Daniɛli 9:23 - Bibeli do fee

²³ Waati iyi ì sinti kutɔɔ ku ce, ide ku fɔ gɔ í naa hai bi Ilaaɔ̃. Na ŋɔi í jɔ̀ ǹ naa ku ba i gbɔ yaaseɛ, domi ntɔ ntɔ Ilaaɔ̃ í biɛ. Gbɔ yaasei ide iyi an sɔ̃ɛ ku ba i gbɔ yaasei mii iyi ì yɛu.

Daniɛli 9:23 Iomraidhean Croise

Ilaalu 2, 19:20

Ŋɔi Ezai amai Amɔɔsuu í ni a koo a sɔ̃ Ezekiasi a ni, Aɔ̃ Lafɛ̃ɛ nŋu iyi í jɛ Lafɛ̃ɛi inɛi Izirɛli ŋau, í ni nŋu í gbɔ kutɔɔ iyi ì ce si gãmɛi Senakeribu ilaalui Asiriu.

Mɔnda ŋa 15:8

Aɔ̃ Lafɛ̃ɛ í cé kuweei inɛ laalɔ ŋa, amma í ya gba kutɔɔi inɛ dee dee ŋai do inɔ didɔ̃.

Iri ku kɔ̃ iyi í dɔ̃ í re 7:10

Gɛlɛɛ ku cɔ̃ɔcɔ̃ɔ í yɛi bɛi vɛ̃ɛ didɔ̃. Ntɔ ntɔ, nŋui ǹ jilɛa inɛ iyi ǹ biu. Í ya lɔ si anu leleɛ do anu lɛlɛɛ do si inyíɛ ŋai.

Ezekiɛli 14:14

Baa bii í jɛ inɛ mɛɛta gɔ ŋa à wa si ilɛu iyi kuwɛɛ nŋa í yɛ bɛi ti Nowee do Daniɛli do Zɔɔbu, a kaa yɔkɔ na dee dee ku jɛ nŋa a faaba inɛi ilɛ ŋau. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 24:16

awɔ amanɛ, an nya abo iyi í ya jɔ̀ i maa nɛ inɔ didɔ̃u anu akã. Amma maà ce weewea, maà ce akũɛ, nɔ i maà kpata na iriɛ.

Ezekiɛli 26:12

Aa ko amaniɛ ŋai do iwo ku ta ŋa iyi inɛɛ ŋa à jilɛ. Aa lɛgɛ bindiɛ ŋai do kpasɛ̃ jiidaɛ ŋa. Aa so kutaɛ ŋa do jĩi ndɛɛ ŋa nɔ kanga ŋa iyi à gbe fei a koo a kosi inɔ tenku.

Daniɛli 10:1

Si bomma ku jɛi Sirusi ilaalui Pɛɛsi, si adɔ̃ mɛɛtasiaɛ, Ilaaɔ̃ í ba Daniɛli nŋu iyi à ya kpe Bɛlitasaau ide ku fɔ. Ideu ntɔi, igũ nla nlai á wɛɛ. Ŋɔi í lasabu si ideu, nɔ í gbɔ yaaseɛ.

Daniɛli 10:19

Si anyii nŋu, nɔ í sɔ̃m í ni, maà jɔ̀ njo ku muɛ awɔ iyi Ilaaɔ̃ í bi. Wɛɛò laakai ku sũ. Dasi gbugbã, dasi gbugbã. Si bɛi wa bam ide ku fɔu, ǹ ba gbugbã nɔ ǹ ni, fɔ ide Lafɛ̃ɛm, domi ì jɔ̀ ǹ ba gbugbã.

Daniɛli 6:3

Nɔ í jilɛ nŋa inɛ ngbo mɛɛta. Daniɛli í wa si inɔi inɛ ngbo mɛɛta ŋau, nɔ nŋui aa ya na a sisia yaase bɛi wũai ilɛu fei wa nɛ ku ba inɛ kãma ku maà kɔ̀ ku sã iyi í nɛ ku jɛ ti ilaaluu.

Matie 24:15

Jesu í ni, walii Daniɛli í fɔ idei mii laalɔ gɔ wo iyi á riisi kpasɛ̃i Ilaaɔ̃. Nŋui aa yɛ ŋa í wa si inya iyi í jɛ ti Ilaaɔ̃. Inɛ iyi wa cio idei mii laalɔu, ku ce laakai ku gbɔɔ sãa sãa.

Luku 1:28

Amalekau í lɔ bi tɛɛ í sɔ̃ɔ í ni, ǹ wa n ceɛ fɔɔ, awɔ iyi Ilaaɔ̃ í cea didɔ̃. Aɔ̃ Lafɛ̃ɛ í wɛɛ do awɔ.