Daniɛli 9:25 - Bibeli do fee

²⁵ Na nŋu, iyi ì nɛ i mà nɔ i gbɔ yaaseɛ wee. Ajɔ nŋu ì gbɔ laabaau gɔ iyi wa fɔ idei kubaai aru ŋa do idei Zeruzalɛmu ku teese ku ma. To, hai waati bɛɛbɛ hee ku naa si inɛ ngbo iyi Ilaaɔ̃ í cicau, adɔ̃ mɛɛje ikɔ mɛɛje mbɛ. Si adɔ̃ mɛɛje ikɔ kita do minjii aa teese a ma iluu do bindi ku nɛ gbugbã ŋau, amma waatiu á jɛ waati kugaabu ŋa.

Daniɛli 9:25 Iomraidhean Croise

Samuɛli 2, 15:25

Ŋɔi Davidi í sɔ̃ Sadɔku í ni, koo sindo kpakoi Ilaaɔ̃u inɔ ilu. Bii Aɔ̃ Lafɛ̃ɛ í ce araarem, á baam wa, nɔ n naa n yɛ kpakou í wa bi kuwaɛ.

Ɛsidarasi 4:24

Na kucei mbɛɛi Zuifu ŋau iyi í sinti si waatii Sirusi, icɛi kpasɛ̃i Ilaaɔ̃u ku maɛ í leekĩ hee í koo í toò adɔ̃ minjisiai bomma ku jɛi ilaalu Dariusi si ilɛi Pɛɛsi.

Ɛsidarasi 7:1

Si anyii adɔ̃ nkpɔ, si waati iyi Aatakusɛɛsi wa jɛ ilaalu si ilɛi Pɛɛsi, inɛ gɔ í to wa Zeruzalɛmu à ya kpoo Ɛsidarasi. Amai Serayai wa jɛ, Seraya mɔ amai Azariai, Azaria mɔ amai Hilikiyai.

Ɛsidarasi 7:8

À fita hai si ilɛi Babilɔnii si ajɔ sintei cukpa sinteu nɔ Ɛsidarasi í cua nŋa wa. Si bɛi awɔ gbugbãi Aɔ̃ Lafɛ̃ɛɛ í wa siɛ, à to Zeruzalɛmu si ajɔ sintei cukpa miiusiau.

Neemi 3:1

Ŋɔi Eliasibu woo wee nlau í dede, nŋu do woo wee mmu ŋau à ma anu koofa iyi à ya kpe anu koofai angudã ŋau. Ŋɔi à ce si kuwee ku ba ku jɛ ti Ilaaɔ̃. Nɔ aŋai à na à dasi gambo minji ŋau má. Nɔ à ma bindii iluu hee ku bɔ si bi ku degbei Mea, nɔ à mɔsi má hee bi ku degbei Hananeɛliu. Nɔ à ce si bindiu mɔ kuwee.

Neemi 4:2

Ŋɔi aŋa fei à dĩ tɔɔsi wa a naa Zeruzalɛmu igũ ku ba a fɔtɔtɔi inɛ ŋa.

Neemi 4:8

Ŋɔi ǹ dede ǹ koo ǹ cɔ inɛ ŋa iyi ǹ jilɛ ŋau, si anyiɛ nɔ ǹ sɔ̃ inɛ ngbo ŋau do woo ce kiiti ŋa do inɛ ŋa iyi à gbe fei ǹ ni, i maà ce njo ŋa. I ye gigi ŋa iyi Aɔ̃ Lafɛ̃ɛ í la nɔ í nɛ amboe. I jaa kpaasi nŋɛ ŋa do ama nŋɛ ŋa do abo nŋɛ ŋa do kpasɛ̃ nŋɛ ŋa.

Neemi 6:15

À kpa irii bindiu si ajɔ kaafɛtũsiai cukpai Eluli si afei ajɔ ciitaa do minji.

Iri ku kɔ̃ 71:10

domi mbɛɛm ŋa à waa fɔ idem, inɛ ŋa iyi à waa dɛ ku kpam, à busi njɛ,

Woo lasabu 3:3

Waatii inɛ ku kpa í wɛɛi nɔ waati iyi aa jɔ̀ inɛ ku ba iri í wɛɛi. Waatii ku lɛgɛ í wɛɛi nɔ waatii ku ma í wɛɛi.

Ezai 55:4

Nŋui ǹ jɔ̀ í jɛ sɛɛdam bi inɛ ŋa, nɔ nŋui í jɛ ilaalu iyi wa gbã zamaau wo.

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Daniɛli 8:11

Ngou bɛi í ya baò baa inɛ ngboi inɛ ŋa iyi à wa lelei Aɔ̃ ŋau ija. Í ya ganji kuwee iyi à nɛ a ya ceaa ajɔ feiu, nɔ í ya riisi ile kumáɛu.

Daniɛli 8:25

Do saabui bisiɛi á ya ba ku zambaò inɛ ŋa. Faaui á waa si idɔ, nɔ si waati iyi laakai ku sũ í wɛɛ ntɔ ntɔ, waati bɛɛbɛi á ce nfei zamaa nkpɔ nkpɔ. Á dedeò ija si gãmɛi ilaalui ilaalu ŋa. Amma ilaalui ilaalu ŋau á lɛgɛɛi, nɔ kaa jɛ do sobii inɛ kãma.

Daniɛli 9:23

Waati iyi ì sinti kutɔɔ ku ce, ide ku fɔ gɔ í naa hai bi Ilaaɔ̃. Na ŋɔi í jɔ̀ ǹ naa ku ba i gbɔ yaaseɛ, domi ntɔ ntɔ Ilaaɔ̃ í biɛ. Gbɔ yaasei ide iyi an sɔ̃ɛ ku ba i gbɔ yaasei mii iyi ì yɛu.

Misee 5:1

Ŋɔi Aɔ̃ Lafɛ̃ɛ í ni, awɔ Betelehɛmu iyi ì wa si ilɛi Efarata, awɔ iyi ì jɛ ilu keeke si ilɛi Zudaa, hai bi tɛɛi an jɔ̀ inɛ iyi á gbã inɛi Izirɛli ŋa do irim ku fita, nŋu iyi í wɛɛ hai ku kpɛ.

Misee 5:2

Na ŋɔi í ce, Aɔ̃ Lafɛ̃ɛ á fũsi inɛɛ ŋa awɔ hee koo to waati iyi abo iyi á bí amau ku bí, nɔ inɛɛ ŋa iyi à gbe à wɛɛ si hunde ilɛ mmu a baa a na a tɔtɔɔ do inɛi Izirɛli ŋau.

Matie 13:23

Inɛ mɔ iyi í gba ideu bɛi si ilɛ jiida, nŋui í jɛ inɛ iyi wa gbɔ ideu nɔ í gbɔɔ do yaaseɛ, nɔ í so iso. Bi inɛ gɔ ŋa, dimiu í so iso cĩɔ, bi inɛ gɔ ŋa kita, bi inɛ gɔ ŋa mɔ kuntaa.

Matie 24:15

Jesu í ni, walii Daniɛli í fɔ idei mii laalɔ gɔ wo iyi á riisi kpasɛ̃i Ilaaɔ̃. Nŋui aa yɛ ŋa í wa si inya iyi í jɛ ti Ilaaɔ̃. Inɛ iyi wa cio idei mii laalɔu, ku ce laakai ku gbɔɔ sãa sãa.

Maaku 13:14

Nɔ Jesu í ni má, aa yɛ mii laalɔ iyi wa bɛjɛ mii ŋa tengi bii kù jɔ ku wa ŋa. Inɛ iyi wa cio idei mii laalɔu ku ce laakai ku gbɔɔ sãa sãa. Waati bɛɛbɛ inɛ ŋa iyi à wa ilɛi Zudee a sa a bɔ iri kuta ŋau.

Laabaau jiida iyi Zãa í kɔ 1:41

Iyi í sɛkɛɛ hai bi Jesu gbakã í koo í kpe Simɔɔ igbãɛ nɔ í sɔ̃ɔ í ni, à yɛ inɛ iyi Ilaaɔ̃ í cicau.

Laabaau jiida iyi Zãa í kɔ 4:25

Ŋɔi abou í sɔ̃ɔ í ni, ǹ mà inɛ iyi Ilaaɔ̃ í cica á na ku naa, nŋui à ya kpe Kirisi. Bii í naa nŋui á sisi nwa fei ndɛɛ.

Woo bɛ ŋa 3:15

Si bɛɛbɛ ì kpa inɛ iyi í jɛ irii kuwɛɛu ŋa. Amma Ilaaɔ̃ í jũu hai si balɛ, nɔ awa à yɔɔ.

Woo bɛ ŋa 5:31

Ŋɔi Ilaaɔ̃ í soo lele í jilɔɔ awɔ njɛɛ ku jɛ ilaalu do Woo faaba nɔ ku muaò inɛi Izirɛli ŋa kpãa a kpaasi idɔ ku ba ku kpa dulum du ŋa.

Woo bɛ ŋa 8:30

Ŋɔi Filipu í sɛi í bɔ bi sarɛtiu, nɔ í gbɔ inɛi Etiopiu wa cio si tiai walii Ezaiu. Nɔ í beeɛ í ni, ide iyi ì waa ciou bɛ ì waa gbɔ bɛi wa fɔ mbɛ?

Efɛɛzu 5:16

Waati iyi ì nɛ ŋa, i ceò icɛ, domi waatiu ihɛ̃ bɛi waati laalɔi.

Kuyɛi Zãa 19:16

Si ibɔɛ do si itãɛ à kɔ iriɛ à ni, Ilaalui ilaalu ŋa do Lafɛ̃ɛi lafɛ̃ɛ ŋa.