Daniɛli 9:13 - Bibeli do fee

¹³ Laalɔu bɛ fei í naa si wai si bɛi à kɔɔ dee dee si woodai Moizi, nɔ awa a kù dɛdɛ bɛi aa ka ce ka sũ laakaii awɔ Aɔ̃ Lafɛ̃ɛ nwa. A kù fũsi laalɔ ku ce nwa ŋau awɔ, nɔ a kù dɛdɛ bɛi aa ka ce ka gbɔ yaasei ntɔ iyi wa naa hai bi tɛɛ.

Daniɛli 9:13 Iomraidhean Croise

Ilaalu 2, 22:16

amu Aɔ̃ Lafɛ̃ɛ an jɔ̀ laalɔ ku naa si iluu do si inɛɛ ŋa si bɛi ide ŋa iyi ilaalui Zudaau í cio si tiau wa fɔ.

Zɔɔbu 36:13

Inɛ laalɔ hai nɛ naanɛ ŋa, idɔ nŋa í ya kɔ̃i, nɔ bii Ilaaɔ̃ í jɔ̀ à dasi wahala, a ci ya tɔɔɛ faaba.

Iri ku kɔ̃ 119:18

Cĩ ijum ŋa ku ba n yɛ jiida ku jɛi woodaɛ ŋa.

Iri ku kɔ̃ 119:27

Jɔ̀ n gbɔ yaasei woodaɛ ŋa ku ba n maa n lasabu si icɛ maamaakeɛ ŋa.

Iri ku kɔ̃ 119:73

Awɔɛ ŋai à cem, aŋai à muum gbugbã. Muum bisi jiida ku ba n gbɔ yaasei woodaɛ ŋa.

Iri ku kɔ̃ 85:4

Ì jɔ̀ idɔɔkɔ̃ɛ í sũ sɛ̃ɛ. Ì jɔ̀ idɔɔkɔ̃ nla nla ku ceɛ si gãmɛ nwa.

Ezai 31:1

Inɔ kufɔi á jɛ ti inɛ ŋa iyi aa bɔ Ezibiti ku ba a ba sobi. Acĩ ŋai à waa kaaba, nɔ naanɛ nŋa í wa si sarɛti ku ja igũ ŋa si na iyi í jɔ̀ à kpɔ, do si masa ŋa, domi à nɛ gbugbã ntɔ ntɔ. Amma a kù sinda ikpa bi Aɔ̃ Lafɛ̃ɛ Inɛ Kumái Izirɛliu, nɔ a kù bee lasabuɛ.

Ezai 42:9

Mii ndii tako ŋa à ce à lɔ tã. Bɛbɛi, idei mii titɔ̃ ŋa iyi á na ku cei ǹ wa n fɔ. Nɔ ǹ wa n sɔ̃ ŋɛi hee ku na ku maa ce.

Ezai 43:22

Aɔ̃ Lafɛ̃ɛ í ni, Zakɔbu, kù jɛ amui ì kpe. zamaai Izirɛli ì gbɛɛji do amui.

Ezai 64:6

Inɛ kãma kù wɛɛ iyi wa kpe iriɛ, nɔ inɛ kãma kù wɛɛ iyi í teese í mu araɛ nɔ í dĩ do awɔ, domi ì sinda wajuɛ hai bi tu wa nɔ ì jɔ̀ à kua gbugbã na kurara nwa ŋau.

Ezai 64:7

Do nŋu fei Aɔ̃ Lafɛ̃ɛ, awɔi ì jɛ baa nwa. Awa à yɛi bɛi amà, nɔ awɔi ì jɛ bɛi woo ma caka. Awa fei icɛi awɔɛ ŋai à jɛ.

Ezai 9:13

Na ŋɔi í jɔ̀ Aɔ̃ Lafɛ̃ɛ á bu irii inɛi Izirɛli ŋau do akpaamu nŋa. Á da amaawɔi kpakpai do njee si ajɔ akã.

Zeremi 2:30

Ǹ kpã ama nŋɛ ŋa ijui si ngbɛ. A kù ce laakai si mii iyi í ba ŋau. Do taakuba nŋɛi ì kpaò walii nŋɛ ŋa, bɛi muusu nla kugaabu.

Zeremi 30:14

Inɛ ŋa iyi à tako à biɛ wo fei, à gbɛjɛ ideɛ, nɔ a kù waa dɛdɛɛ má. Ǹ cãɛi bɛi inɛ í ya cã mbɛɛɛ. Ǹ kpãɛ ijui ntɔ ntɔ na kurara nkpɔ nkpɔɛ ŋau do zaka bɛi kugaabui dulum dɛɛ ŋau à to.

Zeremi 31:18

Ǹ wa n gbɔ inɛi Efaraimu ŋa iyi à waa weewea à waa ni, Aɔ̃ Lafɛ̃ɛ, ì kpã wa iju, nɔ à yɛ ijuukpãui bɛi ama kɛtɛ iyi wa kɔ̀ ide. Amma jɔ̀ a sinda a baa bi titɛɛ ku ba a baa ntɔ ntɔ, domi awɔ Aɔ̃ Lafɛ̃ɛi ì jɛ Lafɛ̃ɛ nwa.

Zeremi 44:23

Wahala iyi wa ba ŋɛ nnyiu ihɛ̃, í naai si na iyi í jɔ̀ ì ya maa cea iwɛ̃ ŋa kuwee ŋa, nɔ ì faa ara nŋɛ taale bi Aɔ̃ Lafɛ̃ɛ ŋa. Ì kɔ̀ ku gbɔ ide iyi wa sɔ̃ ŋɛ nɔ i kù too si ikɔɛ ŋa do woodaɛ ŋa hee do bɛi wa sɔ̃ ŋɛ í ni i ce laakai ŋa fei.

Zeremi 44:27

Nsɛi, an dasi ŋa ijui, nɔ iju ku dasim nɔu kù jɛ ti n ce nŋa jiidaɛ, amma laalɔi an jɔ̀ ku naa si ŋa. Inɛ ŋa iyi à wa si ilɛi Ezibitiu fei, igũ do arii á naa si ŋa hee a koo a kpa iri mam mam.

Zeremi 5:3

Aɔ̃ Lafɛ̃ɛ, mii iyi ì bii í jɛ kuwɛɛ si ntɔ. Wee nsɛi ì kpã ŋa iju, amma kù jɛ nŋa si nkãma. Ì bi i tã do aŋa, amma à kɔ̀ ku gbɔ ide iyi ì waa sɔ̃ ŋa. À lele idɔ nŋa ŋa bɛi kuta, nɔ à kɔ̀ ku nyi wa bi tɛɛ.

Kukpata 5:21

Aɔ̃ Lafɛ̃ɛ, nyiò wa wa bi titɛɛ, nɔ ka nyi wa. Jɔ̀ i kpaasi kuwɛɛ nwa ku yɛ bɛi tako má.

Ezekiɛli 16:43

Zeruzalɛmu, si na iyi í jɔ̀ i kù ye gigii mii iyi ǹ ceɛ waatii mudɛ̃ɛɛ, í gbe ì dedeò ide ku kɔ̀, mii iyi amu mɔ an ceɛ wee. An jɔ̀ isɛɛnɛ laalɔɛu ku cuku si iriɛi. Amu Aɔ̃ Lafɛ̃ɛi ǹ fɔ bɛɛbɛ. Mà i kù ce laalɔ ŋa si antaii iwɛ̃ ku tɔɔɛu bɛi.

Daniɛli 9:11

Inɛi Izirɛli ŋau fei à gbea woodaɛ ŋa nɔ à jĩò ŋa a kù de si itĩ. Na ŋɔi í jɔ̀ ikpe í cuku si wa na idei kugbasi ŋa iyi à kɔ si woodai Moizi woo ce icɛɛ, domi à ce dulum nii bi awɔ Ilaaɔ̃.

Ozee 7:10

Inɛi Izirɛli ŋau, ilu faau ŋai. Faau nŋai í jɛ sɛɛdai kurara nŋa. Inɛi Izirɛli ŋau à kɔ̀ ku nyi wa bi amu Aɔ̃ Lafɛ̃ɛ nŋa. Baa do mii ŋa iyi í ba ŋau bɛ fei, a kù dɛdɛɛm.

Ozee 7:14

A ci ya dɔ̃ anu wa ikpa bi tom do idɔ nŋa fei. Amma à ya maa dɔ̃ anui si antaii daayi nŋa. À ya tɔtɔɔi ku ba a ba bilee do vɛ̃ɛ, nɔ à ya maa jĩim nii.

Ozee 7:7

Aŋa fei à ya maa gbãai bɛi inai bi ku sɔ̃ pɛ̃ɛ, nɔ à ya ce nfei inɛ ngbo nŋa ŋaui. Ilaalu nŋa ŋau mɔ à ya maa cukui akã akã, nɔ kãma nŋa ci ya kpem.

Luku 24:45

Ŋɔi í mu nŋa laakai jiida ku ba a gbɔ yaasei kukɔi idei Ilaaɔ̃u.

Laabaau jiida iyi Zãa í kɔ 10:35

Nɔ Jesu í sɔ̃ ŋa má í ni, à mà iyi kukɔi idei Ilaaɔ̃ ntɔi wa fɔ do ajɔ fei. To, si ideu ihɛ̃ Ilaaɔ̃ takaɛ wa kpe inɛ ŋa iyi à gbɔ ideɛu Ilaaɔ̃, mà irei.

Laabaau jiida iyi Zãa í kɔ 6:45

Inɛ akãi walii ŋau í kɔ í ni, Ilaaɔ̃ takaɛi á na ku kɔ inɛ fei si cio. Nɔ bɛɛbɛi inɛ iyi í gbɔ idei Baaba fei nɔ í jirima cioɛ lafɛ̃ɛ á naa bi tom.

Laabaau jiida iyi Zãa í kɔ 8:32

Aa mà ntɔ ŋa nɔ ntɔu á jɔ̀ i nɛ ara nŋɛ.

Efɛɛzu 4:21

Ǹ nɔ ǹ mà kãm kãm iyi ì gbɔ ideɛ ŋa, nɔ à kɔ ŋɛ si ntɔ iyi í wa siɛ.

Wooda ku kɔsi 29:4

Í gbã ŋɛi si gbaau adɔ̃ ciiji, nɔ jĩnɛ ku dasi nŋɛ ŋa do baata nŋɛ ŋa a kù gbo.

Zaaki 1:5

Do nŋu fei bii bisi í na wa gaizia inɛ akã nŋɛ gɔ, ku tɔɔ Ilaaɔ̃, nŋu iyi í ya mua inɛ fei do inɔ akã hai nɛ kugbagba.