Daniɛli 9:20 - Bibeli do fee

²⁰ Ŋɔi ǹ mɔsi do kutɔɔ ku ce, nɔ ǹ wa n ce tuubai dulum dom ŋa do ti inɛi Izirɛli zamaam ŋau, nɔ ǹ wa n tɔɔ Aɔ̃ Lafɛ̃ɛm nii ntɔ ntɔ na iri kuta kumáu.

Daniɛli 9:20 Iomraidhean Croise

Ɛsidarasi 10:1

Waati iyi Ɛsidarasi í gulɛ wa kpataò si wajui kpasɛ̃u wa tɔɔ Ilaaɔ̃ ku kpa idei dulum du ŋau, inɛi Izirɛli ŋa aŋa nkpɔ nkpɔi à tɔtɔɔ à kaakoɛ bɛ, hai inɛmɔkɔ ŋa do inaabo ŋa do ama keeke ŋa, aŋa fei à wasi ku kpata hee lele.

Neemi 1:6

Cĩ ijuɛ ŋa nɔ i de itĩ i gbɔ kutɔɔ iyi amu woo ce icɛɛ ǹ wa n ce dasãò idũ. Ǹ wa n tɔɔɛi, kpa idei dulum du wa, awa inɛi Izirɛli woo ce icɛɛ ŋa. Ntɔ ntɔ, amu do kpasɛ̃i baam à ce dulum.

Iri ku kɔ̃ 145:18

Aɔ̃ Lafɛ̃ɛ, ì ya wa kɔkɔi inɛ ŋa iyi à waa kpeɛi. Nɔ inɛ ŋa iyi à waa kpeɛ do ntɔ fei,

Iri ku kɔ̃ 32:5

Ŋɔi ǹ jɔ̀ ì mà dulum dom nɔ n kù singaɛ kuraram, ǹ ni, an ce tuubai kuraram ŋa bi Aɔ̃ Lafɛ̃ɛ. Nɔ ì kpa kuraram ŋa do dulum dom ŋau. Kusĩmi.

Woo lasabu 7:20

Ntɔi, si andunyau ihɛ̃, inɛ dee dee kãma gɔ kù wɛɛ iyi wa ce jiida nɔ ci ya ce dulum ajɔ kãma.

Ezai 56:7

an gbã ŋai n bɔò ŋa si iri kuta kumám nɔu, nɔ an jɔ̀ inɔ nŋa ku dɔ̃i si inɔ kpasɛ̃m bi ku ce kutɔɔu. Kuwee nŋa iyi à ya jo si ina fei sãa sãa do kuwee mmuɛ nŋa ŋa iyi aa ce si antaii bi ku ce kuweem nɔu á dɔ̃ɔm si, domi aa kpe kpasɛ̃m nii, kpasɛ̃ bi ku ce kutɔɔi inɛi andunya fei.

Ezai 58:9

Waati bɛɛbɛ, bii ì kpe Aɔ̃ Lafɛ̃ɛ, á jɛɛi. Bii ì tɔɔɛ faaba, á sɔ̃ɛ ku ni, amu wee ihɛ̃. Bii ì leekĩò asoi tilasi iyi í wo ku kãa inɛ ŋa, nɔ ì jɔ̀ taalei inɛ ŋa ku yɛ ngbɛ ngbɛ, nɔ ì jɔ̀ ide laalɔ ŋa ku fɔ,

Ezai 6:5

Ŋɔi ǹ dɔ̃ anu ǹ ni, inɔ kufɔi í jɛ tom. Ǹ ce nfe mbɛ, domi gɛlɛm kù maaju, nɔ ǹ wa si aninii inɛ ŋa iyi gɛlɛ nŋa ŋa kù maaju. Nɔ wee ǹ yɛ ilaalu Aɔ̃ Lafɛ̃ɛi lele do ilɛ do ijum.

Ezai 65:24

Hee a maa kpem, amu an jɛ nŋa. Hee a fɔ ide a maa tã, an gbɔ ide iyi à waa fɔu.

Daniɛli 10:12

Ŋɔi í sɔ̃m í ni, Daniɛli, maà jɔ̀ njo ku muɛ. Hai ajɔ sinte iyi ì dasi idɔ awɔ i gbɔ yaasei mii iyi wa ce, nɔ ì kaye araɛ si wajui Ilaaɔ̃ Lafɛ̃ɛɛ, Ilaaɔ̃ í gbɔ ideɛ ŋau, nɔ na irii ideɛ ŋaui ǹ naa.

Daniɛli 10:2

Waati bɛɛbɛ, amu Daniɛli ǹ too si yaase bɛi à ya ce bukii ikui azuma mɛɛta mam mam.

Daniɛli 11:45

Á koo gũ ilei acɔi bommaɛ ŋaui si aninii tenkuu do iri kuta kumá si ilɛ iyi í sĩa í re ilɛ ŋau. Si anyiɛ kuwɛɛɛ á kpa irii, nɔ inɛ kãma kaa sobiɛ.

Daniɛli 9:16

Lafɛ̃ɛ, teese i nyisi wa jiida ku jɛɛ ŋau má. Jɔ̀ idɔɔkɔ̃ nla nlaɛ si gãmɛi Zeruzalɛmu iluɛ iyi í jɛ iri kuta kumáɛu ku sũ. Na dulum du wa ŋa do ti bala nwa ŋau, ilɛ ŋa iyi à kaako wa ŋau à waa bu Zeruzalɛmu do inɛɛ ŋa.

Zakari 8:3

Ŋɔi í jɔ̀ an nyi wa Siɔ̃ɔ má, n maa n wa si inɔi inɛi Zeruzalɛmu ŋa. Nɔ aa kpe Zeruzalɛmuu ilu bii ntɔ í wa, nɔ geetei Siɔ̃ɔ mɔ iyi í jɛ titom aa kpe nŋu mɔi iri kuta kumá.

Woo bɛ ŋa 4:31

Iyi à ce kutɔɔu à tã ŋɔi inya bii à tɔtɔɔu í yaya. Ŋɔi aŋa fei à kɔ̃ò Hundei Ilaaɔ̃ nɔ à wasi ku waazo idei Ilaaɔ̃ bɛbɛi do wɔɔkɔ.

Romu 3:23

domi inɛ fei í ce dulum nɔ à kua amboei Ilaaɔ̃.

Zaaki 3:2

Si mii nkpɔi awa fei à ya ka rara. Inɛ iyi kù waa ce kurara si ide ku fɔɛ, lafɛ̃ɛ inɛ ku jĩai nɔ í yɛ bɛi inɛ iyi í dasi araɛ fei arezem.

Kuyɛi Zãa 21:10

Hundei Ilaaɔ̃ í naa sim nɔ amalekau í bɔòm si antaii iri kuta nla gɔ. Í nyisim Zeruzalɛmu ilu kumá iyi wa kita wa hai lele bii Ilaaɔ̃ í wau.

Kuyɛi Zãa 21:2

Nɔ ǹ yɛ ilu kumá iyi í jɛ Zeruzalɛmu titɔ̃ í kita wa hai lelei Aɔ̃. Í tã sɔɔlu bɛi abo titɔ̃ iyi wa bɔ mɔkɔɛ ku ko.