Daniɛli 9:22 - Bibeli do fee

²² Ŋɔi í bam ide ku fɔ í sɔ̃m í ni, Daniɛli, bɛbɛi ǹ naai ku ba n máɛ inya si lasabuɛ.

Daniɛli 9:22 Iomraidhean Croise

Daniɛli 10:11

Si anyiɛ, nɔ í sɔ̃m í ni, Daniɛli, awɔ iyi Ilaaɔ̃ í bi, gbɔ ide ŋa iyi an sɔ̃ɛ, nɔ i leekĩ tengi bii ì wau bɛ, domi nsɛiu ihɛ̃ bi titɛɛi à bɛm wa. Waati iyi í sɔ̃m ideu bɛɛbɛ, ŋɔi ǹ dede ǹ leekĩ ǹ wa n yayaò.

Daniɛli 10:12

Ŋɔi í sɔ̃m í ni, Daniɛli, maà jɔ̀ njo ku muɛ. Hai ajɔ sinte iyi ì dasi idɔ awɔ i gbɔ yaasei mii iyi wa ce, nɔ ì kaye araɛ si wajui Ilaaɔ̃ Lafɛ̃ɛɛ, Ilaaɔ̃ í gbɔ ideɛ ŋau, nɔ na irii ideɛ ŋaui ǹ naa.

Daniɛli 10:14

Bɛbɛi, ǹ naa ku sɔ̃ɛ mii iyi á na ku ba zamaaɛ ŋai bii í kɔ̃ɔsi, domi kuyɛ mmu gɔ í wɛɛ iyi wa naa má na ajɔ ŋau bɛ.

Daniɛli 7:16

Ŋɔi ǹ bɔ kɔkɔi inɛ akãi inɛ ŋa iyi à wa bɛ, nɔ ǹ beeɛ iyi í jɛ yaase ntɔ ntɔi mii iyi ǹ yɛu bɛ. Ŋɔi í sɔ̃m, nɔ í tusɛɛm yaaseɛ.

Daniɛli 8:16

Ŋɔi ǹ wa n gbɔ imui amanɛ gɔ wa hai si aninii idoi Ulaiu wa ni, Gabiɛli, tusɛaa inɛ bɛ yaasei kuyɛu.

Amɔsu 3:7

Ntɔ ntɔ Aɔ̃ Lafɛ̃ɛ kaa ce ngɔgɔ iyi kù sɔ̃ walii woo ce icɛɛ ŋa si asii titã.

Zakari 1:14

Amaleka iyi wa bam ide ku fɔ nŋui í sɔ̃m í ni n sɔ̃ inɛ ŋa ideu ihɛ̃. Aɔ̃ Lafɛ̃ɛi lele do ilɛ í ni, ǹ nɛ kubii inɛi Zeruzalɛmu ŋa jiida jiida do inɛi Siɔ̃ɔ ŋa, nɔ kubi nŋau wa mum ntɔ ntɔ.

Zakari 1:9

Nɔ ǹ bee ǹ ni, lafɛ̃ɛm, yoomai í jɛ yaasei acĩ ŋau bɛ. Ŋɔi amaleka iyi wa bam ide ku fɔu í jɛɛm í ni, an sisiɛ yaaseɛ.

Kuyɛi Zãa 4:1

Si anyii nŋu bɛ, si kuyɛ ǹ yɛ gambo gɔ í cĩ lelei Aɔ̃. Inɛ iyi í tako í bam ide ku fɔ wo, nŋu iyi imuɛ í yɛ bɛi ti kãakãakĩ, í bam ide ku fɔ má í ni, gũ wa ihɛ̃ n nyisiɛ mii iyi á na ku naa si anyiɛ.