Daniɛli 8:22 - Bibeli do fee

²² Mɛɛ ŋa iyi à fita si agbɛi iyi í cɛu bɛ mɔ, bomma mɛɛ gɔ ŋai iyi aa na a dede hai si bommau bɛ, amma gbugbã nŋa kaa too.

Daniɛli 8:22 Iomraidhean Croise

Daniɛli 11:4

Waati iyi á na ku dedeu, bommaɛu á lɛgɛi nɔ ku kpɛ̃ ikɔ mɛɛ bɛi fufu iyi wa naa hai bii fei. Bommau kaa jɛ ti tɔkuɛ ŋa, nɔ kaa nɛ gbugbã má bɛi í tako í nɛu wo, domi aa wu icãi bommaui nɔ ku baa ku jɛ ti inɛ mmu ŋa, aŋa a kaa ba má.

Daniɛli 7:6

Si anyii nŋu, ǹ yɛ mmuɛ gɔ má iyi í yɛ bɛi muãa, nɔ nŋu mɔ í nɛ ikpai yɛi mɛɛ si anyiɛ. Mɛɛmuu í nɛ iri mɛɛ nɔ í ba gbugbã iyi á kãmia andunyau.

Daniɛli 7:7

Si anyiɛ, si kuyɛ ŋa iyi ǹ ce idũu, ǹ yɛ mɛɛmu mɛɛsia kugaabu gɔ iyi á mu inɛ njo, nɔ gbugbãɛ í ce dimi ikã ntɔ ntɔ. Inyíɛ ŋa do isɔi à coo nla nla. Í ya ŋɔ inɛi nɔ ku ga mii iyi í ba fei. Mii iyi kù waa ŋɔ, í ya tɛɛsɛɛi do kutɛɛ ŋa kú lɛgɛɛ. Inɛ nŋu í nya ikã do mɛɛmu sinte mɛɛta ŋau, nɔ í nɛ ngo mɛɛwa.

Daniɛli 8:21

Iwo kombo ku nɛ ntou bɛ mɔ, ilaalui Gɛrɛsi mbɛ. Ngo nla nla iyi í wa si afei ijuɛu mɔ, ilaalu sinteu mbɛ.

Daniɛli 8:23

Si iri ku kpai bomma ŋau bɛ, waati iyi dulum dii ilu dulum ŋau á kɔ̃, waati bɛɛbɛi ilaalu ilu faau gɔ iyi á mà inɛ ŋa ku zamba, á faata wa.

Daniɛli 8:3

Waati iyi ǹ wa n cɔ ilu, ǹ yɛ angudã kombo gɔ wa leekĩ itĩi idou. Angudãu í nɛ ngo nla nla minji. Amma iyi í na í fita do ankãanyiui í la í re inɛ ihɔ̃u.

Daniɛli 8:8

Iwo kombou í na í la ntɔ ntɔ, amma waati iyi í na í nɛ gbugbã bɛɛbɛ, ngoɛ í cɛ. Ŋɔi ngo ku nɛ gbugbã mɛɛ gɔ ŋa à fita si agbɛɛ à waa cɔ hai do ikpa bii fufui gonta mɛɛi lele ŋau à waa naa.

Zakari 6:1

Ŋɔi ǹ ce kuyɛ má nɔ ǹ yɛ sarɛtii igũ mɛɛ gɔ ŋa iyi acĩ ŋa à waa fa à faata wa hai si afei iri kuta minji gɔ ŋa. Iri kuta ŋau iri kutai isɔ nkpai.