Daniɛli 8:5 - Bibeli do fee

⁵ Waati iyi ǹ wasi ku lasabu si mii iyi ǹ wa n yɛu, iwo kombo gɔ í faata wa hai ikpa nunui alɛ. Iwo kombou í koo í dabii si ilɛu fei, nɔ kù yɛ kɔɔɛ. Ngo iyi iwo kombou í nɛ si afei ijuɛ ŋa í to njo.

Daniɛli 8:5 Iomraidhean Croise

Daniɛli 11:3

Amma ilaalu kaasãanɛ gɔ á na ku dede. Bommaɛu á nɛ gbugbãi nla nla, nɔ bɛi í bi fei, bɛɛbɛi á ce.

Daniɛli 2:32

Irii mii iyi à gbeu, à cooi do wura alala. À ce gɛndɛɛ do ikpaɛ ŋa mɔi do isɔ nkpa. Inɔɛ do itãɛ ŋa mɔ, do isɔ nkpa.

Daniɛli 2:39

Si anyiɛ, bomma mmu gɔ á naa iyi kaa toɛ do gbugbã. Si anyiɛ, bomma mɛɛtasia gɔ á naa, nŋui á jɛ bɛi isɔ nkpau, nɔ á fangaai si andunya fei.

Daniɛli 7:6

Si anyii nŋu, ǹ yɛ mmuɛ gɔ má iyi í yɛ bɛi muãa, nɔ nŋu mɔ í nɛ ikpai yɛi mɛɛ si anyiɛ. Mɛɛmuu í nɛ iri mɛɛ nɔ í ba gbugbã iyi á kãmia andunyau.

Daniɛli 8:21

Iwo kombo ku nɛ ntou bɛ mɔ, ilaalui Gɛrɛsi mbɛ. Ngo nla nla iyi í wa si afei ijuɛu mɔ, ilaalu sinteu mbɛ.

Daniɛli 8:6

Ŋɔi í nɛ wa bɔ bi angudã kombo iyi í nɛ ngo minji iyi ǹ yɛ wa leekĩ kɔkɔi itĩi idou. Í sɛi wa koo siɛi do gbugbã nla nlaɛ.

Daniɛli 8:8

Iwo kombou í na í la ntɔ ntɔ, amma waati iyi í na í nɛ gbugbã bɛɛbɛ, ngoɛ í cɛ. Ŋɔi ngo ku nɛ gbugbã mɛɛ gɔ ŋa à fita si agbɛɛ à waa cɔ hai do ikpa bii fufui gonta mɛɛi lele ŋau à waa naa.