Daniɛli 9:12 - Bibeli do fee

¹² Ide iyi ì fɔ si gãmɛ nwa do si gãmɛi inɛ ngbo ŋa iyi à gbã wau, ì jɔ̀ í ce. Ì jɔ̀ laalɔ nla nla iyi a kù yɛ dimiɛ ajɔ kãma si andunyau ihɛ̃ í naa si Zeruzalɛmu.

Daniɛli 9:12 Iomraidhean Croise

Ilaalu 1, 3:9

Na nŋu, muum bisi iyi an gbãò zamaaɛ ku ba n mà iyi á jɛ nŋa jiida walakɔ laalɔ. Bii kù jɛ bɛɛbɛ, yooi á yɔkɔ ku gbã zamaaɛ si bɛi akpɔu í la.

Ilaalu 2, 22:16

amu Aɔ̃ Lafɛ̃ɛ an jɔ̀ laalɔ ku naa si iluu do si inɛɛ ŋa si bɛi ide ŋa iyi ilaalui Zudaau í cio si tiau wa fɔ.

Zɔɔbu 12:17

Nŋui í ya jɔ̀ a mu woo kɔ ilaalu ŋa si bisi aru a maa nɛò ŋa kutɛ ngbɛ, nɔ nŋui í ya fɔtɔtɔi laakaii woo mu ilɛ ŋa.

Iri ku kɔ̃ 148:11

Iŋɛ ilaalu ŋa do inɛi andunya ŋa fei, iŋɛ amanlu ŋa do woo kiiti ŋa fei, i saabuɛ ŋa.

Iri ku kɔ̃ 2:10

Na nŋu, iŋɛ ilaalu ŋa i ce lasabu ku ce ncɛɛ si mii iyi aa ce ŋa. I ce laakai si ideu ihɛ̃, iŋɛ inɛ ngboi ilɛ ŋau fei.

Mɔnda ŋa 8:16

Do saabum nii inɛ ngbo ŋa do ilu jirima ŋa do woo kiiti ilɛ ŋa fei à waa muò ilɛu.

Ezai 43:28

Na ŋɔi í jɔ̀ ǹ dasi ilaalu ŋa iyi ǹ nya ikã ŋau anyɔ nɔ ǹ jɔ̀ zamaai Zakɔbuu í dasi nfe ku ce. Ǹ fũsi Izirɛli awɔ, ǹ jɔ̀ mbɛɛɛ ŋa à wasi ku buu.

Ezai 44:26

Amui ǹ ya n jɔ̀ idei woo ce icɛm ku ce, nɔ mii ŋa iyi woo bɛm ŋa à fɔ à jilɛ, ǹ ya n jɔ̀ ku cei dee dee. Amui ǹ fɔ si gãmɛi Zeruzalɛmu ǹ ni, zamaa nkpɔ nkpɔi á nyi wa ku naa ku buba bi titɛɛ, nɔ bɛɛbɛ mɔi á jɛ do ilui Zudaa ŋau mɔ. Aa teese a ma ŋai, nɔ a dede idĩ nŋa ŋau.

Zeremi 30:7

Irei ì gbɔ inɔ kufɔ. Ajɔu bɛ ajɔ nla nlai. Ajɔ mmu kãma kù yɛ bɛɛbɛ má. Waatii inɔ kufɔi ti tɔkui Zakɔbu ŋa, amma do nŋu fei aa fita si mbɛ ide kãma kaa wa si.

Zeremi 32:23

À naa nɔ à na à buba si í jɛ tu ŋa. Amma a kù gbɔ ide ku fɔɛ, nɔ a kù jirima woodaɛ. A kù ce mii ŋa iyi ì sɔ̃ ŋa ì ni a ce fei. Nɔ na ŋɔi í jɔ̀ ì jɔ̀ wahala ŋau ihɛ̃ fei à naa si ŋa.

Zeremi 39:16

koo ba Ebɛdi-Melɛki inɛi Etiopiu i sɔ̃ɔ i ni, amu Aɔ̃ Lafɛ̃ɛi inɛi Izirɛli ŋau, amu iyi ǹ taka lele do ilɛ, ǹ fɔ wo ǹ ni, laalɔi á na ku ba iluu ihɛ̃, kaa jɛ jiida. Nsɛi, an jɔ̀ laalɔu ku to wa. Fei ndɛɛ á na ku cei ijuɛ ku yɔɔ.

Zeremi 44:23

Wahala iyi wa ba ŋɛ nnyiu ihɛ̃, í naai si na iyi í jɔ̀ ì ya maa cea iwɛ̃ ŋa kuwee ŋa, nɔ ì faa ara nŋɛ taale bi Aɔ̃ Lafɛ̃ɛ ŋa. Ì kɔ̀ ku gbɔ ide iyi wa sɔ̃ ŋɛ nɔ i kù too si ikɔɛ ŋa do woodaɛ ŋa hee do bɛi wa sɔ̃ ŋɛ í ni i ce laakai ŋa fei.

Kukpata 1:12

Iŋɛ iyi ì ya maa too do ihɛ̃, laalɔu ihɛ̃ kù ba ŋɛ. I cɔ, nɔ aa yɔɔ ŋa iyi wahala gɔ kù wɛɛ iyi í yɛ bɛi dimi iyi í bam nɔu ihɛ̃. Aɔ̃ Lafɛ̃ɛ í jɔ̀ wahala í bam nii, si ajɔ iyi idɔɔkɔ̃ nla nlaɛu í dede.

Kukpata 2:13

Ide yoomai an sɔ̃ɛ má. Yooi an wãɛ do, Zeruzalɛmu. Yooi an ni í jɛ saaɛ. Nɔ ide yoomai an sɔ̃ɛ Siɔ̃ɔ n tũò idɔɛ. Wahalaɛu í lai bɛi kulai tenku. Yooi á yɔkɔ ku jɔ̀ i ba iri.

Kukpata 2:17

Aɔ̃ Lafɛ̃ɛ í ce mii iyi í dasi idɔ ku ceu, í jɔ̀ ide iyi í fɔ hai ku kpɛu í kɔ̃. Í lɛgɛ Zeruzalɛmui mam mam kù ce araareɛ, í jɔ̀ í jɛ dɔ̃anyi bi mbɛɛ ŋa, nɔ í kɔ̃ɔsi gbugbãi faaui mbɛɛɛ ŋau.

Kukpata 4:6

Kurarai inɛm ŋau í la í re baa dulum dii inɛi ilui Sodomu ŋa iyi Aɔ̃ Lafɛ̃ɛ í jɔ̀ í ce nfe si iju kãmɛɛ akã, awɔi inɛ gɔ kù wa siu.

Ezekiɛli 13:6

Kuyɛ ŋa iyi à ya maa ceu, lasabui idɔ nŋai nɔ ide nŋa fei iboi. À ya maa ni amu Aɔ̃ Lafɛ̃ɛi ǹ ba aŋa ide ku fɔ wa. Wee kù jɛ amui ǹ bɛ ŋa. Do nŋu fei, à waa cɔ kpãai n jɔ̀ ide nŋa ŋau ku ce.

Ezekiɛli 5:9

Mii iyi n kù ce nŋa ajɔ kãma, nŋui an ce nŋa na laalɔ ku ce nŋa ŋau, nɔ n kaa n ce dimiɛ má ajɔ kãma.

Daniɛli 12:1

Ŋɔi amalekau í bam ide ku fɔ má í ni, si waatiu bɛi Misɛli inɛ ngboi amaleka ŋau á faata wa, nŋu iyi í jɛ inɛ iyi á kɔ̀ò zamaaɛu. Waatiu, waatii wahalai á jɛ iyi a kù yɛ dimiɛ bii kãma hee ku naa si waatiu bɛ. Si waatiu bɛ, inɛɛ ŋa iyi à kɔ iri nŋa si tiai kuwɛɛu fei, aa ba a fita si.

Zoɛli 2:2

Ajɔu ajɔi ilu kuku nla nlai. Ajɔu kudũi ijĩi í biiɛ, nɔ ilu kuku nla nlai í ce. Ajɔ nŋu zamaa nla nla ku nɛ gbugbã gɔi á naa bɛi inya kumái amɛɛjuumá iyi í fangaa si antaii iri kuta ŋau. Zamaau a kù yɛ dimiɛ titã, nɔ a kaa yɛ dimiɛ ajɔ kãma má. Nɔ baa tɔku ŋa iyi aa na a dede hee do waju fei, a kaa yɛ dimiɛ ajɔ kãma.

Amɔsu 3:2

Si dimii inɛi andunya ŋa fei iŋɛ akãi ǹ cica. Na ŋɔi í ce an bee ŋɛ ide si gãmɛi laalɔ iyi ì ce fei ŋa.

Zakari 1:6

Do nŋu fei, idem ŋa do wooda ŋa iyi ǹ sɔ̃ walii woo ce icɛm ŋa a sɔ̃ ŋa à to si ŋa nɔ à ce si ŋa icɛ. À jɔ à kpaasi idɔ à mà iyi kuce laalɔ nŋa í to amu Aɔ̃ Lafɛ̃ɛi lele do ilɛ ǹ jɔ̀ ijuukpã ku naa si ŋa bɛi ǹ tako ǹ sɔ̃ ŋau.

Zakari 1:8

Í ni, idũ ajɔ nŋu ǹ ce kuyɛ. Ǹ yɛ masa gɔ wa gũ acĩ nkpa wa leekĩ si lɔɔma gɔ si inɔ jĩi ndii miitu ŋa. Nɔ acĩ gɔ ŋa mɔ à waa leekĩ do anyiɛ. Acĩ nkpa ŋa, do nkpa nkpa ŋa do fũfũ ŋa.

Zakari 7:12

À le idɔ nŋai bɛi kuta ku ba a maa gbɔ idei wooda iyi Aɔ̃ Lafɛ̃ɛ wa sɔ̃ ŋa wo. Ideu bɛ, hundeɛi í sɔ̃ walii ŋa a sɔ̃ inɛ ŋau hai ku kpɛ. Si na iyi í jɔ̀ a kù gbɔ ideɛ, ŋɔi idɔɛ í kɔ̃ ntɔ ntɔ.

Matie 24:21

Ntɔ ntɔ, waati bɛɛbɛ wahala nla nlai á naa iyi a kù yɛ dimiɛ hai sintei andunya hee do nnyi, nɔ a kaa ka yɛ dimiɛ má hee do ajɔ fei.

Matie 5:18

Ntɔ ntɔ, hee lele do ilɛ koo tãò, baa wasalii wooda keeke akã kaa gaizia, í gbe fei ndɛɛ ku kɔ̃i.

Maaku 13:19

Ntɔ ntɔ, ajɔ nŋu wahala nla nlai á naa iyi a kù yɛ dimiɛ hai sinte waati iyi Ilaaɔ̃ í taka andunya hee ku baa nsɛi. Nɔ a kaa ka yɛ dimiɛ má hee do ajɔ fei.

Luku 21:22

Ntɔ ntɔ, waatiu á jɛ waati iyi Ilaaɔ̃ á kpã inɛ ŋa iju ku sã gbese ku ba mii iyi à fɔ si kukɔi ideɛ ku kɔ̃.

Romu 15:8

Ǹ wa n sɔ̃ ŋɛi iyi Kirisi nŋui í baa í jɛ woo ce icɛi Zuifu ŋau ku ba ide iyi à wãò bala nŋa ŋau ku kɔ̃, nɔ ku nyisiò iyi Ilaaɔ̃i í jɛ ilu ntɔ.