Daniɛli 8:8 - Bibeli do fee

⁸ Iwo kombou í na í la ntɔ ntɔ, amma waati iyi í na í nɛ gbugbã bɛɛbɛ, ngoɛ í cɛ. Ŋɔi ngo ku nɛ gbugbã mɛɛ gɔ ŋa à fita si agbɛɛ à waa cɔ hai do ikpa bii fufui gonta mɛɛi lele ŋau à waa naa.

Daniɛli 8:8 Iomraidhean Croise

Bomma 2, 26:16

Amma waati iyi í ba gbugbã, ŋɔi í so araɛ lele í kua woodai Aɔ̃ Lafɛ̃ɛ. Nɔ iyi bɛ í dasiɛ nfe ku ce. Ajɔ nŋu gɔ í lɔ hee inɔ kpasɛ̃i Aɔ̃ Lafɛ̃ɛ koo jo tuae si bi kuweei tuaeu.

Ɛsitɛɛ 9:4

Maadosee í nɛ gbugbã si inɔ kpasɛ̃i ilaaluu, nɔ iriɛ í bɔ bii fei si ilɛu si na iyi í jɔ̀ gbugbãɛ í la wa kɔ̃ɔsi.

Zeremi 49:36

Nɔ an jɔ̀ hai gonta mɛɛi andunyau, fufu ku naa si Elamu wa. An fangaa inɛi Elamu ŋaui bii fei. Inɛi Elamu ŋa aa sa a koo a manjii si andunya fei.

Zeremi 5:27

Bɛi bii kaika í kɔ̃ò yɛi ŋa í ya yɛ, bɛɛbɛi ile nŋa ŋa à kɔ̃ò asoi ile. Bɛɛbɛi à ce à baò gbugbã à jɛ ilu fia ŋa.

Ezekiɛli 16:7

Ǹ jɔ̀ ì dede ì la bɛi jĩi si inɔ iko. Ì waa nɛ baani nɔ ì baa ì sĩa ì re inɛ fei. Amɔɛ ŋa à la nɔ ntoɛ ŋa à waa la, amma basĩi ì wɛɛ popoopo.

Ezekiɛli 28:9

Waati iyi aa naa ku kpaɛ, aa jɛ i ni awɔ Ilaaɔ̃i? Aawo, awɔ amanɛi. I kù jɛ Ilaaɔ̃ si awɔi inɛ ŋa iyi à waa kpaɛ.

Daniɛli 11:4

Waati iyi á na ku dedeu, bommaɛu á lɛgɛi nɔ ku kpɛ̃ ikɔ mɛɛ bɛi fufu iyi wa naa hai bii fei. Bommau kaa jɛ ti tɔkuɛ ŋa, nɔ kaa nɛ gbugbã má bɛi í tako í nɛu wo, domi aa wu icãi bommaui nɔ ku baa ku jɛ ti inɛ mmu ŋa, aŋa a kaa ba má.

Daniɛli 4:31

Si iri ku kpai adɔ̃ mɛɛjeu, ŋɔi amu Nebukanɛsaa ǹ wu iju ikpa lelei Aɔ̃, nɔ laakai jiida í baa sim. Ŋɔi ǹ saabu Ilaaɔ̃ nŋu iyi í wa hee lele nɔ kuwɛɛɛ kù nɛ kɔɔu. Ǹ wa n cũu, nɔ ǹ lɔsi ku fɔ idei bɛɛrɛɛ. Ntɔ ntɔ gbugbãi bommaɛ kù nɛ kɔɔ. Nŋui í jɛ ilaalu, nɔ bommaɛ á maa wɛɛi hee do ajɔ fei.

Daniɛli 5:20

Amma waati iyi í naa í dedeò faau nɔ í lele idɔɛ hee í baa í nɛ yaako ntɔ ntɔ si idɔɛu, à kɛkɛɛ hai si kitãi bommaɛu nɔ í kua bɛɛrɛɛu mɔ.

Daniɛli 7:2

Daniɛli í ni, si kuyɛ iyi ǹ ce idũu, ǹ yɛ fufu wa naa hai bii fei wa yaga tenku nlau.

Daniɛli 7:6

Si anyii nŋu, ǹ yɛ mmuɛ gɔ má iyi í yɛ bɛi muãa, nɔ nŋu mɔ í nɛ ikpai yɛi mɛɛ si anyiɛ. Mɛɛmuu í nɛ iri mɛɛ nɔ í ba gbugbã iyi á kãmia andunyau.

Daniɛli 8:22

Mɛɛ ŋa iyi à fita si agbɛi iyi í cɛu bɛ mɔ, bomma mɛɛ gɔ ŋai iyi aa na a dede hai si bommau bɛ, amma gbugbã nŋa kaa too.

Daniɛli 8:5

Waati iyi ǹ wasi ku lasabu si mii iyi ǹ wa n yɛu, iwo kombo gɔ í faata wa hai ikpa nunui alɛ. Iwo kombou í koo í dabii si ilɛu fei, nɔ kù yɛ kɔɔɛ. Ngo iyi iwo kombou í nɛ si afei ijuɛ ŋa í to njo.

Daniɛli 8:7

Iyi ǹ wa n cɔɔ, ǹ ba wee í nɛ í bɔ kɔkɔi angudã kombou nɔ idɔɛ í kɔ̃ siɛ. Ŋɔi í cã angudã kombou í cɛ ngo minjiɛ ŋau, angudãu kù yɔkɔ kù kɔ̀ ide kãma si wajuɛ. Ŋɔi í cãa í nyɔɔ ilɛ bɛ í jojo siɛ, nɔ inɛ kãma kù yɔkɔ kù faaba angudã kombou.

Matie 24:31

Kãakãakĩ nla nla á dɔ̃ anu nɔ n bɛ amalekam ŋa wa si andunya gonta mɛɛu. Aŋai aa tɔtɔɔ inɛ ŋa iyi ǹ cica si andunyau fei.

Maaku 13:27

Si anyii nŋu, an bɛ amaleka ŋa wa si andunya gonta mɛɛu. Aŋai aa bɔ bii fei a tɔtɔɔ inɛ ŋa iyi ǹ cicau. Aa tɔtɔɔ ŋa si andunyau fei.

Wooda ku kɔsi 31:20

An gbã zamaai Izirɛliui n lɔòɛ si ilɛ iyi ǹ cea bala nŋa ŋa kuwãɛ do kugbasi bii amɔ do nyikɔ̃ wa kɔ̃. Tengi bɛ, aa ba a jɛ hee a yo, nɔ aa maa wa si ididɔ̃. Aa na a sinda si iwɛ̃ ŋa a maa tɔɔ ŋa. Aa na a dondam nii nɔ aa fũ akabuu iyi í wa si gãmɛi awaò ŋa.

Kuyɛi Zãa 7:1

Si anyii nŋu, ǹ yɛ amaleka mɛɛ gɔ ŋa à waa leekĩ si andunya gonta mɛɛ, à waa ganji fufui andunya gonta mɛɛu ku ce si ilɛ do si tenku nɔ ku maà yaga jĩi gɔ.