Daniɛli 9:16 - Bibeli do fee

¹⁶ Lafɛ̃ɛ, teese i nyisi wa jiida ku jɛɛ ŋau má. Jɔ̀ idɔɔkɔ̃ nla nlaɛ si gãmɛi Zeruzalɛmu iluɛ iyi í jɛ iri kuta kumáɛu ku sũ. Na dulum du wa ŋa do ti bala nwa ŋau, ilɛ ŋa iyi à kaako wa ŋau à waa bu Zeruzalɛmu do inɛɛ ŋa.

Daniɛli 9:16 Iomraidhean Croise

Neemi 9:8

Nɔ ì yɔɔ iyi í jɛ ilu naanɛ, ŋɔi iŋɛò ì dĩ akabuu, ì cea kuwã iyi aa na tɔkuɛ ŋa ilɛi inɛi Kanaã ŋa do ti inɛi Hɛti ŋa do ti inɛi Amɔre ŋa do ti inɛi Ferɛzi ŋa do ti inɛi Zebusi ŋa do ti inɛi Girigasi ŋa ku jɛ tu ŋa. Ì nɔ ì coo, domi ì jɛ dee dee.

Iri ku kɔ̃ 143:1

Iriu ihɛ̃ ti Davidii. Aɔ̃ Lafɛ̃ɛ, gbɔ kutɔɔm, nɔ i de itĩ si anu ku dɔ̃m ŋa. Jɛɛm si dee dee ku jɛɛ do ilu naanɛ ku jɛɛ.

Iri ku kɔ̃ 31:1

Iriu ihɛ̃ ti inɛ ngboi woo kɔ̃ iri ŋai do Davidi.

Iri ku kɔ̃ 41:13

Awɔi aa sobim si dee dee ku jɛm nɔ i maa mum bi tɛɛ hee do ajɔ fei.

Iri ku kɔ̃ 71:2

Si dee dee ku jɛɛ, nyam nɔ i jɔ̀ n nɛ aram. De sim itĩ nɔ i faabam.

Iri ku kɔ̃ 79:4

Awai à baa à jɛ iri ankitãi inɛi kɔkɔ nwa ŋa. À jɛ yaako do dɔ̃anyii inɛ ŋa iyi à waa kaako wa ŋa.

Iri ku kɔ̃ 85:4

Ì jɔ̀ idɔɔkɔ̃ɛ í sũ sɛ̃ɛ. Ì jɔ̀ idɔɔkɔ̃ nla nla ku ceɛ si gãmɛ nwa.

Iri ku kɔ̃ 89:51

Aɔ̃ Lafɛ̃ɛ, ye gigii arabu iyi woo ce icɛɛ ŋa à waa ba. Ye gigi iyi amui ǹ wa n so asoi zamaa nla nlau bɛ fei.

Kufita 20:5

I maà gulɛ si wajui mii bɛɛbɛ ŋa i maà tɔɔ ŋa ŋa, domi amu Aɔ̃ Lafɛ̃ɛ nŋɛ ǹ jɛ Ilaaɔ̃ iyi í kɔ̀ mii dimi bɛɛbɛ ŋa. Inɛ ŋa iyi à cém, ijuukpãm á naa si ŋa do si ama nŋa ŋa hee ku koo si tɔku gbɛɛta walakɔ tɔku gbɛ̃ɛsia nŋa ŋa.

Ezai 5:25

Ŋɔi idɔi Aɔ̃ Lafɛ̃ɛ í kɔ̃ si inɛɛ ŋau hee í caa nɔ í cã ŋa. Iri kuta ŋa à yaya, nɔ inɛ ŋa iyi à ku ŋa à waa sũ itĩ kpãa ŋa bɛi mii riisi ŋa. Nɔ do nŋu fei idɔɔkɔ̃ɛu kù sũ, ijuukpãu í mɔsi wa koo.

Zeremi 24:9

An jɔ̀ yaasei kuwɛɛ nŋa ku jɛaa inɛ ŋa zigiidai bi bommai ilɛ ŋau fei. Tengi bii an fangaa ŋa a koo a wa fei, aŋai aa jɛ yaase iyi inɛ ŋa aa ya so waati iyi à waa bi a bú inɛ gɔ, walakɔ waati iyi à waa yaako inɛ gɔ, walakɔ waati iyi à waa kɔ̃ irii inɔ kukã gɔ, walakɔ waati iyi à waa bi a ceekpe inɛ gɔ.

Zeremi 29:18

An jɔ̀ igũ do ari do patapoo ku naa si ŋai, nɔ an jɔ̀ bommai andunya ŋau ihɛ̃ njo ku ya mu ŋa waati iyi à yɔɔ fei. Si dimi ŋa bii ǹ fangaa ŋa à nɛ fei, yaase nŋai inɛ ŋa aa ya so waati iyi à waa bi a ceekpe inɛ gɔ, walakɔ waati iyi à bi a fɔ ide laalɔ gɔ, walakɔ waati iyi à bi a fɔ idei zigiida walakɔ idei anyɔ gɔ fei.

Zeremi 32:31

Ilui Zeruzalɛmuui í jɛ icui idɔɔkɔ̃m fei hai kusintii iluu wa hee ku baa do nnyi fei. Na nŋu, ǹ bi ku jĩim nii

Zeremi 32:32

na laalɔ ŋa iyi inɛi Izirɛli do inɛi Zudaa ŋau à ce à dedeò idɔɔkɔ̃m aŋa do ilaalu nŋa ŋa do akawe nŋa ŋa do woo wee nŋa ŋa do walii nŋa ŋa, aŋa iyi à jɛ inɛi Zudaa do inɛi Zeruzalɛmu ŋau fei.

Ezekiɛli 22:4

Ì jɛ ilu taale ŋa na njɛi inɛ ŋa iyi ì nikã nɔ ì riisi ara nŋɛ do iwɛ̃ ŋa iyi ì cea ara nŋɛ ŋa. Ì kaye ajɔi kuwɛɛ nŋɛ ŋa mbɛ nɔ nfe ku ce nŋɛi í to wa bɛ. Na ŋɔi í ce an jɔ̀ anyɔ ku mu nŋɛ nɔ i baa i jɛ yaakoi dimi mmu ŋa.

Ezekiɛli 5:14

An jɔ̀ dimi mmu ŋa iyi à waa kaako iluu do inɛ ŋa iyi à too do bɛ à waa lɔ fei a yɛ í kpɔò bomma nɔ kù nɛ bɛɛrɛ má.

Daniɛli 11:45

Á koo gũ ilei acɔi bommaɛ ŋaui si aninii tenkuu do iri kuta kumá si ilɛ iyi í sĩa í re ilɛ ŋau. Si anyiɛ kuwɛɛɛ á kpa irii, nɔ inɛ kãma kaa sobiɛ.

Daniɛli 9:20

Ŋɔi ǹ mɔsi do kutɔɔ ku ce, nɔ ǹ wa n ce tuubai dulum dom ŋa do ti inɛi Izirɛli zamaam ŋau, nɔ ǹ wa n tɔɔ Aɔ̃ Lafɛ̃ɛm nii ntɔ ntɔ na iri kuta kumáu.

Zakari 8:3

Ŋɔi í jɔ̀ an nyi wa Siɔ̃ɔ má, n maa n wa si inɔi inɛi Zeruzalɛmu ŋa. Nɔ aa kpe Zeruzalɛmuu ilu bii ntɔ í wa, nɔ geetei Siɔ̃ɔ mɔ iyi í jɛ titom aa kpe nŋu mɔi iri kuta kumá.

Tɛsalonika 2, 1:6

Ntɔi, Ilaaɔ̃ á ce iyi í jɛ dee dee. Inɛ ŋa iyi à waa kpã ŋɛ iju, á sã nŋa ijuukpã.

Zãa 1, 1:9

Amma bii à ce tuubai dulum du wa, Ilaaɔ̃ ilu naanɛi, nŋu iyi í ya ce dee dee, á kpa idei dulum du wa nɔ ku jɔ̀ ka má hai si laalɔ ku ce nwa fei.

Samuɛli 1, 2:7

Awɔ Aɔ̃ Lafɛ̃ɛ, ì ya jɔ̀ inɛ gɔ ŋa a jɛ ilu are nɔ gɔgɔ ŋa mɔ a nɛ amani, ì ya kaye inɛ gɔ ŋa nɔ ì ya kɔ̃ɔsi inɛ gɔ ŋa má.