Daniɛli 8:25 - Bibeli do fee

²⁵ Do saabui bisiɛi á ya ba ku zambaò inɛ ŋa. Faaui á waa si idɔ, nɔ si waati iyi laakai ku sũ í wɛɛ ntɔ ntɔ, waati bɛɛbɛi á ce nfei zamaa nkpɔ nkpɔ. Á dedeò ija si gãmɛi ilaalui ilaalu ŋa. Amma ilaalui ilaalu ŋau á lɛgɛɛi, nɔ kaa jɛ do sobii inɛ kãma.

Daniɛli 8:25 Iomraidhean Croise

Zɔɔbu 34:20

Idũ laja, inɛ nla ŋa à ya kui anu akã. Zamaa í dedeò ide ku kɔ̀, nɔ inɛ ngbo ŋa à ce nfe. Woo taa inɛ ŋa gbugbãu aa kpaa, kaa gaabu,

Zeremi 48:26

Moabu í tamaa bɛi nŋu í la nŋu í to Aɔ̃ Lafɛ̃ɛi. Na nŋu, a naa atɛ̃ ku mɔ ku kpaa hee ku tu. Waati bɛɛbɛ, inɛ fei á maa yaako nŋu mɔ.

Kukpata 4:6

Kurarai inɛm ŋau í la í re baa dulum dii inɛi ilui Sodomu ŋa iyi Aɔ̃ Lafɛ̃ɛ í jɔ̀ í ce nfe si iju kãmɛɛ akã, awɔi inɛ gɔ kù wa siu.

Daniɛli 11:12

Ilaalui awɔ cangai kpãai inunuu á na ku dedeò faau na igũ ku jɛu, nɔ á jɔ̀ a kpa sooge dubu nkpɔ nkpɔ. Amma baa do nŋu fei, gbugbãɛ kaa kpɛ.

Daniɛli 11:45

Á koo gũ ilei acɔi bommaɛ ŋaui si aninii tenkuu do iri kuta kumá si ilɛ iyi í sĩa í re ilɛ ŋau. Si anyiɛ kuwɛɛɛ á kpa irii, nɔ inɛ kãma kaa sobiɛ.

Daniɛli 7:26

Si anyii nŋu, kiiti á to wa, nɔ waati bɛɛbɛi aa gba gbugbãi bommau siɛ hee do ajɔ fei.

Daniɛli 7:8

Ŋɔi ǹ wa n cɔ ngo ŋau, nɔ ǹ ba wee gɔgɔ iyi í kere í re ŋa í fita wa má, nɔ ngo mɛɛta sinte ŋa iyi à wa bɛ ŋau à tu. Nɔ ngou í nɛ iju ŋa bɛi amanɛ, nɔ í nɛ gɛlɛ iyi wa fɔò idei faau ŋa.

Daniɛli 8:11

Ngou bɛi í ya baò baa inɛ ngboi inɛ ŋa iyi à wa lelei Aɔ̃ ŋau ija. Í ya ganji kuwee iyi à nɛ a ya ceaa ajɔ feiu, nɔ í ya riisi ile kumáɛu.

Daniɛli 9:25

Na nŋu, iyi ì nɛ i mà nɔ i gbɔ yaaseɛ wee. Ajɔ nŋu ì gbɔ laabaau gɔ iyi wa fɔ idei kubaai aru ŋa do idei Zeruzalɛmu ku teese ku ma. To, hai waati bɛɛbɛ hee ku naa si inɛ ngbo iyi Ilaaɔ̃ í cicau, adɔ̃ mɛɛje ikɔ mɛɛje mbɛ. Si adɔ̃ mɛɛje ikɔ kita do minjii aa teese a ma iluu do bindi ku nɛ gbugbã ŋau, amma waatiu á jɛ waati kugaabu ŋa.

Woo bɛ ŋa 12:23

Bɛ gbakã amalekai Ilaaɔ̃ í dasi Herodu bɔ̃ɔ í jɔ̀ kokoo ŋa à ŋɔ araɛ í ku, si na iyi í jɔ̀ nŋu amanɛ í gba amboei Ilaaɔ̃, kù kɔ̀si.

Tɛsalonika 2, 2:3

I maà jɔ̀ inɛ gɔ ku dĩ iju nŋɛ si ide kãma. Ajɔi Lafɛ̃ɛu ku bɛi ku to wa inɛ nkpɔi á fũsi naanɛ ku dasiɛ awɔ. Si anyii nŋu, inɛ iyi wa ba Ilaaɔ̃ ku jau á faata wa, nŋu iyi í jɛ amai nfe ku ce.

Tɛsalonika 2, 2:8

Si anyii nŋu, inɛ iyi wa ba Ilaaɔ̃ ku jau á faata wa nɔ amboei kunaai Lafɛ̃ɛ Jesu ku kpa iriɛ. Jesuu, nŋui á kpaa do fufui gɛlɛɛ.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.

Kuyɛi Zãa 19:16

Si ibɔɛ do si itãɛ à kɔ iriɛ à ni, Ilaalui ilaalu ŋa do Lafɛ̃ɛi lafɛ̃ɛ ŋa.