Daniɛli 8:4 - Bibeli do fee

⁴ Ŋɔi ǹ yɛ angudãu wa cã ngoɛ ŋa do ikpa nunui alɛ, nɔ wa cã ngoɛ ŋau má do ikpa awɔ njɛi kpãai inunu, si anyiɛ, nɔ wa cã ngoɛ ŋau má do ikpa awɔ cangai kpãai inunu. Mɛɛmu kãma kaa jɛ ku kɔ̀ ide si wajuɛ, nɔ inɛ kãma kaa yɔkɔ ku faaba inɛ gɔ hai si awɔ gbugbãɛ. Mii iyi í bii í ya ce, nɔ gbugbãɛ í la wa kɔ̃ɔsi.

Daniɛli 8:4 Iomraidhean Croise

Ilaalu 1, 22:11

Inɛ akã nŋa Sedesiasi amai Kenaana í cea araɛ ngoi isɔ ŋa nɔ wa ni, Aɔ̃ Lafɛ̃ɛ í ni, do ngo ŋau ihɛ̃i aa kpaò inɛi Siri ŋa hee í tã ŋa.

Zɔɔbu 10:7

Ì nɛ i mà sãa sãa iyi n kù ce taale kãma, nɔ inɛ kãma kaa yɔkɔ ku nyam hai si awɔɛ.

Iri ku kɔ̃ 44:5

Ilaaɔ̃, awɔi ì jɛ ilaalum. Awɔi ì ya sobi tɔkui Zakɔbu ŋa a bɛi a jɛ igũ.

Iri ku kɔ̃ 50:22

I ce laakai nɔ i sotĩ i gbɔ ŋa, iŋɛ iyi ì gbɛjɛ idei amu Ilaaɔ̃ ŋa. Bii kù jɛ bɛɛbɛ an na n gagaga ŋɛ nɔ inɛ gɔ kaa gba ŋɛ.

Iri ku kɔ̃ 7:2

Aɔ̃ Lafɛ̃ɛm, awɔi ì jɛ bi ku manjim. Faabam nɔ i nyam hai si awɔi inɛ ŋa iyi à waa kpãm iju.

Ezekiɛli 34:21

Mɛɛmu hai nɛ gbugbã ŋau ì tale ŋa do banga do cingaa ì nya ŋa hai si inɔ gaau ŋa nɔ ì cã ŋa do ngo nŋɛ ŋa ì lele ŋa ŋa.

Daniɛli 11:16

Ilaalui awɔ njɛi kpãai inunuu á nɛ ku maa naai, nɔ bɛi í bi, bɛɛbɛi á ce. Inɛ kãma kaa yɔkɔ ku kɔ̀ ide si wajuɛ. Á bubai si ilɛ iyi í sĩa í reu, nɔ á ce asɔɔi mii feii si isɛɛnɛɛ iyi wa ceu.

Daniɛli 11:36

Mii iyi ilaaluu í bii á ce. Á so araɛ lele, á maa tɔɔ fufu si iwɛ̃ ŋau fei, nɔ á maa fɔ ide hai nɛ yaase ŋa si gãmɛi Ilaaɔ̃ nŋu iyi í jɛ irii mii fei. Mii iyi wa ce fei, á maa nɛi hee idɔɔkɔ̃i Ilaaɔ̃ koo dedeò. Waati bɛɛbɛi Ilaaɔ̃ á ce mii iyi í dasi idɔ ku ceu.

Daniɛli 5:19

Na saabui kula iyi í jɔ̀ í lau, inɛi andunya ŋa fei, do dimi fei, do fee ikã ikã fei à waa ce njoɛ, nɔ à ya maa yaya si wajuɛi. Inɛ iyi í bii í ya kpa, nɔ inɛ iyi í bi mɔi í ya jɔ̀. Inɛ iyi í bii í ya so lele, nɔ inɛ iyi í bii í ya kaye.

Daniɛli 5:30

Si idũ akãu bɛ mɔi à kpa Bɛlisasaa ilaalui inɛi Kaladee ŋau.

Daniɛli 7:5

Si anyii nŋu, nɔ ǹ yɛ mɛɛmu minjisiau mɔ. Inɛ nŋu í jɔ mɛɛmu kugaabu gɔ iyi í yɛ bɛi mbo, nɔ í dede í leekĩ si cingaa akã, nɔ wa mu kũkũi kpakpaa cingaa mɛɛta si gɛlɛɛ si afei inyíɛ ŋa, nɔ à sɔ̃ɔ à waa ni, dede i ŋɔ iŋa nkpɔ nkpɔ.

Daniɛli 8:7

Iyi ǹ wa n cɔɔ, ǹ ba wee í nɛ í bɔ kɔkɔi angudã kombou nɔ idɔɛ í kɔ̃ siɛ. Ŋɔi í cã angudã kombou í cɛ ngo minjiɛ ŋau, angudãu kù yɔkɔ kù kɔ̀ ide kãma si wajuɛ. Ŋɔi í cãa í nyɔɔ ilɛ bɛ í jojo siɛ, nɔ inɛ kãma kù yɔkɔ kù faaba angudã kombou.

Misee 5:8

Iŋɛ tɔkui Zakɔbu ŋa, i dede si mbɛɛ nŋɛ ŋa, nɔ i kpa ŋa fei ŋa.

Wooda ku kɔsi 33:17

Bɛɛrɛi í jɛ ti Zozɛfu. Í nɛ gbugbãi bɛi kɛtɛ kombo. Ngo ku nɛ gbugbã minjiɛ ŋai í ya jaò bɛi ifã. Do nŋui í ya cãò inɛi ilɛ ŋa nɔ ku tale ŋa hee kɔɔi andunya. Akãi ngoɛ ŋaui í jɛ dimi nkpɔ nkpɔi Efaraimu. Iyi ihɔ̃ mɔ, zamaa nkpɔ nkpɔi dimii Manasee.