Daniɛli 9:15 - Bibeli do fee

¹⁵ Ilaaɔ̃ Lafɛ̃ɛ nwa, awɔi ì nya inɛɛ ŋa wa hai ilɛi Ezibiti do awɔ gbugbãɛ nɔ ì nya iri, amma nsɛi awa à kua woodaɛ ŋa nɔ à baa à jɛ ilu taale ŋa.

Daniɛli 9:15 Iomraidhean Croise

Ilaalu 1, 8:51

domi zamaaɛ ŋai aŋa iyi ì nya wa hai ilɛi Ezibiti hai si inyai wahala nla nlau.

Ilaalu 2, 21:15

An ce bɛɛbɛi si na iyi í jɔ̀ à ce mii iyi kù dɔ̃ɔm si nɔ à dede idɔɔkɔ̃m hai ajɔ iyi bala nŋa ŋa à fita wa hai ilɛi Ezibitiu hee ku baa nnyi.

Bomma 2, 6:37

bii à kpaasi idɔ nɔ à sinda wa bi tɛɛ nɔ à waa tɔɔɛ suuru hai ilɛi inɛ ŋa iyi à mu ŋa aruu à waa ni, à ce kurara, à ce dulum nɔ à ce laalɔ ŋa,

Neemi 1:10

Awa woo ce icɛɛ ŋai nɔ à jɛ zamaaɛ ŋa iyi ì ya do gbugbã nla nlaɛ.

Neemi 1:6

Cĩ ijuɛ ŋa nɔ i de itĩ i gbɔ kutɔɔ iyi amu woo ce icɛɛ ǹ wa n ce dasãò idũ. Ǹ wa n tɔɔɛi, kpa idei dulum du wa, awa inɛi Izirɛli woo ce icɛɛ ŋa. Ntɔ ntɔ, amu do kpasɛ̃i baam à ce dulum.

Iri ku kɔ̃ 106:8

Amma í faaba ŋai na bɛɛrɛi nŋu takaɛ, ku ba ku nyisiò gbugbãɛ.

Kufita 13:14

Nɔ bii ama nŋɛ ŋa à na à bee ŋɛ ajɔ akã à ni, yoomai í jɛ yaasei kuceu bɛ, aa jɛ nŋa ŋai i ni, Aɔ̃ Lafɛ̃ɛ í nya wa hai ilɛi Ezibiti do awɔ gbugbãɛ si aru ku jɛ nwa.

Kufita 13:16

Nŋui á jɛ bɛi nyinda si awɔ nŋɛ ŋa do si ikpo nŋɛ ŋa, domi Aɔ̃ Lafɛ̃ɛ í nya wa wai hai ilɛi Ezibiti do awɔ gbugbãɛ.

Kufita 13:3

Ŋɔi Moizi í sɔ̃ inɛ ŋau í ni, i ya ye gigii ajɔu ihɛ̃ si bii ì fita wa hai ilɛi Ezibitiu ŋa bii ì tako ì jɛ aru ŋa wo. I ya ye gigii ajɔu ŋa si na iyi í jɔ̀ Aɔ̃ Lafɛ̃ɛi í nya ŋɛ hai bɛ do gbugbã nlaɛ. Nɔ si waatiu bɛ i maà ya jɛ pɛ̃ɛ iyi à dasi levɛ̃ɛ í dede ŋa.

Kufita 13:9

Jingauu bɛi á jɛ ŋɛ bɛi nyinda gɔ iyi í wa si awɔ nŋɛ ŋa walakɔ si ikpo nŋɛ ŋa, ku ba i ya maa ye gigii woodai Aɔ̃ Lafɛ̃ɛ si faaji nŋɛ ŋa, domi nŋui í nya nŋɛ wa hai ilɛi Ezibiti do awɔ gbugbãɛ.

Kufita 14:18

Nɔ inɛi Ezibiti ŋa aa mà iyi amu Aɔ̃ Lafɛ̃ɛi si waati iyi an nyisi amboem do yaase bɛɛbɛ.

Kufita 32:11

Amma Moizi wa tɔɔ Aɔ̃ Lafɛ̃ɛɛ ku jɔ̀ idɔɔkɔ̃ɛ ku sũ, wa sɔ̃ɔ wa ni, na mii í ce idɔɛ wa kɔ̃ si inɛɛ ŋa iyi ì nya wa hai ilɛi Ezibiti do gbugbã nla nlaɛ.

Kufita 6:1

Aɔ̃ Lafɛ̃ɛ í sɔ̃ Moizi í ni, aa yɛ bɛi an cea Faraɔ̃ bɛi. Do gbugbãm nii an tilasiɛ ku jɔ̀ inɛ ŋau a nɛ bɛbɛi. Á lele ŋa mɔm nii hai si ilɛɛ.

Kufita 6:6

Na nŋu, koo sɔ̃ inɛi Izirɛli ŋa i ni amui ǹ jɛ Aɔ̃ Lafɛ̃ɛ. An nya ŋa hai si icɛ kugaabu ŋa iyi inɛi Ezibiti ŋa à dasi ŋa nɔ n nya ŋa má hai si aru ku jɛ. Nɔ do gbugbãm an dasi inɛi Ezibiti ŋa wahala nla nla ku ba n ya inɛi Izirɛli ŋa.

Kufita 9:16

Amma ǹ jɔ̀ í wɛɛi ku ba ku yɛ gbugbãm nɔ inɛ ŋa a kpe irim si andunya fei.

Ezai 55:13

Tengi bii ama jĩi ku nɛ agũ ŋa à fita wo, tengi bɛi jĩi nla ŋa aa fita. Tengi bii kakayɛtɛ ŋa à fita wo, tengi bɛi jĩi ŋa iyi wua nŋa ci ya wɔ aa fita. Bi Aɔ̃ Lafɛ̃ɛ iri ku nɛ bɛɛrɛi á jɛ do nyinda hai nɛ kɔɔ iyi kù nɛ ku nya.

Ezai 64:4

Ì waa bɔ ku ko inɛ iyi í nɛ inɔ didɔ̃ wa ceò mii iyi í jɛ dee dee, do inɛ ŋa iyi à waa ye gigii kpãaɛ ŋa. Kpãaɛ ŋaui à ya faaba wa waati kãma fei wo. Amma idɔɛ í kɔ̃ si na iyi í jɔ̀ à ce dulum,

Zeremi 14:20

Aɔ̃ Lafɛ̃ɛ, à mà inɔ kukã nwa do kurarai bala nwa ŋa, domi à ce dulum bi titɛɛ.

Zeremi 32:10

Si anyii nŋu, ǹ ce tiai njɛ ku gbɔsi nɔ ǹ ce si akpaawɔ ǹ bɛi ǹ dɛdɛ inɛ ŋa iyi aa jɛ sɛɛda ŋa, nɔ ǹ wã isɔ fũfũ jiida si kiloo ǹ naa.

Kukpata 3:42

Ka ni, Aɔ̃ Lafɛ̃ɛ, awai à ce dulum, à ce ide ku kɔ̀ siɛ, iyi bɛi í jɔ̀ i kù ce nwa suuru.

Ezekiɛli 5:6

Inɛɛ ŋa à kɔ̀ ku jirima woodam ŋa do idem ŋa. Laalɔ ku ce nŋa í re ti dimi mmu ŋa do ilɛ mmu ŋa iyi à waa kaako ŋa ŋau. Ntɔ ntɔ à kɔ̀ ku jirima woodam ŋa do idem ŋai.

Daniɛli 9:5

Awa à kua woodaɛ ŋa, à ce dulum nɔ à baa à jɛ ilu taale ŋa. À dedeò ide ku kɔ̀ siɛ, nɔ à sinda à toa ideɛ do woodaɛ ŋa anyi.

Luku 15:21

Ŋɔi amau í ni, baaba, ǹ ce dulum bi Ilaaɔ̃ nɔ ǹ ce kurara bi tɛɛ. Na nŋu, n kù to a kpem amaɛ má.

Luku 18:13

Woo gba fiai lɛmpoou mɔ í leekĩ í mu araɛ ikã, kù yɔkɔ kù wu iju lele, í le awɔ si iri í ni, Ilaaɔ̃, ce araarem amu ilu dulum.

Kɔrɛnti 2, 1:10

Nŋui í nya wa hai si iku dimi bɛɛbɛ, á nɔ ku nya wa má. Ntɔi, à waa cɔ kpãaɛ á nyi ku nya wa má.

Wooda ku kɔsi 5:15

I ye gigi ŋa iyi arui ì waa jɛ ŋa wo si ilɛi Ezibiti, nɔ amu Aɔ̃ Lafɛ̃ɛ nŋɛ ǹ nya ŋɛ wai do awɔ gbugbãm. Na ŋɔi í jɔ̀ ǹ ni i jirima ajɔi kusĩmiu ŋa.