Daniɛli 8:3 - Bibeli do fee

³ Waati iyi ǹ wa n cɔ ilu, ǹ yɛ angudã kombo gɔ wa leekĩ itĩi idou. Angudãu í nɛ ngo nla nla minji. Amma iyi í na í fita do ankãanyiui í la í re inɛ ihɔ̃u.

Daniɛli 8:3 Iomraidhean Croise

Bomma 1, 21:16

Ŋɔi Davidi í yɛ iyi amalekai Aɔ̃ Lafɛ̃ɛ í wa aninii lele do ilɛ. Nɔ í yɔ taakuba wa muu si awɔ í too wa ikpa Zeruzalɛmu. Ŋɔi Davidi do inɛ ngbo ŋau à bii ara nŋa saaki à cuku à sɛɛbata.

Ɛsidarasi 1:2

Aɔ̃ Lafɛ̃ɛi lele í daam bommai ilɛ ŋau fei si awɔ amu Sirusi ilaalui Pɛɛsi, nɔ í cicam n teese n maa nŋu kpasɛ̃ ilui Zeruzalɛmu si ilɛi Zudaa.

Ɛsidarasi 4:5

Hai si waati iyi Sirusi ilaalui Pɛɛsi í wa si bomma hee ku koo si ilaalu Dariusi, à ya maa na inɛ ŋa iyi à jɛ woo kɔi ilaaluu fiai ku ba a ganji icɛ iyi Zuifu ŋau à jilɛ.

Ezai 13:17

Aɔ̃ Lafɛ̃ɛ í ni, an jɔ̀ inɛi Mɛɛdi ŋa a naa si ŋa. Inɛ ŋau lasabu nŋa kù wa si isɔ fũfũ, nɔ a kù nɛ kɔdɛɛi wura.

Ezai 44:28

Amui ǹ fɔ si gãmɛi Sirusi ǹ ni, woo degbe iyi ǹ cicai. Nŋui á jɔ̀ mii ŋa iyi ǹ bi fei ku ce. Nŋui á na wooda, ku jɔ̀ a teese a ma ilui Zeruzalɛmu, nɔ a teese a ma kpasɛ̃i Aɔ̃ Lafɛ̃ɛu.

Zeremi 51:11

Aɔ̃ Lafɛ̃ɛ í nɛ mii iyi wa lelei. Nɔ mii iyi wa leleui í jɛ ku ce nfei Babilɔni. Nŋui wa muaa ilaalui Mɛɛdi ŋau gbugbã á kɔ̃ò mii iyi í dasi idɔ ku ceu. Do yaase bɛɛbɛi wa bi ku sãò gbese. Á sã gbeseui na kpasɛ̃ɛ iyi à nya ikãu. I teese andɛi afa nŋɛ ŋau ku ce ncɛɛ. I kosi afa ŋau si tongo nŋɛ ŋau ku kɔ̃.

Daniɛli 10:5

Ŋɔi ǹ wu iju ǹ cɔ ilu, nɔ ǹ yɛ inɛ gɔ wa dasi jĩnɛ gɔ iyi à ce do acɔ ku nɛ sisima, nɔ wa dĩ santiiki iyi à ce do wura alala si kpakaɛ.

Daniɛli 2:39

Si anyiɛ, bomma mmu gɔ á naa iyi kaa toɛ do gbugbã. Si anyiɛ, bomma mɛɛtasia gɔ á naa, nŋui á jɛ bɛi isɔ nkpau, nɔ á fangaai si andunya fei.

Daniɛli 6:28

Nŋui í ya nya inɛ, nɔ nŋui í ya faabaɛ. Nŋui í ya ce nyinda ŋa do maamaake ŋa ikpa lelei Aɔ̃ do si ilɛ. Nŋui í nya Daniɛli hai si gbugbãi muusu nla ŋau.

Daniɛli 7:5

Si anyii nŋu, nɔ ǹ yɛ mɛɛmu minjisiau mɔ. Inɛ nŋu í jɔ mɛɛmu kugaabu gɔ iyi í yɛ bɛi mbo, nɔ í dede í leekĩ si cingaa akã, nɔ wa mu kũkũi kpakpaa cingaa mɛɛta si gɛlɛɛ si afei inyíɛ ŋa, nɔ à sɔ̃ɔ à waa ni, dede i ŋɔ iŋa nkpɔ nkpɔ.

Daniɛli 8:2

Si kuyɛu, mii iyi ǹ yɛ wee. Ǹ yɔɔ iyi ǹ wa Suze ilu nlai ku kpɛ̃i ilɛi Elamu iyi í wa itĩi ido gɔ iyi à ya kpe Ulai.

Daniɛli 8:20

Angudã kombo iyi ì yɛ í nɛ ngo minjiu bɛ, ilaalui Mɛɛdi do ti Pɛɛsi mbɛ.

Zakari 2:1

Ŋɔi ǹ ce kuyɛ minjisia má, nɔ ǹ yɛ ngo mɛɛ.

Zakari 5:1

Nɔ ǹ ce kuyɛ má ǹ yɛ tia gɔ iyi à ká, wa fo lele.

Zakari 5:5

Amaleka iyi wa sɔ̃m ideu í ni, wu iju i cɔ mii iyi wa fitau ihɔ̃.

Zakari 5:9

Iyi ǹ wu iju lele nɔ ǹ yɛ inaabo minji gɔ ŋa. Inaabo ŋau à nɛ ikpa bɛi kungbã. À waa fo lele, fufu wa tale ŋa. Nɔ à so kɔlɔu à nɛò lele bɛ.

Zakari 6:1

Ŋɔi ǹ ce kuyɛ má nɔ ǹ yɛ sarɛtii igũ mɛɛ gɔ ŋa iyi acĩ ŋa à waa fa à faata wa hai si afei iri kuta minji gɔ ŋa. Iri kuta ŋau iri kutai isɔ nkpai.

Kuka 24:2

Iyi í wu iju í cɔ nɔ í yɛ dimii inɛi Izirɛli ŋau bii à waa tɛ bi asɔ nŋa ŋau, ŋɔi hundei Ilaaɔ̃ í naa siɛ,

Zozue 5:13

Ajɔ nŋu gɔ Zozue í wa kɔkɔi ilui Zeriko, ŋɔi anu akã í yɛ inɛmɔkɔ gɔ wa leekĩ si wajuɛ. Lafɛ̃ɛ wa mu taakubaɛ si awɔ. Ŋɔi Zozue í tɛkɛɛ siɛ í beeɛ í ni, awɔ inɛ nwai de, mà awɔ inɛ akãi mbɛɛ nwa ŋai.

Kuyɛi Zãa 13:11

Si anyii nŋu, ǹ yɛ mɛɛmu kugaabu gɔ má wa fita wa hai si ilɛ. Í nɛ ngo minji bɛi ngoi ama angudã, nɔ wa fɔ ide bɛi akandama.

Kuyɛi Zãa 5:6

Iyi ǹ cɔ ikpa bi kitãi bommau nɔ ǹ yɛ ama angudã iyi à ceò kuwee wo wa leekĩ anini bɛ, nɔ ilu hunde mɛɛ do inɛ ngbo ŋau à kaakoɛ. Ama angudãu, í nɛ ngo mɛɛje do iju mɛɛje iyi í jɛ hunde mɛɛjei Ilaaɔ̃ ŋa iyi í bɛ si andunya fei.