Daniɛli 8:21 - Bibeli do fee

²¹ Iwo kombo ku nɛ ntou bɛ mɔ, ilaalui Gɛrɛsi mbɛ. Ngo nla nla iyi í wa si afei ijuɛu mɔ, ilaalu sinteu mbɛ.

Daniɛli 8:21 Iomraidhean Croise

Daniɛli 10:20

Ŋɔi í beem í ni, ì mà mii iyi í jɔ̀ ǹ naa bi tɛɛ? Ǹ naa ku sɔ̃ɛ bɛi tia si bii à kɔ ntɔu wa dɔ̃i. Do nŋu fei, an nyi n ce igũ mái do amaleka iyi í jɛ woo degbei Pɛɛsiu. Waati iyi an nɛ ikpa bɛ, amaleka iyi í jɛ woo degbe ilɛi Gɛrɛsiu á to wa. Nɔ inɛ kãma ci ya sobim si mbɛɛ minji ŋau bɛ ku ba ku ja, í gbe Misɛli woo degbe inɛi Izirɛli ŋa nŋu akã.

Daniɛli 11:2

Bɛbɛi, ǹ wa n sɔ̃ɛi dee dee mii iyi á na ku ce. Ilaalu ikã ikã mɛɛtai á na ku jɛ bomma si ilɛi Pɛɛsi. Si anyiɛ inɛ mɛɛsia á na ku jɛ bommau, nɔ inɛ nŋu á ko amani ku re inɛ ihɔ̃ ŋau. Waati iyi á ba gbugbã na saabui amaniɛ ŋau, á ce igũi do bommai inɛi Gɛrɛsi ŋa.

Daniɛli 11:3

Amma ilaalu kaasãanɛ gɔ á na ku dede. Bommaɛu á nɛ gbugbãi nla nla, nɔ bɛi í bi fei, bɛɛbɛi á ce.

Daniɛli 2:39

Si anyiɛ, bomma mmu gɔ á naa iyi kaa toɛ do gbugbã. Si anyiɛ, bomma mɛɛtasia gɔ á naa, nŋui á jɛ bɛi isɔ nkpau, nɔ á fangaai si andunya fei.

Daniɛli 7:6

Si anyii nŋu, ǹ yɛ mmuɛ gɔ má iyi í yɛ bɛi muãa, nɔ nŋu mɔ í nɛ ikpai yɛi mɛɛ si anyiɛ. Mɛɛmuu í nɛ iri mɛɛ nɔ í ba gbugbã iyi á kãmia andunyau.

Daniɛli 8:20

Angudã kombo iyi ì yɛ í nɛ ngo minjiu bɛ, ilaalui Mɛɛdi do ti Pɛɛsi mbɛ.

Daniɛli 8:22

Mɛɛ ŋa iyi à fita si agbɛi iyi í cɛu bɛ mɔ, bomma mɛɛ gɔ ŋai iyi aa na a dede hai si bommau bɛ, amma gbugbã nŋa kaa too.

Zakari 9:13

An so dimii inɛi Zudaa ŋa a jɛ bɛi biooi igũ, nɔ dimii inɛi Efaraimu ŋa mɔ a jɛ bɛi afa. Nɔ n samba inɛi Siɔ̃ɔ ŋa a koo a ce igũ do inɛi Gɛrɛsi ŋa. Nɔ aa jɛ bɛi taakubai sooge ŋa.