Daniɛli 9:21 - Bibeli do fee

²¹ Waati iyi ǹ wa n ce kutɔɔu, amaleka Gabiɛli iyi ǹ tako ǹ yɛ si kuyɛm nɔu í fo í sɛkɛɛ sim wa anu akã si waati iyi à waa ce kuwee iyi í jɛ ti alɛu.

Daniɛli 9:21 Iomraidhean Croise

Ilaalu 1, 18:29

Ŋɔi à dasi himma hee nunu yaa si waati iyi à ya ce kuwee má. Amma ide kãma kù ce, kù jɛ nŋa hee má jɛ ku ce nyinda gɔ iyi á jɔ̀ a nɛ kpãa ku cɔ.

Ilaalu 1, 18:36

Iyi waatii kuweeu í to, ŋɔi Elii waliiu í sɛkɛɛ si bi kuweeu nɔ í ni, Aɔ̃ Lafɛ̃ɛi Aburahamu do Izaaki do Izirɛli, jɔ̀ inɛ ŋa a mà nnyi iyi awɔi ì jɛ Ilaaɔ̃ nɔ ì jɛ Lafɛ̃ɛi Izirɛli. Jɔ̀ a mà iyi amui ǹ jɛ woo ce icɛɛ nɔ a mà iyi awɔi ì ni n ce mii ŋau ihɛ̃ fei.

Iri ku kɔ̃ 103:20

I cĩ Aɔ̃ Lafɛ̃ɛ ŋa, iŋɛ amaleka ilu gbugbãɛ ŋa. Iŋɛi ì ya gbɔ ideɛ nɔ i ya ceò icɛ ŋa.

Iri ku kɔ̃ 104:4

Ì jɔ̀ fufu í jɛ amaabɛɛ, nɔ ì jɔ̀ kuŋɔi ijĩ í jɛ woo ce icɛɛ.

Iri ku kɔ̃ 141:2

Jɔ̀ kutɔɔm ku to wa siɛ bɛi cuai tuae iyi í nɛ inunu jiida. Nɔ awɔ ku wum nɔu ku yɛ bɛi kuweei alɛ.

Kufita 29:39

Aa ce akãi daakɔ, minjisiau mɔ alɛ zakai inunu wa bɔ ku lɔ.

Ezai 6:2

Amaleka gɔ ŋa iyi à ya kpe serafɛ̃ɛ, à wa do leleɛ. Inɛ akã nŋa fei ikpa mɛɛfai í nɛ. Do ikpa minjii à ya biiò waju nŋa, nɔ à bii ara nŋa mɔ do ikpa minji. Ikpa minji iyi à gbe ŋaui à ya foò.

Ezekiɛli 1:11

Inɛ akã nŋa fei í wu ikpa minjii do lele nɔ ikpa ŋau à koo à waa lu njɛ. Ikpa minji minji mɔ í biiò araɛ.

Ezekiɛli 1:14

Nɔ mii ilu hunde ŋau à sɛi à koo à waa baai bɛi dagba lele.

Ezekiɛli 14:14

Baa bii í jɛ inɛ mɛɛta gɔ ŋa à wa si ilɛu iyi kuwɛɛ nŋa í yɛ bɛi ti Nowee do Daniɛli do Zɔɔbu, a kaa yɔkɔ na dee dee ku jɛ nŋa a faaba inɛi ilɛ ŋau. Amu Aɔ̃ Lafɛ̃ɛi ǹ fɔ bɛɛbɛ.

Daniɛli 10:10

Ŋɔi awɔ gɔ í naa í lum í jɔ̀ ǹ dede ǹ gulɛ ǹ tɛ awɔ ilɛ.

Daniɛli 10:16

Ŋɔi inɛ gɔ iyi í jɔ amanɛ í naa í lu gɛlɛm. Ŋɔi ǹ cĩ gɛlɛ nɔ ǹ sɔ̃ inɛ iyi wa leekĩ si wajum nɔu ǹ ni, Lafɛ̃ɛm, na kuyɛu, ara kuro í naa sim nɔ ǹ kua gbugbã.

Daniɛli 10:18

Ŋɔi inɛ iyi í yɛ bɛi amanɛu í nyi í lum má nɔ í jɔ̀ ǹ ba gbugbã má.

Daniɛli 8:16

Ŋɔi ǹ wa n gbɔ imui amanɛ gɔ wa hai si aninii idoi Ulaiu wa ni, Gabiɛli, tusɛaa inɛ bɛ yaasei kuyɛu.

Daniɛli 8:18

Si waati iyi Gabiɛli wa bam ideu ku fɔ, ǹ wa n sɛɛbata bɛ n kù mà mii iyi wa ce má. Ŋɔi í lum nɔ í dedem í leekĩm tengi bii ǹ wau.

Matie 27:46

Nɔ si isɔ mɛɛtau Jesu í dɔ̃ anu hee lele í ni, Eli, Eli, lema sabatani, waatɔ Ilaaɔ̃ Lafɛ̃ɛm, Ilaaɔ̃ Lafɛ̃ɛm, na mii í ce ì fũsim awɔ.

Luku 1:19

Ŋɔi amalekau í jɛaa í ni, amui Gabiɛli. Amui ǹ ya n wa bi Ilaaɔ̃ n maa n ceaa icɛ. Nŋui í bɛm wa n na n baɛ ide ku fɔ nɔ n sisiɛ laabaau jiidau ihɛ̃.

Luku 1:26

Iyi asĩi Elizabɛti í ba cukpa mɛɛfa, ŋɔi Ilaaɔ̃ í bɛ amaleka Gabiɛli Nazarɛti si ilɛi Galilee.

Woo bɛ ŋa 10:3

Ŋɔi ajɔ akã zakai isɔ mɛɛta í ce kuyɛ. Í yɛ amalekai Ilaaɔ̃ dee dee. Amalekau í lɔ siɛ wa, ŋɔi í kpoo í ni, Kɔɔnɛi.

Woo bɛ ŋa 10:9

Iju kumáɛ zakai dasã à wa si kpãau nɔ à maai si iluu. Waati bɛɛbɛ í ko Piɛɛ í gũ antaii ile sikifa wa ce kutɔɔ.

Woo bɛ ŋa 12:7

Ŋɔi gbakã amalekai Ilaaɔ̃ gɔ í naa si ile piisɔ̃ɔu, ŋɔi inya í má. Ŋɔi amalekau í cã Piɛɛ si cingaaɛ í jũu í ni, dede ńya ńya. Bɛ gbakã sesee ŋau à cuku hai si awɔɛ ŋa.

Woo bɛ ŋa 3:1

Ŋɔi alɛ ajɔ nŋu gɔ zakai isɔ mɛɛta Piɛɛ do Zãa à waa bɔ kutɔɔ bantumai kpasɛ̃i Ilaaɔ̃.

Ebɛɛ 1:14

Debɛi, mii amaleka ŋa à jɛ. Aŋa fei à jɛ hunde ŋa iyi à waa cea Ilaaɔ̃ icɛ. Aŋai í ya bɛ a koo a sobi inɛ ŋa iyi aa ba faaba.

Ebɛɛ 1:7

Ide iyi Ilaaɔ̃ í fɔ na irii amaleka ŋau wee. Í ni, ǹ ce amalekam ŋai bɛi fufu, woo ce icɛm ŋau mɔ bɛi amɛi ina.

Kuyɛi Zãa 9:17

Si bɛi ǹ yɛ acĩ ŋau do masa ŋau si kuyɛm wee. À dasi batai igũ nkpa bɛi ina do boogu bɛi bulam do igbaagba bɛi fainwita. Irii acĩ ŋau í yɛ bɛi irii muusu nla, nɔ ina do cua do fainwita wa fita wa hai si gɛlɛ nŋa.