Daniɛli 8:19 - Bibeli do fee

¹⁹ Nɔ í sɔ̃m í ni, an jɔ̀ i mà mii iyi á na ku ce si waati iyi idɔɔkɔ̃u á to kɔɔ, domi waatii iri ku kpa í wɛɛ iyi à jilɛ.

Daniɛli 8:19 Iomraidhean Croise

Iri ku kɔ̃ 102:13

Amma Aɔ̃ Lafɛ̃ɛ, awɔi ì jɛ ilaalu do ajɔ fei, nɔ inɛ ŋa aa maa ye gigiɛi hee ku koo si tɔku do tɔku ŋa.

Daniɛli 11:27

Ilaalu minji ŋau aa tɔtɔɔ a jɛ inya akã, amma si idɔ nŋa, aa dɛdɛ a cea njɛ laalɔi. Iboi aa sɔa njɛ. Ide nŋa kaa nɛ aranfãani kãma, domi ideu á kpa irii bii waati iyi à jilɛu í to.

Daniɛli 12:4

Awɔ Daniɛli, mu ide ŋau ihɛ̃ si asii. Maà jɔ̀ inɛ ŋa a mà ide ŋa iyi à wa si tiau ihɛ̃ hee koo toò waatii ankãanyiu. Waati bɛɛbɛ, inɛ nkpɔ nkpɔi á cioɛ, nɔ kumà nŋa á la ku kɔ̃ɔsi.

Daniɛli 8:23

Si iri ku kpai bomma ŋau bɛ, waati iyi dulum dii ilu dulum ŋau á kɔ̃, waati bɛɛbɛi ilaalu ilu faau gɔ iyi á mà inɛ ŋa ku zamba, á faata wa.

Abakuku 2:3

Awaati iyi kuyɛu á kɔ̃ kù to titã, amma á cei si waati iyi ǹ bi. Degbeɛ do temua baa bii wa kpɛ. Ntɔ ntɔ, ide iyi ǹ fɔu á cei bii waatiɛ í to, sika kãma kù wa si.

Luku 21:23

Waati bɛɛbɛ wahalai bãasĩ ŋa do ayawo ŋa á caa. Ijuukpã nla nlai á wa si ilɛu si na iyi í jɔ̀ Ilaaɔ̃ á sã idɔɔkɔ̃ɛ si inɛ ŋau.

Kuyɛi Zãa 1:1

Si tiau ihɛ̃ ǹ kɔ asii ŋa iyi Jesu Kirisi í nya gbugbãa. Ilaaɔ̃i í naa kpãa ku nyisi woo dasi naanɛ woo ce icɛɛ ŋa mii ŋa iyi á na ku ce bii í kɔ̃ɔsi. Nɔ Kirisi í bɛ sim amaleka wa, amu Zãa woo ce icɛɛ, ku ba n mà mii ŋau.

Kuyɛi Zãa 10:7

amma waati iyi amaleka mɛɛjesiau mɔ á fã kãakãakĩɛ, waati bɛɛbɛi Ilaaɔ̃ á kɔ̃ mii iyi í dasi idɔ ku ce iyi inɛ kãma kù màu, si bɛi í sɔ̃ walii woo ce icɛɛ ŋa wo.

Kuyɛi Zãa 11:18

Dimii andunya fei í damɔɔ. Amma idɔɔkɔ̃ɛ í to wa. Waati í to i kiiti iku ŋa. Waati í nɔ í to i na woo ce icɛɛ ŋa riba nŋa, hai walii ŋa do woo dasi naanɛ ŋa hee do inɛ ŋa iyi à waa jirimaɛ ŋa fei, hai keekeò nlaɛ. Waati í to i ce nfei inɛ ŋa iyi à waa ce nfei andunya.

Kuyɛi Zãa 15:1

Si anyii nŋu, ǹ yɛ nyinda gɔ má lelei Aɔ̃, í lá nɔ í nɛ njo. Iyi ǹ yɛ wee. Amaleka mɛɛje gɔ ŋa à waa mu ijuukpã mɛɛje. Aŋai à jɛ ijuukpãi ankãanyi domi si bɛi idɔɔkɔ̃i Ilaaɔ̃ á tã.

Kuyɛi Zãa 17:17

Aa ce bɛɛbɛi si na iyi í jɔ̀ Ilaaɔ̃ í jɔ̀ à ce idɔɔbiɛ. Bɛɛbɛi aa ce anu akã ku ba a so ilaalu ku jɛ nŋa a na mɛɛmuu. Aa maa jirima mɛɛmuui hee idei Ilaaɔ̃ koo ceò.