Daniɛli 8:2 - Bibeli do fee

² Si kuyɛu, mii iyi ǹ yɛ wee. Ǹ yɔɔ iyi ǹ wa Suze ilu nlai ku kpɛ̃i ilɛi Elamu iyi í wa itĩi ido gɔ iyi à ya kpe Ulai.

Daniɛli 8:2 Iomraidhean Croise

Kusintii Andunya 10:22

Irii amai Sɛmu ŋa mɔ wee. Elamu do Asiri do Aapakisadi do Ludi do Aramu.

Kusintii Andunya 14:1

Waati bɛɛbɛ Amurafɛli ilaalui Sineaa do Ariɔku ilaalui Elasaa do Kedɔɔlaɔmɛɛ ilaalui Elamu do Tideali ilaalui Goyimu,

Neemi 1:1

Idei Neemi amai Hakalia wee. Si adɔ̃ kɔnfiasiai bomma ku jɛi ilaalu Aatakusɛɛsi, si cukpai Kisile, amu Neemi ǹ wa Suze ilu ku nɛ gbugbãu.

Ɛsitɛɛ 1:2

Si adɔ̃ mɛɛtasiai bomma ku jɛɛ, si bɛi wa buba si kitãi bommaɛ si ilui Suze ilu nlau, í cea ilaalu do akawe nlaɛ ŋa jingau. Inɛ ngboi soogei ilɛi Pɛɛsi ŋa do ilɛi Mɛɛdi ŋa do ilaalu ŋa, do ilu ilɛ ŋau, aŋa fei à tɔtɔɔ bi tɛɛ bɛ.

Ɛsitɛɛ 2:8

Waati iyi à fangaa woodai ilaaluu bii fei, mudɛ̃ɛ nkpɔ nkpɔi í tɔtɔɔ Suze. Ŋɔi à so Ɛsitɛɛ mɔ à dasi inɔ nŋa bɛ si inɔ kpasɛ̃i ilaaluu, nɔ Hegai wa cɔ ŋa.

Ɛsitɛɛ 3:15

Woo bɛ ŋau à kooi gbãa gbãa si bɛi ilaaluu í na wooda, nɔ ideu í fangaa hee do si ilu nlai Suzeu fei. Nɔ waati iyi inɛi ilui Suze ŋau fei à wɛɛò inɔ kufɔ nla nla, waati bɛɛbɛi ilaaluu do Hamaa à buba à waa mɔ atɛ̃ nŋa.

Ɛsitɛɛ 7:6

Nɔ Ɛsitɛɛ í jɛa í ni, mbɛɛ nwa iyi wa kpã wa iju, nŋui í jɛ Hamaa inɛ laalɔu ihɛ̃. Ŋɔi njo í mu Hamaa si wajui ilaaluu do si wajui Ɛsitɛɛ.

Ɛsitɛɛ 8:15

Ŋɔi Maadosee í fita wa hai idei ilaaluu, wa dasi ibɔi amanlu. Ibɔu í yɛ boogu nɔ í nɛ fũfũ. Nɔ í dasi fulai wura nla nla gɔ do ibɔ kumboo nkpa gɔ. Ŋɔi si inɔ ilui Suze bii fei inɛ ŋa à wasi ku dɔ̃ anu do inɔ didɔ̃.

Ɛsitɛɛ 9:11

Ajɔ nŋu bɛ mɔi à sisia ilaaluu jiai amanɛ ŋa iyi à kpa si ilu nlai Suzeu.

Ɛsitɛɛ 9:15

Nɔ Zuifu ŋa iyi à wa ilui Suzeu à tɔtɔɔ má si ajɔ maatɛ̃ɛsiai cukpai Adaau, nɔ à kpa inɛmɔkɔ cĩɔ mɛɛta. Amma a kù so nkãma nŋa.

Ezai 11:11

Si waati nŋu bɛi Aɔ̃ Lafɛ̃ɛ á dasi baa isɛ gbeejisia má ku ya zamaaɛ ŋa iyi à gbe si ilɛ mmu ŋau ku jɔ̀ a nɛ ara nŋa. Hai inɛ ŋa iyi à wa ilɛi Asiri do Ezibiti do Patɔɔsi do Etiopi do Elamu do ilɛi Babilɔni, do Amati do ilɛi itĩi inyi ŋau.

Zeremi 25:25

Í to si ilaalu ŋa iyi à wa Zimiriu fei, do si ilaalu ŋa iyi à wa Elamu do Mɛɛdi fei.

Ezekiɛli 1:1

Si adɔ̃ kuntaasia iyi ǹ nɛ si cukpa mɛɛsiaɛ si ajɔ miiusia, waati iyi à mu ilaalu Zoakɛ̃ɛ à nɛòɛ ilɛ mmu í ce adɔ̃ miiu, amu Ezekiɛli ǹ wa si inɔi aru ŋa iyi à mu à nɛò itĩi idoi Kebaa. Ŋɔi ǹ ce kuyɛ. Si kuyɛu ǹ yɛ lelei Aɔ̃ í cĩ nɔ Aɔ̃ Lafɛ̃ɛ wa bam ide ku fɔ.

Ezekiɛli 32:24

Ihɛ̃i ilaalui Elamu do woo ja igũɛ ŋa fei à sũ. Balɛi woo ja igũɛ ŋau à kaako titɛɛ. Aŋa fei à kui si igũ. Hai ce bango ŋa iyi à ya maa da zigii inɛ ŋa si andunyau à bɔi hee lɛlɛ bi kuwai iku ŋau. À wa si anyɔ do inɛ ŋa iyi à wa bi kuwai iku ŋau.

Daniɛli 10:4

Si ajɔ kɔnfia do mɛɛsiai cukpa sinteu, ǹ wa itĩi ido nla gɔ iyi à ya kpe Tigure.

Daniɛli 7:15

Ŋɔi amu Daniɛli, ideu í mum biti hee si lɛlɛi idɔm ntɔ ntɔ. Mii iyi ǹ yɛu, í mum njo ntɔ ntɔ.

Daniɛli 7:2

Daniɛli í ni, si kuyɛ iyi ǹ ce idũu, ǹ yɛ fufu wa naa hai bii fei wa yaga tenku nlau.

Daniɛli 8:1

Si adɔ̃ mɛɛtasiai bomma ku jɛi ilaalu Bɛlisasaa, amu Daniɛli ǹ ce kuyɛ gɔ si anyii iyi ǹ tako ǹ yɛu.

Daniɛli 8:3

Waati iyi ǹ wa n cɔ ilu, ǹ yɛ angudã kombo gɔ wa leekĩ itĩi idou. Angudãu í nɛ ngo nla nla minji. Amma iyi í na í fita do ankãanyiui í la í re inɛ ihɔ̃u.

Kuka 12:6

Nɔ í sɔ̃ ŋa í ni, i de itĩ i gbɔ idem ku ce ncɛɛ ŋa, bii walii gɔ í wa inɔ nŋɛ, si kuyɛi amu Aɔ̃ Lafɛ̃ɛ ǹ ya n nyisiɛ aram, nɔ si alai ǹ ya n baa ide ku fɔ.

Ebɛɛ 1:1

Tako bala nwa ŋa à gbɔ ide ku fɔi Ilaaɔ̃i hai si gɛlɛi waliiɛ ŋa isɛ fɛɛfɛlo si kpãa ikã ikã.

Kuyɛi Zãa 9:17

Si bɛi ǹ yɛ acĩ ŋau do masa ŋau si kuyɛm wee. À dasi batai igũ nkpa bɛi ina do boogu bɛi bulam do igbaagba bɛi fainwita. Irii acĩ ŋau í yɛ bɛi irii muusu nla, nɔ ina do cua do fainwita wa fita wa hai si gɛlɛ nŋa.