Daniɛli 9:14 - Bibeli do fee

¹⁴ Awɔ Aɔ̃ Lafɛ̃ɛ ì waa ce laakaii, nɔ ì jɔ̀ laalɔu í naa si wa, domi awɔ Aɔ̃ Lafɛ̃ɛ nwa ì jɛ dee dee si icɛɛ ŋa iyi wa ce fei, nɔ awa a kù de itĩ a kù gbɔ ideɛ.

Daniɛli 9:14 Iomraidhean Croise

Bomma 2, 12:6

Ŋɔi ilaaluu do inɛ ngboi Izirɛli ŋau à kaye ara nŋa nɔ à fɔ à ni, Aɔ̃ Lafɛ̃ɛ í nɛ ntɔ.

Ɛsidarasi 9:15

Awɔ Aɔ̃ Lafɛ̃ɛi awa inɛi Izirɛli ŋa, si dee dee ku jɛɛ ì jɔ̀ awa iyi à gbeu ihɛ̃ nnyi à wɛɛ si hunde. Awa wee à wɛɛ à waa leekĩ si wajuɛ do dulum nla nla, nɔ wee si laalɔ dimi bɛɛbɛ ku ce inɛ kãma kù nɛ kpãa ku wɛɛ si hunde ku maa leekĩò si wajuɛ.

Neemi 9:33

Si mii iyi í ba wa fei awɔi ì jɛ dee dee nɔ ì jɛ ilu naanɛ, amma awai à ce mii iyi kù sĩa.

Iri ku kɔ̃ 111:7

Icɛi awɔɛ ŋau à jɛ ntɔ nɔ à jɛ dee dee. Nɔ woodaɛ ŋa fei naanɛ í wa sii ntɔ ntɔ.

Iri ku kɔ̃ 116:5

Aɔ̃ Lafɛ̃ɛ í ya cea inɛ didɔ̃ nɔ í jɛ dee dee. Aɔ̃ Lafɛ̃ɛ nwa í nɛ araare.

Iri ku kɔ̃ 119:137

Aɔ̃ Lafɛ̃ɛ, awɔi ì jɛ dee dee. Kiitiɛ ŋai à jɛ ntɔ.

Iri ku kɔ̃ 51:14

Jɔ̀ n nɛ inɔ didɔ̃ iyi ǹ nɛ wo na faabam nɔ hunde jiidaɛ ku maa sobim.

Kufita 9:27

Ŋɔi Faraɔ̃ í kpe Moizi do Arɔ̃ɔ í sɔ̃ ŋa í ni, si tuubau ihɛ̃ ǹ ce kurara. Aɔ̃ Lafɛ̃ɛi í jɛ inɛ dee dee, nɔ amu do inɛm ŋa à ce kurara.

Zeremi 12:1

Aɔ̃ Lafɛ̃ɛ, dee dee ku jɛɛ í caa. N kù nɛ n maa n ce kakɔɔ do awɔ. Amma do nŋu fei, ǹ bi n baɛ ide ku fɔ si kiitiɛ ŋa. Inɛ ŋa iyi à jɛ inɛ laalɔ ŋa, mii iyi à waa ce si kuwɛɛ nŋa fei, í ya maa nɛ nŋai dee dee. Na mii. Bɛirei í ce woo zamba inɛ ŋa, aŋa fei à ya maa wɛɛ nŋai do laakai ku sũ.

Zeremi 31:28

Nɔ si bɛi ǹ wɔ njoo si ŋa ǹ tu ŋa, ǹ kɛkɛ ŋa, ǹ lɛgɛ ŋa nɔ ǹ kpa ŋa ku ba n ce nŋa laalɔ, do yaase bɛɛbɛ mɔi an dasi ŋa iju má, n ma ŋa, nɔ n nyi n lɔ ŋa má.

Zeremi 4:17

À waa kaako Zeruzalɛmui bɛi inɛ ŋa iyi à waa degbe iko, domi iluu í kɔ̀si amu Aɔ̃ Lafɛ̃ɛɛ.

Zeremi 44:27

Nsɛi, an dasi ŋa ijui, nɔ iju ku dasim nɔu kù jɛ ti n ce nŋa jiidaɛ, amma laalɔi an jɔ̀ ku naa si ŋa. Inɛ ŋa iyi à wa si ilɛi Ezibitiu fei, igũ do arii á naa si ŋa hee a koo a kpa iri mam mam.

Kukpata 1:5

Mbɛɛɛ ŋa à kãmiaɛ, inɛ ŋa iyi à cóo ŋau à wɛɛò laakai ku sũ, domi Aɔ̃ Lafɛ̃ɛi í dasiɛ inɔ kufɔu na kurara nkpɔ nkpɔɛ ŋa. Mbɛɛɛ ŋau à mu amaɛ ŋa a nɛò ŋa.

Ezekiɛli 16:43

Zeruzalɛmu, si na iyi í jɔ̀ i kù ye gigii mii iyi ǹ ceɛ waatii mudɛ̃ɛɛ, í gbe ì dedeò ide ku kɔ̀, mii iyi amu mɔ an ceɛ wee. An jɔ̀ isɛɛnɛ laalɔɛu ku cuku si iriɛi. Amu Aɔ̃ Lafɛ̃ɛi ǹ fɔ bɛɛbɛ. Mà i kù ce laalɔ ŋa si antaii iwɛ̃ ku tɔɔɛu bɛi.

Daniɛli 4:34

Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.

Daniɛli 9:7

Aɔ̃ Lafɛ̃ɛ, awɔ ì jɛ dee dee, nɔ anyɔi í jɛ ti awa. Ntɔ ntɔ nnyiu ihɛ̃, hai inɛi Zeruzalɛmu ŋa hee do inɛi bommai Zudaa ŋau fei, à wa si anyɔ nla nla. Nɔ bɛɛbɛ mɔi hee do inɛi Izirɛli ŋau fei, hai inɛ ŋa iyi à wa amɛɛ hee do inɛ ŋa iyi à wa hee jĩijĩ ŋau fei. Awɔi ì lele ŋa ì jɔ̀ à koo à wa si ilɛ mmu ŋa bii fei si na iyi í jɔ̀ à ce dulum bi tɛɛ.