Daniɛli 8:23 - Bibeli do fee

²³ Si iri ku kpai bomma ŋau bɛ, waati iyi dulum dii ilu dulum ŋau á kɔ̃, waati bɛɛbɛi ilaalu ilu faau gɔ iyi á mà inɛ ŋa ku zamba, á faata wa.

Daniɛli 8:23 Iomraidhean Croise

Mɔnda ŋa 1:6

Aa ya jɔ̀ amanɛ ku mà yaasei mɔnda gɔ do idei ilu bisi ŋa.

Ezekiɛli 38:16

Aa faata si inɛi Izirɛli inɛm ŋau wa ŋai. Aa bii si ŋa ŋai bɛi kudũi ijĩ í ya bii ilɛ. Iyi bɛ á na ku cei si awaati ŋa iyi wa naa do waju. An jɔ̀ i naa si ilɛi inɛm ŋa igũ ku ba inɛ ŋa a mà iyi amui ǹ jɛ Aɔ̃ Lafɛ̃ɛ.

Ezekiɛli 38:8

Si anyii adɔ̃ nkpɔ nkpɔ, kaa kpɛ má n jɔ̀ i lɔ si ilɛi Izirɛliu. Inɛɛ ŋa iyi à fita si igũu, aa baa mái hai ilɛ ikã ikã bii à wau. Nɔ aa tɔtɔɔ wa mái si iri kutai Izirɛli ŋa iyi à sa à jɔ̀ waati sisɔu. Hai a fita wa hai ilɛ mmu ŋau gbakã, aa naa a wɛɛi do laakai ku sũ.

Daniɛli 10:14

Bɛbɛi, ǹ naa ku sɔ̃ɛ mii iyi á na ku ba zamaaɛ ŋai bii í kɔ̃ɔsi, domi kuyɛ mmu gɔ í wɛɛ iyi wa naa má na ajɔ ŋau bɛ.

Daniɛli 11:21

Si anyiɛ, inɛ gɔ iyi a kaa maa saalui á sãsi agbɛɛ. Lafɛ̃ɛ kaa nɛ kpãai a naa gbugbãi bommau. Amma á gba ndɛɛi do kpãa ŋa iyi a kù jɛ dee dee. Á gba bommaui si waati iyi ilɛu í wɛɛò laakai ku sũ.

Daniɛli 11:24

Si waatii laakai ku sũ iyi ilɛu á maa wɛɛò, á bɔ si ilu gɔ ŋa iyi à nɛ amani à re si kukpɛ̃i ilɛu. Nɔ waati iyi á to bɛ, mii iyi balaɛ ŋa a kù ce ajɔ kãma, nŋui á ce. Á ko amanii ilɛui, nɔ amani ŋa iyi í ce ile wa ŋau, nŋui á kpɛ̃a inɛ ŋa iyi à waa jɛ sobiɛ ŋau. Á nɛ baa lasabui nŋu ku gba inya ku nɛ gbugbã ŋau. Amma á ce inɛ nŋui si waati keeke, kaa kpɛ.

Daniɛli 7:11

Ŋɔi ǹ kɔ̀ ǹ mɔsi n wa n cɔ ngo keekeu na idei faau ŋa iyi í wasi ku fɔu. Amma si kucɔm nɔu ǹ na ǹ ba wee à kpa mɛɛmuu, nɔ à soo à dasi ina í jo.

Daniɛli 7:20

Nɔ ǹ bee inɛɛu iyi í jɛ yaasei ngo mɛɛwa ŋa iyi mɛɛmuu í nɛ si iriɛu mɔ. Nɔ ǹ beeɛ iyi í jɛ yaasei ngo keeke iyi í na í fitau má nɔ í jɔ̀ mɛɛta gɔ ŋa à nya à cukuu. Inɛ nŋu í nɛ iju nɔ í nɛ gɛlɛ iyi í wasi ku fɔò idei faau, nɔ í jɔ bɛi inɛ nŋu í nɛ gbugbã í re iyi ihɔ̃ ŋau.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Daniɛli 7:8

Ŋɔi ǹ wa n cɔ ngo ŋau, nɔ ǹ ba wee gɔgɔ iyi í kere í re ŋa í fita wa má, nɔ ngo mɛɛta sinte ŋa iyi à wa bɛ ŋau à tu. Nɔ ngou í nɛ iju ŋa bɛi amanɛ, nɔ í nɛ gɛlɛ iyi wa fɔò idei faau ŋa.

Daniɛli 8:22

Mɛɛ ŋa iyi à fita si agbɛi iyi í cɛu bɛ mɔ, bomma mɛɛ gɔ ŋai iyi aa na a dede hai si bommau bɛ, amma gbugbã nŋa kaa too.

Daniɛli 8:24

Gbugbãɛ á la ku maa kooi, amma kaa jɛ hai si nŋu takaɛi gbugbãu wa naa. Á ce nfei mii ŋai do gbugbã nla nla. Mii iyi í dasi idɔ nŋu ku ce fei, á cooi. Á kpa ilu gbugbã ŋa, nɔ bɛɛbɛ mɔi á kpa inɛi Ilaaɔ̃ ŋau mɔ.

Daniɛli 8:25

Do saabui bisiɛi á ya ba ku zambaò inɛ ŋa. Faaui á waa si idɔ, nɔ si waati iyi laakai ku sũ í wɛɛ ntɔ ntɔ, waati bɛɛbɛi á ce nfei zamaa nkpɔ nkpɔ. Á dedeò ija si gãmɛi ilaalui ilaalu ŋa. Amma ilaalui ilaalu ŋau á lɛgɛɛi, nɔ kaa jɛ do sobii inɛ kãma.

Kuka 24:24

Amma inɛ ŋa aa naa hai Kitimu do akɔi inyi ŋa, aŋai aa taa inɛi Asiri ŋa do inɛi Hebɛɛ ŋa gbugbã, nɔ aŋa mɔ a kpa iri.

Matie 23:32

To, i hanya i tambɔ laalɔ iyi bala nŋɛ ŋa à sintiu.

Wooda ku kɔsi 28:50

Inɛ ŋau aa gaabui ntɔ ntɔ. A kaa mà jirimai mɔkɔ ngbo ŋa, nɔ a kaa nɛ araarei ama keeke ŋa.

Tɛsalonika 1, 2:16

À ganji mɔm ka cea dimi mmu ŋa waazo iyi á jɔ̀ a ba faaba. Bɛɛbɛi dulum du ŋa iyi à ya maa ce waati kãma fei í teese wa kɔ̃ɔsi wa caa. Amma idɔɔkɔ̃i Ilaaɔ̃ í fuka si iri nŋa bɛbɛi.

Timɔtee 1, 4:1

Hundei Ilaaɔ̃ í fɔ dee dee í ni si awaatii ankãanyi inɛ gɔ ŋa aa jɔ̀ kpãai naanɛ ku dasi, a maa jirima idei woo dĩ ijui inɛ ŋa do kukɔsii Seetam.

Kuyɛi Zãa 19:20

Ŋɔi masau do woo ce igũɛ ŋa à mu mɛɛmuu do walii ilu ibou ajɔ, nŋu iyi wa ce dobu dobu si wajui mɛɛmuu wo. Do dobu dobuui í dĩ ijui inɛ ŋa iyi à tako à nɛ nyindai mɛɛmuu nɔ à tɔɔ mii iyi à gbeu. À sɔsi aŋa minji fei si ina nla iyi wa jo do fainwitau njaawɛ.