Daniɛli 8:7 - Bibeli do fee

⁷ Iyi ǹ wa n cɔɔ, ǹ ba wee í nɛ í bɔ kɔkɔi angudã kombou nɔ idɔɛ í kɔ̃ siɛ. Ŋɔi í cã angudã kombou í cɛ ngo minjiɛ ŋau, angudãu kù yɔkɔ kù kɔ̀ ide kãma si wajuɛ. Ŋɔi í cãa í nyɔɔ ilɛ bɛ í jojo siɛ, nɔ inɛ kãma kù yɔkɔ kù faaba angudã kombou.

Daniɛli 8:7 Iomraidhean Croise

Daniɛli 11:11

Idɔi ilaalui awɔ cangai kpãai inunuu á kɔ̃i ntɔ ntɔ, nɔ á bɔ igũi si ilaalui awɔ njɛi kpãai inunuu. Ilaalui awɔ njɛi kpãai inunuu á tɔtɔɔ sooge ŋai bututu, amma ilaalui awɔ cangai kpãai inunuu á jɔɔ igũ.

Daniɛli 7:12

Nɔ gbugbãi mɛɛmu iyi ihɔ̃ ŋau mɔ í kpa iri, amma do nŋu fei aa yɔkɔ a maa wɛɛ si hunde hee koo toò waati iyi à jɔ̀ nŋau.

Daniɛli 7:7

Si anyiɛ, si kuyɛ ŋa iyi ǹ ce idũu, ǹ yɛ mɛɛmu mɛɛsia kugaabu gɔ iyi á mu inɛ njo, nɔ gbugbãɛ í ce dimi ikã ntɔ ntɔ. Inyíɛ ŋa do isɔi à coo nla nla. Í ya ŋɔ inɛi nɔ ku ga mii iyi í ba fei. Mii iyi kù waa ŋɔ, í ya tɛɛsɛɛi do kutɛɛ ŋa kú lɛgɛɛ. Inɛ nŋu í nya ikã do mɛɛmu sinte mɛɛta ŋau, nɔ í nɛ ngo mɛɛwa.

Daniɛli 8:10

Nɔ í dedeò ide ku kɔ̀ si gãmɛi inɛi lelei Aɔ̃ ŋau. Í cã inɛ gɔ ŋa í nyɔ ŋa wa ilɛ do leleaɔ̃ gɔ ŋa, nɔ í tɛɛsɛ ŋa bugu bugu.

Daniɛli 8:6

Ŋɔi í nɛ wa bɔ bi angudã kombo iyi í nɛ ngo minji iyi ǹ yɛ wa leekĩ kɔkɔi itĩi idou. Í sɛi wa koo siɛi do gbugbã nla nlaɛ.

Daniɛli 8:8

Iwo kombou í na í la ntɔ ntɔ, amma waati iyi í na í nɛ gbugbã bɛɛbɛ, ngoɛ í cɛ. Ŋɔi ngo ku nɛ gbugbã mɛɛ gɔ ŋa à fita si agbɛɛ à waa cɔ hai do ikpa bii fufui gonta mɛɛi lele ŋau à waa naa.

Kuwee 26:37

Aa ya maa kosi njɛ isɛi bɛi inɛ ŋa iyi à waa saa mbɛɛ ŋa, baa bii inɛ gɔ kù waa lele ŋa. A kaa yɔkɔ a leekĩ si wajui mbɛɛ ŋa pai.

Zozue 8:20

Ŋɔi inɛi ilui Ai ŋau à sinda à cɔ do anyi nɔ à yɛ cua í dede si inɔ ilu nŋau hee lele, nɔ a kù nɛ bii kãma bii aa sa a bɔ má. Nɔ inɛi Izirɛli ŋa iyi à sa à waa nɛ ikpa gbaau aŋa mɔ à yɛ cua í dede si inɔ iluu. Iyi à yɔɔ bɛɛbɛ ŋɔi à mà iyi inɛ ŋa iyi à waa manjiu à to iluu awɔi. Ŋɔi à sinda si inɛi Ai ŋau wa.