Daniɛli 9:19 - Bibeli do fee

¹⁹ Lafɛ̃ɛ, gbɔ, Lafɛ̃ɛ, ce suuru. Lafɛ̃ɛ, sotĩ i gbɔ. Ce ngɔgɔ nɔ i maà jɔ̀ ku kpɛ na irii awɔ takaɛ. Ntɔ ntɔ, iluu ihɛ̃ do zamaaɛ fei, awɔi ì nɔɔ.

Daniɛli 9:19 Iomraidhean Croise

Bomma 2, 6:21

Jɔ̀ i cea amu woo ce icɛɛ do inɛi Izirɛli inɛɛ ŋa mii iyi à waa tɔɔ waati iyi à naa tengi ihɛ̃. Jɔ̀ i ya gbɔ kutɔɔ nwa hai lelei Aɔ̃ tengi bii ì wa, nɔ i kpa idei dulum du wa.

Bomma 2, 6:39

jɔ̀ i gbɔ kutɔɔ nŋa wa hai lelei Aɔ̃ bi kuwaɛ, nɔ i sobi ŋa. Kpa idei dulum dii zamaaɛ ŋau do kurara iyi à ceɛ fei.

Ezai 43:7

Inɛ ŋa iyi à waa kpe ŋa do irim nɔu fei, i jɔ̀ a baa wa ŋa. Ǹ taka ŋai nɔ ǹ ce ŋa ku ba a nyisi amboem.

Zeremi 14:7

Inɛi Zudaa ŋa à ni, ntɔ ntɔ à waa ba taalei na saabui kurara nwa ŋa. Amma à waa tɔɔɛi Aɔ̃ Lafɛ̃ɛ, ce ngɔgɔ baa na irii awɔ takaɛ, domi à zambaɛ tuuba nkpɔ nkpɔ, nɔ à ce dulum bi tɛɛ.

Zeremi 14:9

Na mii í jɔ̀ ì waa ce bɛi inɛ iyi kù nɛ gbugbã, ì waa ce bɛi woo ja igũ iyi kaa yɔkɔ ku faaba inɛ mmu ŋa. Do nŋu fei ì bɛi ì wa si anini nwa Aɔ̃ Lafɛ̃ɛ, nɔ à nya wa ikãi a jɛ titɛɛ. Maà fũsi wa awɔ.

Zeremi 25:29

Nɔ wahalau á sintii hai si ilu iyi à nya ikã í jɛ titom nɔu. Nɔ iŋɛ taka nŋɛ i kaa fita si ŋa, domi i kaa jɛ hai nɛ taale ŋa. An ce nŋɛi bɛi ilu taale ŋau. Iyi í re mɔm, an jɔ̀ igũ ku cei si andunyau fei. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Ezekiɛli 20:14

Do nŋu fei, mii iyi ǹ ce ǹ cooi na irim, ku ba bɛɛrɛm nɔu ku maà bɛjɛ si wajui dimi mmu ŋa tengi bii à koo à wa. Aŋai à jɛ sɛɛda si waati iyi ǹ nya inɛi Izirɛli ŋau wa hai ilɛi Ezibiti.

Ezekiɛli 20:22

Do nŋu fei, mii iyi ǹ dasi idɔ n ce nŋau, ǹ jɔ̀ɔi na irim, ku ba bɛɛrɛm nɔu ku maà bɛjɛ si wajui dimi mmu ŋa waati iyi ǹ nya ŋa wa hai si ilɛi Ezibitiu.

Ezekiɛli 20:9

Do nŋu fei, mii iyi ǹ ce ǹ cooi na irim, ku ba bɛɛrɛm nɔu ku maà bɛjɛ si wajui dimi mmu ŋa tengi bii à koo à wau. Aŋai à jɛ sɛɛda si waati iyi ǹ nya inɛi Izirɛli ŋau wa hai ilɛi Ezibiti.

Ezekiɛli 36:22

Na nŋu, sɔ̃ inɛi Izirɛli ŋau iyi amu Aɔ̃ Lafɛ̃ɛ ǹ ni, iyi an ce fei, an cooi, nɔ kù jɛ na iri nŋɛ. Amma na inɛ ŋa a mà bɛɛrɛi irim iyi ì bɛjɛ si ilɛ bii ì bɔ ŋa feiui.

Ezekiɛli 39:25

Amma ide iyi amu Aɔ̃ Lafɛ̃ɛ ǹ wa n fɔ wee. Hai nsɛi bɛbɛi, an ce araarei inɛi Izirɛli tɔkui Zakɔbu ŋau. An jɔ̀ kuwɛɛ nŋa ku baa ku yɛ bɛi ti tako, nɔ n tilasi aŋa fei a mà bɛɛrɛi irim.

Daniɛli 9:18

Ilaaɔ̃ Lafɛ̃ɛm, sotĩ nɔ i gbɔ. Cĩ ijuɛ ŋa nɔ i cɔ inya nwa ŋa iyi à lɛgɛ ŋau, do ilu iyi í jɛ titɛɛu. Ntɔ ntɔ, kù jɛ si na iyi í jɔ̀ mii iyi à ce í jɛ dee deei í jɔ̀ à waa tɔɔɛ. À waa tɔɔɛi na araare nla nlaɛ.

Amɔsu 7:2

Si bɛi kɛtɛngbo ŋau à tɛ à waa ŋɔ fɔfɔu fei, ŋɔi ǹ ni, Aɔ̃ Lafɛ̃ɛ, í gbe i ce suuru. Bii kù jɛ bɛɛbɛ, bɛirei dimii Zakɔbu á na ku yɛ, nŋu iyi í kere.

Kuka 14:19

Si bɛi jiida ku jɛɛ do araareɛ í la í tou bɛ, cea inɛ ŋau ihɛ̃ suurui dulum du ŋa bɛi ì tako ì ce nŋa wa hai ilɛi Ezibiti hee ku naa bii à wau ihɛ̃.

Kuka 6:27

Bii woo wee ŋau à fɔ bɛɛbɛ do irim ku ba a weea inɛi Izirɛli ŋa, amui an gba kuweeu.

Luku 11:8

Ǹ wa n sɔ̃ ŋɛi, baa bii kù bi ku dede ku náa si na iyi í jɔ̀ í jɛ kpaasiɛ, á yɔkɔ ku dede ku naa bukaatai mii iyi í bi fei si na iyi í jɔ̀ wa manteɛ.

Woo bɛ ŋa 15:17

ku ba inɛ ŋa iyi a kù jɛ inɛi kpasɛ̃u fei a dɛdɛ amu Aɔ̃ Lafɛ̃ɛ. Aŋai à jɛ inɛ ŋa iyi à jɛ titom hai si dimi mmu ŋa.

Efɛɛzu 1:12

Na nŋu, i jɔ̀ ka saabu kulai Ilaaɔ̃, awa Zuifu ŋa iyi à tako à waa cɔ kpãai Kirisi wo.

Efɛɛzu 1:6

ku ba ka saabu didɔ̃ nla nlaɛ iyi í ce nwa si anu akã nwa do Amaɛ, inɛ iyi siɛi kubiɛ fei í wa.

Efɛɛzu 3:10

ku ba inɛ ngboi lele ŋa do ilu yiikoi lele ŋa a mà yaasei bisiɛ do saabui igbɛi inɛi Jesu ŋa si waatiu ihɛ̃.