Daniɛli 8:18 - Bibeli do fee

¹⁸ Si waati iyi Gabiɛli wa bam ideu ku fɔ, ǹ wa n sɛɛbata bɛ n kù mà mii iyi wa ce má. Ŋɔi í lum nɔ í dedem í leekĩm tengi bii ǹ wau.

Daniɛli 8:18 Iomraidhean Croise

Kusintii Andunya 15:12

Iyi alɛ í lɛ ŋɔi njoo nla gɔ í naa si Aburamu ŋɔi ilu í kuku siɛ nɔ njo í muu.

Zɔɔbu 4:13

Waati iyi inɛ í ya maa lasabu do zigiida si kuyɛ ŋa iyi í ce idũ, do si waati iyi amanɛ ŋa à waa sĩ njoo,

Ezekiɛli 2:2

Hai wa sɔ̃m ide ŋau gbakã, hundeɛ í lɔ sim nɔ í jɔ̀ ǹ dede ǹ leekĩ, ǹ wa n gbɔ imui inɛ iyi wa bam ide ku fɔu.

Daniɛli 10:16

Ŋɔi inɛ gɔ iyi í jɔ amanɛ í naa í lu gɛlɛm. Ŋɔi ǹ cĩ gɛlɛ nɔ ǹ sɔ̃ inɛ iyi wa leekĩ si wajum nɔu ǹ ni, Lafɛ̃ɛm, na kuyɛu, ara kuro í naa sim nɔ ǹ kua gbugbã.

Daniɛli 10:18

Ŋɔi inɛ iyi í yɛ bɛi amanɛu í nyi í lum má nɔ í jɔ̀ ǹ ba gbugbã má.

Daniɛli 8:17

Ŋɔi í naa kɔkɔi tengi bii ǹ wau. Waati iyi wa naa, zigim í dai ntɔ ntɔ nɔ ǹ sɛɛbata si wajuɛ. Ŋɔi í sɔ̃m í ni, awɔ amanɛ, gbɔ yaasei kuyɛu ihɛ̃. Kuyɛu ihɛ̃, idei waatii iri ku kpai andunyai wa fãa.

Daniɛli 8:27

Ŋɔi amu Daniɛli, ǹ kua gbugbã ajɔ nkpɔ nkpɔ nɔ ǹ ce bɔ̃ɔ. Si anyiɛ, nɔ ǹ dede ǹ wa n cea ilaalu wũaɛ ŋa. Ǹ cukui hee ilɛ na kuyɛu, domi n kù gbɔ yaaseɛ.

Zakari 4:1

Amaleka iyi wa bam ide ku fɔu í naa í jĩ laakaim nii bɛi à ya jĩ inɛ si iri njoo.

Luku 22:45

Iyi í ce kutɔɔu í tã ŋɔi í dede í bɔ bi mɔcɔɛ ŋau nɔ í koo í ba à waa sĩ njoo do inɔ kufɔ.

Luku 9:32

Wee Piɛɛ do kpaasiɛ ŋa à waa siiko ntɔ ntɔ, amma iyi iju nŋa í má à yɛ amboei Jesu nɔ à yɛ amanɛ minji ŋa iyi à waa leekĩ bi tɛɛu.

Woo bɛ ŋa 26:6

Nɔ nsɛi à waa kiitim si na iyi í jɔ̀ ǹ wa n cɔ kpãai kuwã iyi Ilaaɔ̃ í cea bala nwa ŋa.

Kuyɛi Zãa 1:17

Iyi ǹ yɔɔ, ǹ cuku si isɛɛ bɛi iku. Nɔ í lesim awɔ njɛɛ í ni, maà ce njo, amui ǹ jɛ sinte do iri ku kpa.