Daniɛli 9:18 - Bibeli do fee

¹⁸ Ilaaɔ̃ Lafɛ̃ɛm, sotĩ nɔ i gbɔ. Cĩ ijuɛ ŋa nɔ i cɔ inya nwa ŋa iyi à lɛgɛ ŋau, do ilu iyi í jɛ titɛɛu. Ntɔ ntɔ, kù jɛ si na iyi í jɔ̀ mii iyi à ce í jɛ dee deei í jɔ̀ à waa tɔɔɛ. À waa tɔɔɛi na araare nla nlaɛ.

Daniɛli 9:18 Iomraidhean Croise

Ilaalu 1, 8:29

Jɔ̀ iju jiidaɛ ku maa kãsi kpasɛ̃u ihɛ̃ dasãò idũ, domi tengi bɛi awɔ takaɛ ì ni aa wa. Gbɔ kutɔɔm iyi ǹ wa n ceu ihɛ̃.

Ilaalu 2, 19:16

Aɔ̃ Lafɛ̃ɛ, sotĩ nɔ i gbɔ. Cĩ ijuɛ nɔ i cɔ. Gbɔ idei arabu ŋa iyi Senakeribu í bɛò inɛ ŋa wa ku ba a naa a fɔ si gãmɛi awɔ Aɔ̃ Lafɛ̃ɛ awɔ iyi ì wɛɛ.

Iri ku kɔ̃ 116:1

Ǹ bi Aɔ̃ Lafɛ̃ɛ, domi í ya gbɔ imum waati iyi ǹ kpoo.

Iri ku kɔ̃ 25:6

Aɔ̃ Lafɛ̃ɛ, ye gigii araareɛ ŋa do jiida ku jɛɛ, domi hai ku kpɛi à wɛɛ.

Kufita 3:7

Nɔ Aɔ̃ Lafɛ̃ɛ í ni, ǹ wa n yɛ bɛi à waa kpã inɛm ŋa iyi à wa Ezibitiu iju sãa sãa nɔ ǹ gbɔ bɛi à ya jɔ̀ à wasi ku dɔ̃ anu nɔ ǹ mà ara kuro nŋa ŋau.

Ezai 37:17

Aɔ̃ Lafɛ̃ɛ, sotĩ nɔ i gbɔ. Cĩ ijuɛ nɔ i cɔ. Gbɔ idei arabu ŋa iyi Senakeribu í bɛò inɛ ŋa wa a naa a fɔ si gãmɛi awɔ Aɔ̃ Lafɛ̃ɛ iyi ì wɛɛ.

Ezai 43:7

Inɛ ŋa iyi à waa kpe ŋa do irim nɔu fei, i jɔ̀ a baa wa ŋa. Ǹ taka ŋai nɔ ǹ ce ŋa ku ba a nyisi amboem.

Ezai 64:6

Inɛ kãma kù wɛɛ iyi wa kpe iriɛ, nɔ inɛ kãma kù wɛɛ iyi í teese í mu araɛ nɔ í dĩ do awɔ, domi ì sinda wajuɛ hai bi tu wa nɔ ì jɔ̀ à kua gbugbã na kurara nwa ŋau.

Zeremi 14:7

Inɛi Zudaa ŋa à ni, ntɔ ntɔ à waa ba taalei na saabui kurara nwa ŋa. Amma à waa tɔɔɛi Aɔ̃ Lafɛ̃ɛ, ce ngɔgɔ baa na irii awɔ takaɛ, domi à zambaɛ tuuba nkpɔ nkpɔ, nɔ à ce dulum bi tɛɛ.

Zeremi 14:9

Na mii í jɔ̀ ì waa ce bɛi inɛ iyi kù nɛ gbugbã, ì waa ce bɛi woo ja igũ iyi kaa yɔkɔ ku faaba inɛ mmu ŋa. Do nŋu fei ì bɛi ì wa si anini nwa Aɔ̃ Lafɛ̃ɛ, nɔ à nya wa ikãi a jɛ titɛɛ. Maà fũsi wa awɔ.

Zeremi 15:16

Waati iyi ǹ ba ide gɔ wa hai bi titɛɛ fei, ǹ ya n gba ideui. Ǹ ya n nɛ si ideɛ ŋau inɔ didɔ̃ nla nlai hee si idɔm, domi à nyam ikã n jɛ tɛɛ, awɔ Aɔ̃ Lafɛ̃ɛi lele do ilɛ.

Zeremi 25:29

Nɔ wahalau á sintii hai si ilu iyi à nya ikã í jɛ titom nɔu. Nɔ iŋɛ taka nŋɛ i kaa fita si ŋa, domi i kaa jɛ hai nɛ taale ŋa. An ce nŋɛi bɛi ilu taale ŋau. Iyi í re mɔm, an jɔ̀ igũ ku cei si andunyau fei. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Zeremi 36:7

Á yɔkɔ ku jɛ aa tɔɔ Aɔ̃ Lafɛ̃ɛ nɔ aŋa fei a sinda wa a jɔ̀ kuce laalɔ nŋa ŋau, domi idɔɔkɔ̃ nla nlai Aɔ̃ Lafɛ̃ɛ í wɛɛò si gãmɛi zamaau bɛ.

Zeremi 37:20

Nsɛi sotĩ i gbɔ, ǹ wa n tɔɔɛi awɔ ilaalu lafɛ̃ɛm, maà jɔ̀ n sinda n nyi kpasɛ̃i Zonatãa woo kɔ tiai ilɛu má, ku ba n maà n na n ku.

Ezekiɛli 36:22

Na nŋu, sɔ̃ inɛi Izirɛli ŋau iyi amu Aɔ̃ Lafɛ̃ɛ ǹ ni, iyi an ce fei, an cooi, nɔ kù jɛ na iri nŋɛ. Amma na inɛ ŋa a mà bɛɛrɛi irim iyi ì bɛjɛ si ilɛ bii ì bɔ ŋa feiui.

Ezekiɛli 36:32

I jɔ̀ i mà ŋa iyi amu Aɔ̃ Lafɛ̃ɛ ǹ wa n fɔɔi iyi kù jɛ na iri nŋɛi ǹ wa n ce bɛɛbɛ. Iŋɛ inɛi Izirɛli ŋa, anyɔ í nɛ ku mu ŋɛi na kuce nŋɛ ŋau.

Daniɛli 9:7

Aɔ̃ Lafɛ̃ɛ, awɔ ì jɛ dee dee, nɔ anyɔi í jɛ ti awa. Ntɔ ntɔ nnyiu ihɛ̃, hai inɛi Zeruzalɛmu ŋa hee do inɛi bommai Zudaa ŋau fei, à wa si anyɔ nla nla. Nɔ bɛɛbɛ mɔi hee do inɛi Izirɛli ŋau fei, hai inɛ ŋa iyi à wa amɛɛ hee do inɛ ŋa iyi à wa hee jĩijĩ ŋau fei. Awɔi ì lele ŋa ì jɔ̀ à koo à wa si ilɛ mmu ŋa bii fei si na iyi í jɔ̀ à ce dulum bi tɛɛ.

Kuka 6:27

Bii woo wee ŋau à fɔ bɛɛbɛ do irim ku ba a weea inɛi Izirɛli ŋa, amui an gba kuweeu.

Kɔrɛnti 1, 1:2

à waa ce ŋɛ fɔɔ, iŋɛ inɛi igbɛi Ilaaɔ̃ ŋa iyi ì wa ilui Kɔrɛnti ŋa. À waa ce ŋɛ fɔɔ, iŋɛ iyi Ilaaɔ̃ í kpe ì jɛ tɛɛ ŋa, iŋɛ iyi í cica í jilɛ i maa nɛ anu akã do Jesu Kirisi ŋa. À ce iŋɛ fei fɔɔ hee do inɛ ŋa iyi à wa ilɛ baa yooma fei, inɛ ŋa iyi à waa tɔɔ do irii Lafɛ̃ɛ nwa Jesu Kirisi, nŋu iyi í jɛ Lafɛ̃ɛi awa fei.