Daniɛli 9:10 - Bibeli do fee

¹⁰ A kù de itĩ a kù gbɔ idei awɔ Aɔ̃ Lafɛ̃ɛ nwa ku ba ka too si woodaɛ ŋa iyi ì jɔ̀ walii woo ce icɛɛ ŋau à sɔ̃ wa.

Daniɛli 9:10 Iomraidhean Croise

Ilaalu 2, 18:12

Aɔ̃ Lafɛ̃ɛ í jɔ̀ à mu ŋa aru si na iyi í jɔ̀ a kù jirima ideɛ ŋa nɔ à kua akabuu iyi aŋaò ŋa à dĩu. A kù gbɔ idei Moizi woo ce icɛi Aɔ̃ Lafɛ̃ɛu hee a ceò icɛ.

Zeremi 16:11

Waati bɛɛbɛ, aa jɛ nŋai i ni, Aɔ̃ Lafɛ̃ɛ í ni, bala nŋɛ ŋai à fũsim awɔ à koo à waa tɔɔ iwɛ̃ ŋa nɔ à waa sɛɛbata nŋa. À sinda à toom anyii nɔ a kù ceò woodam ŋa icɛ.

Zeremi 32:23

À naa nɔ à na à buba si í jɛ tu ŋa. Amma a kù gbɔ ide ku fɔɛ, nɔ a kù jirima woodaɛ. A kù ce mii ŋa iyi ì sɔ̃ ŋa ì ni a ce fei. Nɔ na ŋɔi í jɔ̀ ì jɔ̀ wahala ŋau ihɛ̃ fei à naa si ŋa.

Daniɛli 9:6

A kù de itĩ si idei walii woo ce icɛɛ ŋa, aŋa iyi ì sɔ̃ ideɛ nɔ ì jɔ̀ à sɔ̃ ilaalu nwa ŋa do inɛ ngbo nwa ŋa do bala nwa ŋa hee do zamaai ilɛu fei.

Ebɛɛ 1:1

Tako bala nwa ŋa à gbɔ ide ku fɔi Ilaaɔ̃i hai si gɛlɛi waliiɛ ŋa isɛ fɛɛfɛlo si kpãa ikã ikã.