Daniɛli 8:24 - Bibeli do fee

²⁴ Gbugbãɛ á la ku maa kooi, amma kaa jɛ hai si nŋu takaɛi gbugbãu wa naa. Á ce nfei mii ŋai do gbugbã nla nla. Mii iyi í dasi idɔ nŋu ku ce fei, á cooi. Á kpa ilu gbugbã ŋa, nɔ bɛɛbɛ mɔi á kpa inɛi Ilaaɔ̃ ŋau mɔ.

Daniɛli 8:24 Iomraidhean Croise

Iri ku kɔ̃ 37:35

Ǹ yɛ ilu inɔ kukã hai nɛ araare wa la bɛi jĩi tũtũ.

Daniɛli 11:23

Ilaaluu á dĩ akabuui do inɛ mmu ŋa, nɔ nŋu bɛi á bɛɛgɛ si ku zambaò inɛ ŋa. Gbugbãɛ á la ku maa kooi, amma inɛ ŋa iyi aa jɛ sobiɛ ŋa a kaa kpɔ.

Daniɛli 12:7

Ŋɔi inɛ iyi wa dasi jĩnɛ iyi à ce do acɔ ku nɛ sisimau í wu awɔ minjiɛ ŋau fei ikpa lelei Aɔ̃, nɔ í gbasi do irii inɛ iyi í wɛɛ hee do ajɔ feiu í ni, kukpɛi mii ŋau bɛ á cei zakai adɔ̃ mɛɛta do bubu. Nɔ á koo á leekĩi waati iyi gbugbãi inɛi Ilaaɔ̃ ŋau á kpa iri fei mam mam.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Daniɛli 8:10

Nɔ í dedeò ide ku kɔ̀ si gãmɛi inɛi lelei Aɔ̃ ŋau. Í cã inɛ gɔ ŋa í nyɔ ŋa wa ilɛ do leleaɔ̃ gɔ ŋa, nɔ í tɛɛsɛ ŋa bugu bugu.

Daniɛli 8:11

Ngou bɛi í ya baò baa inɛ ngboi inɛ ŋa iyi à wa lelei Aɔ̃ ŋau ija. Í ya ganji kuwee iyi à nɛ a ya ceaa ajɔ feiu, nɔ í ya riisi ile kumáɛu.

Daniɛli 8:12

Do kuce laalɔɛ ŋau, í ya jɔ̀ kuweei ajɔ feiu ku bɛjɛi do gbugbãɛ iyi í nɛ. Nɔ do yaase bɛɛbɛi í ya kɛkɛò inɛi lele ŋau mɔ. Í ya jɔ̀ naanɛ iyi í jɛ ntɔ ku ce nfei, nɔ mii iyi í bi ku ce fei, í ya cooi.

Daniɛli 8:23

Si iri ku kpai bomma ŋau bɛ, waati iyi dulum dii ilu dulum ŋau á kɔ̃, waati bɛɛbɛi ilaalu ilu faau gɔ iyi á mà inɛ ŋa ku zamba, á faata wa.

Kuyɛi Zãa 16:6

Inɛ ŋau à kpa woo dasi naanɛ ŋa do walii ŋa à nikã njɛ nŋa, nɔ ì na ŋa njɛ a mɔ. Bɛɛbɛi à jɔò.

Kuyɛi Zãa 17:17

Aa ce bɛɛbɛi si na iyi í jɔ̀ Ilaaɔ̃ í jɔ̀ à ce idɔɔbiɛ. Bɛɛbɛi aa ce anu akã ku ba a so ilaalu ku jɛ nŋa a na mɛɛmuu. Aa maa jirima mɛɛmuui hee idei Ilaaɔ̃ koo ceò.

Kuyɛi Zãa 17:6

Nɔ ǹ yɛ abou í mɔ njɛi woo dasi naanɛ ŋa iyi à kpa si na iyi í jɔ̀ à jɛ sɛɛdai Jesu, nɔ iriɛ í sinda bɛi atɛ̃ vɛ̃ɛ í ya sinda irii inɛ. Iyi ǹ yɔɔ, ǹ biti ntɔ ntɔ.

Kuyɛi Zãa 19:2

Kiitiɛ í jɛ ntɔ, nɔ í tɛ, domi í kiiti abo à ta icu iyi í bɛjɛ andunya fei do daa laalɔɛ ŋa, nɔ í sã siɛ gbese si na iyi í jɔ̀ í nikã njɛi woo ce icɛɛ ŋa.