Daniɛli 9:11 - Bibeli do fee

¹¹ Inɛi Izirɛli ŋau fei à gbea woodaɛ ŋa nɔ à jĩò ŋa a kù de si itĩ. Na ŋɔi í jɔ̀ ikpe í cuku si wa na idei kugbasi ŋa iyi à kɔ si woodai Moizi woo ce icɛɛ, domi à ce dulum nii bi awɔ Ilaaɔ̃.

Daniɛli 9:11 Iomraidhean Croise

Ilaalu 2, 18:12

Aɔ̃ Lafɛ̃ɛ í jɔ̀ à mu ŋa aru si na iyi í jɔ̀ a kù jirima ideɛ ŋa nɔ à kua akabuu iyi aŋaò ŋa à dĩu. A kù gbɔ idei Moizi woo ce icɛi Aɔ̃ Lafɛ̃ɛu hee a ceò icɛ.

Ilaalu 2, 22:16

amu Aɔ̃ Lafɛ̃ɛ an jɔ̀ laalɔ ku naa si iluu do si inɛɛ ŋa si bɛi ide ŋa iyi ilaalui Zudaau í cio si tiau wa fɔ.

Ezai 1:3

Kɛtɛ í ya mà lafɛ̃ɛɛ, nɔ gbankɛlɛ mɔ í ya mà lafɛ̃ɛɛ iyi í ya náa sɔnda. Amma inɛi Izirɛli ŋa a kù mà nkãma. Zamaam nɔu kù waa gbɔ yaasei nkãma.

Ezai 43:28

Na ŋɔi í jɔ̀ ǹ dasi ilaalu ŋa iyi ǹ nya ikã ŋau anyɔ nɔ ǹ jɔ̀ zamaai Zakɔbuu í dasi nfe ku ce. Ǹ fũsi Izirɛli awɔ, ǹ jɔ̀ mbɛɛɛ ŋa à wasi ku buu.

Zeremi 16:11

Waati bɛɛbɛ, aa jɛ nŋai i ni, Aɔ̃ Lafɛ̃ɛ í ni, bala nŋɛ ŋai à fũsim awɔ à koo à waa tɔɔ iwɛ̃ ŋa nɔ à waa sɛɛbata nŋa. À sinda à toom anyii nɔ a kù ceò woodam ŋa icɛ.

Zeremi 2:29

Amu Aɔ̃ Lafɛ̃ɛ ǹ ni, mii í ce ì waa yɛ taalem ŋa. Iŋɛ fei ì dedeò ide ku kɔ̀ ŋai si wajum.

Zeremi 30:14

Inɛ ŋa iyi à tako à biɛ wo fei, à gbɛjɛ ideɛ, nɔ a kù waa dɛdɛɛ má. Ǹ cãɛi bɛi inɛ í ya cã mbɛɛɛ. Ǹ kpãɛ ijui ntɔ ntɔ na kurara nkpɔ nkpɔɛ ŋau do zaka bɛi kugaabui dulum dɛɛ ŋau à to.

Zeremi 32:23

À naa nɔ à na à buba si í jɛ tu ŋa. Amma a kù gbɔ ide ku fɔɛ, nɔ a kù jirima woodaɛ. A kù ce mii ŋa iyi ì sɔ̃ ŋa ì ni a ce fei. Nɔ na ŋɔi í jɔ̀ ì jɔ̀ wahala ŋau ihɛ̃ fei à naa si ŋa.

Zeremi 40:3

Nsɛi wee Aɔ̃ Lafɛ̃ɛ í jɔ̀ ide iyi í tako í fɔ si gãmɛ nŋɛu í naa si ŋɛ. Í ce bɛɛbɛi si na iyi í jɔ̀ ì ce dulum bi Aɔ̃ Lafɛ̃ɛ nɔ i kù jɛ ideɛ ku gbɔ ŋa. Na ŋɔi í jɔ̀ ide iyi í fɔu fei í ba ŋɛ.

Zeremi 44:22

Ntɔ ntɔ Aɔ̃ Lafɛ̃ɛ kù yɔkɔ kù temuaò kuce hai nɛ bɛɛrɛ nŋɛ ŋa. Na ŋɔi í jɔ̀ ilɛ í ce nfe í baa í kpɔò bomma nɔ í jɛ yaase iyi aa so bii à waa bi a ceekpe inɛ gɔ, nɔ inɛ kãma kù wa si inɔ iluu. Ŋɔi í jɔ̀ ì waa yɔɔ bɛ ihɛ̃ nnyiu bɛ ŋa.

Zeremi 44:23

Wahala iyi wa ba ŋɛ nnyiu ihɛ̃, í naai si na iyi í jɔ̀ ì ya maa cea iwɛ̃ ŋa kuwee ŋa, nɔ ì faa ara nŋɛ taale bi Aɔ̃ Lafɛ̃ɛ ŋa. Ì kɔ̀ ku gbɔ ide iyi wa sɔ̃ ŋɛ nɔ i kù too si ikɔɛ ŋa do woodaɛ ŋa hee do bɛi wa sɔ̃ ŋɛ í ni i ce laakai ŋa fei.

Zeremi 6:19

Iŋɛ inɛi andunya ŋa i sotĩ i gbɔ ŋa. Wee ǹ wa n naaò laalɔ wa si inɛm ŋau ihɛ̃, nŋui á jɛ ribai lasabu laalɔ nŋau domi à kɔ̀ ku gbɔ idem ŋa, à kɔ̀ ku jirima woodam ŋa.

Daniɛli 9:13

Laalɔu bɛ fei í naa si wai si bɛi à kɔɔ dee dee si woodai Moizi, nɔ awa a kù dɛdɛ bɛi aa ka ce ka sũ laakaii awɔ Aɔ̃ Lafɛ̃ɛ nwa. A kù fũsi laalɔ ku ce nwa ŋau awɔ, nɔ a kù dɛdɛ bɛi aa ka ce ka gbɔ yaasei ntɔ iyi wa naa hai bi tɛɛ.

Daniɛli 9:5

Awa à kua woodaɛ ŋa, à ce dulum nɔ à baa à jɛ ilu taale ŋa. À dedeò ide ku kɔ̀ siɛ, nɔ à sinda à toa ideɛ do woodaɛ ŋa anyi.

Zakari 1:6

Do nŋu fei, idem ŋa do wooda ŋa iyi ǹ sɔ̃ walii woo ce icɛm ŋa a sɔ̃ ŋa à to si ŋa nɔ à ce si ŋa icɛ. À jɔ à kpaasi idɔ à mà iyi kuce laalɔ nŋa í to amu Aɔ̃ Lafɛ̃ɛi lele do ilɛ ǹ jɔ̀ ijuukpã ku naa si ŋa bɛi ǹ tako ǹ sɔ̃ ŋau.

Zakari 7:12

À le idɔ nŋai bɛi kuta ku ba a maa gbɔ idei wooda iyi Aɔ̃ Lafɛ̃ɛ wa sɔ̃ ŋa wo. Ideu bɛ, hundeɛi í sɔ̃ walii ŋa a sɔ̃ inɛ ŋau hai ku kpɛ. Si na iyi í jɔ̀ a kù gbɔ ideɛ, ŋɔi idɔɛ í kɔ̃ ntɔ ntɔ.

Zakari 8:13

Iŋɛ inɛi Zudaa do inɛi Izirɛli ŋa, si inɔi dimi mmu ŋa, ì yɛ ŋai bɛi inɛ ŋa iyi à ceekpe wo, amma bɛbɛi, an faaba ŋɛ nɔ aa ba kuwee ŋa. I maà ce njo má. I dasi kookaai ŋa.

Wooda ku kɔsi 8:20

Aa ku ŋai bɛi inɛi ilɛ ŋa iyi Aɔ̃ Lafɛ̃ɛ á kpa si waju nŋɛ ŋau, si na iyi í jɔ̀ i kù gbɔ ide ku fɔi Aɔ̃ Lafɛ̃ɛ nŋɛ ŋa.