Daniɛli 8:17 - Bibeli do fee

¹⁷ Ŋɔi í naa kɔkɔi tengi bii ǹ wau. Waati iyi wa naa, zigim í dai ntɔ ntɔ nɔ ǹ sɛɛbata si wajuɛ. Ŋɔi í sɔ̃m í ni, awɔ amanɛ, gbɔ yaasei kuyɛu ihɛ̃. Kuyɛu ihɛ̃, idei waatii iri ku kpai andunyai wa fãa.

Daniɛli 8:17 Iomraidhean Croise

Kusintii Andunya 17:3

Ŋɔi Aburamu í sɛɛbata í kɔmba iriɛ ilɛ ŋɔi Ilaaɔ̃ í baa ide ku fɔ í ni,

Ezekiɛli 1:28

Inya kumáu í yɛi bɛi ti njoi Aɔ̃ iyi wa daana si kudũi ijĩ. Í yɛ bɛi amboei Aɔ̃ Lafɛ̃ɛ. Waati iyi ǹ yɔɔ, ǹ sɛɛbata nɔ ǹ gbɔ imui inɛ gɔ wa bam ide ku fɔ.

Ezekiɛli 2:1

Ŋɔi í sɔ̃m í ni, awɔ amanɛ, dede i leekĩ nɔ n baɛ ide ku fɔ.

Ezekiɛli 44:4

Ŋɔi inɛɛu í bɔòm do ikpa awɔ njɛi kpãai inunuu hee si anu koofau do wajui kpasɛ̃u. Nɔ ǹ yɛ amboei Aɔ̃ Lafɛ̃ɛ í kɔ̃ kpasɛ̃i Aɔ̃ Lafɛ̃ɛu. Ŋɔi ǹ gulɛ, ǹ sɛɛbata.

Ezekiɛli 6:2

awɔ amanɛ, sinda i cɔ ikpa iri kutai Izirɛli ŋau, nɔ i fɔ idei ijuukpã iyi á na ku ba ŋa.

Daniɛli 10:11

Si anyiɛ, nɔ í sɔ̃m í ni, Daniɛli, awɔ iyi Ilaaɔ̃ í bi, gbɔ ide ŋa iyi an sɔ̃ɛ, nɔ i leekĩ tengi bii ì wau bɛ, domi nsɛiu ihɛ̃ bi titɛɛi à bɛm wa. Waati iyi í sɔ̃m ideu bɛɛbɛ, ŋɔi ǹ dede ǹ leekĩ ǹ wa n yayaò.

Daniɛli 10:16

Ŋɔi inɛ gɔ iyi í jɔ amanɛ í naa í lu gɛlɛm. Ŋɔi ǹ cĩ gɛlɛ nɔ ǹ sɔ̃ inɛ iyi wa leekĩ si wajum nɔu ǹ ni, Lafɛ̃ɛm, na kuyɛu, ara kuro í naa sim nɔ ǹ kua gbugbã.

Daniɛli 11:27

Ilaalu minji ŋau aa tɔtɔɔ a jɛ inya akã, amma si idɔ nŋa, aa dɛdɛ a cea njɛ laalɔi. Iboi aa sɔa njɛ. Ide nŋa kaa nɛ aranfãani kãma, domi ideu á kpa irii bii waati iyi à jilɛu í to.

Daniɛli 11:40

Bii waatiu í na wa to kɔɔ, ilaalui awɔ cangai kpãai inunuu á naa siɛ igũ. Amma ilaalui awɔ njɛi kpãai inunuu á koo siɛi do gbugbã do sarɛti ku ja igũɛ ŋa, do masaɛ ŋa, do akɔi inyi ŋa nkpɔ nkpɔ. Á lɔ si ilɛ ŋaui do soogeɛ ŋa. Á kua kɔɔi ilɛ ŋau mɔm nii bɛi ido í ya kɔ̃ hee ku dikã.

Daniɛli 12:13

Awɔ Daniɛli, ce isɛɛnɛɛ i bɔò hee kɔɔ, aa ba kusĩmi nɔ aa dede i gba ribaɛ si kɔɔi waati ŋau.

Daniɛli 12:4

Awɔ Daniɛli, mu ide ŋau ihɛ̃ si asii. Maà jɔ̀ inɛ ŋa a mà ide ŋa iyi à wa si tiau ihɛ̃ hee koo toò waatii ankãanyiu. Waati bɛɛbɛ, inɛ nkpɔ nkpɔi á cioɛ, nɔ kumà nŋa á la ku kɔ̃ɔsi.

Daniɛli 2:46

Ŋɔi ilaalu Nebukanɛsaa í sɛɛbata hee ilɛ si wajui Daniɛli, nɔ í ni a cea nŋu kuwee ŋa nɔ a joa tuae ku dɔ̃ inunu ŋa nŋu ku saabuò Daniɛli.

Daniɛli 7:16

Ŋɔi ǹ bɔ kɔkɔi inɛ akãi inɛ ŋa iyi à wa bɛ, nɔ ǹ beeɛ iyi í jɛ yaase ntɔ ntɔi mii iyi ǹ yɛu bɛ. Ŋɔi í sɔ̃m, nɔ í tusɛɛm yaaseɛ.

Daniɛli 8:15

Si waati iyi amu Daniɛli ǹ wa n cɔ kuyɛu nɔ ǹ wa n dɛdɛ n gbɔ yaaseɛ, waati bɛɛbɛi inɛ gɔ iyi í yɛ bɛi inɛmɔkɔ kaasãanɛ gɔ í faata wa í naa í leekĩ si wajum.

Daniɛli 8:19

Nɔ í sɔ̃m í ni, an jɔ̀ i mà mii iyi á na ku ce si waati iyi idɔɔkɔ̃u á to kɔɔ, domi waatii iri ku kpa í wɛɛ iyi à jilɛ.

Daniɛli 8:27

Ŋɔi amu Daniɛli, ǹ kua gbugbã ajɔ nkpɔ nkpɔ nɔ ǹ ce bɔ̃ɔ. Si anyiɛ, nɔ ǹ dede ǹ wa n cea ilaalu wũaɛ ŋa. Ǹ cukui hee ilɛ na kuyɛu, domi n kù gbɔ yaaseɛ.

Daniɛli 9:23

Waati iyi ì sinti kutɔɔ ku ce, ide ku fɔ gɔ í naa hai bi Ilaaɔ̃. Na ŋɔi í jɔ̀ ǹ naa ku ba i gbɔ yaaseɛ, domi ntɔ ntɔ Ilaaɔ̃ í biɛ. Gbɔ yaasei ide iyi an sɔ̃ɛ ku ba i gbɔ yaasei mii iyi ì yɛu.

Daniɛli 9:27

Si waatii ankãanyii adɔ̃ mɛɛjeu, á dĩ akabuu do inɛ nkpɔ nkpɔ. Nɔ si anyii adɔ̃ mɛɛta do bubu, á jɔ̀ a leekĩ kuwee do amua ŋa ku ceu. Woo ce laalɔu, á ce laalɔ sãmiɛ ŋai anu akã hee nŋu takaɛ koo kpaò iri si bɛi à fɔ à jilɔɔ.

Abakuku 2:3

Awaati iyi kuyɛu á kɔ̃ kù to titã, amma á cei si waati iyi ǹ bi. Degbeɛ do temua baa bii wa kpɛ. Ntɔ ntɔ, ide iyi ǹ fɔu á cei bii waatiɛ í to, sika kãma kù wa si.

Matie 17:8

Nɔ à wu iju lele, amma a kù yɛ inɛ gɔ bii kù jɛ Jesu nŋu akã.

Kuyɛi Zãa 1:17

Iyi ǹ yɔɔ, ǹ cuku si isɛɛ bɛi iku. Nɔ í lesim awɔ njɛɛ í ni, maà ce njo, amui ǹ jɛ sinte do iri ku kpa.

Kuyɛi Zãa 22:8

Amu Zãa ǹ gbɔ ideu ihɛ̃, nɔ ǹ yɛ mii ŋau. Iyi ǹ gbɔɔ nɔ ǹ yɔɔ ǹ tã, ŋɔi ǹ sɛɛbata si wajui amaleka iyi í nyisim fei ndɛɛu ku ba n tɔɔɛ.