Ilaaɔ̃ á fũ nŋɛ kpasɛ̃ nŋɛ si awɔ.

Matie 24:2

Ŋɔi í sɔ̃ ŋa í ni, ì waa yɛ mii ŋau bɛ fei ŋa ya. Ntɔ ntɔ ǹ wa n sɔ̃ ŋɛi, kuta baa akã kaa na ku maa lesi njɛ bɛ má, aa kɛkɛɛ mbɛ fei.

Maaku 13:2

Ŋɔi Jesu í ni, ì waa yɛ ile nla ŋau ihɛ̃? Kuta baa akã kaa na ku maa lesi njɛ bɛ má, aa kɛkɛɛ mbɛ fei.

Maaku 13:7

Bii ì gbɔ ibai igũ amɛɛ amɛɛ ŋa do baaui igũ ŋa hee jĩijĩ i maà jɔ̀ idɔ nŋɛ ku dede, domi í gbe mii ŋau bɛ fei ku cei. Amma kù nɔ kù jɛ iri ku kpai andunyau bɛ titã.

Maaku 9:12

Ŋɔi í jɛ nŋa í ni, ntɔi Eliii á tako ku naa ku teese mii fei sãa sãa. Amma kukɔi idei Ilaaɔ̃ í ni má, inɛ ŋa aa kpã Amai Amanɛ iju jiida nɔ a dondaɛ, mà iboi.

Luku 21:24

Aa maa kpa ŋa do taakuba, nɔ a mu ŋa aru si ilɛ ŋa fei. Dimi mmu ŋa aa tɛɛsɛ Zeruzalɛmuui hee waatiu koo kpaò iri.

Luku 21:6

mii ŋau bɛ iyi ì waa yɛ fei ŋa ajɔ akã á kpa iri. Kuta baa akã kaa na ku maa lesi njɛ bɛ má, aa kɛkɛɛ mbɛ fei.

Luku 24:26

Kù nɛ bɛi á ce iyi inɛ iyi Ilaaɔ̃ í cicau kù yɛ ijuukpã, inɛ ŋa a bɛi a yɛ amboeɛ.

Luku 24:46

Nɔ í sɔ̃ ŋa í ni, bɛɛbɛi à kɔɔ à ni amu iyi Ilaaɔ̃ í cica an yɛ ijuukpã. Aa kpam, amma an jĩ hai si balɛ si ajɔ mɛɛtasia.

Laabaau jiida iyi Zãa í kɔ 14:30

N kaa n ba n sɔ̃ ŋɛ ide nkpɔ má si na iyi í jɔ̀ Seetam ilaalui andunyau wa naa, amma kù nɛ gbugbã kãma sim.

Kɔrɛnti 2, 5:21

Kirisi, nŋu iyi kù ce dulum kãma, nŋui Ilaaɔ̃ í kãa dulum du wa ku ba ka jɛ dee dee si wajuɛ na anu akã nwa iyi à ce do Kirisi ajɔ.

Galati 3:13

Amma Kirisi í ya wa hai si ikpei wooda si waati iyi í na í jɛ ilu ikpe na iri nwa. Í na í jɛ ilu ikpe si na iyi í jɔ̀ kukɔi idei Ilaaɔ̃ wa fɔ í ni, inɛ iyi à kpakpa si antaii jĩi fei ilu ikpei.

Piɛɛ 1, 2:21

Na ideu bɛi Ilaaɔ̃ í kpe ŋɛ domi Kirisi takaɛ í ba ijuukpã na iri nŋɛ nɔ wa nyisi ŋɛ yaase jiida ku ba i too tuubaɛ ŋa.

Piɛɛ 1, 2:24

Kirisi takaɛ í so dulum du wa si araɛ si jĩi ku gaauu ku ba ka jɛ bɛi iku si wajui dulum, nɔ ka ce kuwɛɛ nwa dee dee. Do saabui kumɛɛɛ ŋai à baò iri.

Piɛɛ 1, 3:18

Gbakã akãi Kirisi í ku na dulum. Nŋu iyi í jɛ inɛ dee dee, í ku na inɛ laalɔ ŋa, ku ba ku bɔò wa bi Ilaaɔ̃. Waati iyi à kpaa, araɛ í ku amma hundeɛ í wɛɛ.