Daniɛli 8:16 - Bibeli do fee

¹⁶ Ŋɔi ǹ wa n gbɔ imui amanɛ gɔ wa hai si aninii idoi Ulaiu wa ni, Gabiɛli, tusɛaa inɛ bɛ yaasei kuyɛu.

Daniɛli 8:16 Iomraidhean Croise

Daniɛli 10:14

Bɛbɛi, ǹ naa ku sɔ̃ɛ mii iyi á na ku ba zamaaɛ ŋai bii í kɔ̃ɔsi, domi kuyɛ mmu gɔ í wɛɛ iyi wa naa má na ajɔ ŋau bɛ.

Daniɛli 7:16

Ŋɔi ǹ bɔ kɔkɔi inɛ akãi inɛ ŋa iyi à wa bɛ, nɔ ǹ beeɛ iyi í jɛ yaase ntɔ ntɔi mii iyi ǹ yɛu bɛ. Ŋɔi í sɔ̃m, nɔ í tusɛɛm yaaseɛ.

Daniɛli 8:2

Si kuyɛu, mii iyi ǹ yɛ wee. Ǹ yɔɔ iyi ǹ wa Suze ilu nlai ku kpɛ̃i ilɛi Elamu iyi í wa itĩi ido gɔ iyi à ya kpe Ulai.

Zakari 1:9

Nɔ ǹ bee ǹ ni, lafɛ̃ɛm, yoomai í jɛ yaasei acĩ ŋau bɛ. Ŋɔi amaleka iyi wa bam ide ku fɔu í jɛɛm í ni, an sisiɛ yaaseɛ.

Zakari 2:4

Nɔ ǹ bee ǹ ni, mii à naa ku ce. Nɔ í jɛɛm í ni, à naa ku kɛkɛ dimi ilu gbugbã ŋaui nɔ a jɔ̀ a ce njo. Dimi ŋau aŋai à tako à dede si inɛi Zudaa ŋa à fangaa ŋa wo.

Luku 1:19

Ŋɔi amalekau í jɛaa í ni, amui Gabiɛli. Amui ǹ ya n wa bi Ilaaɔ̃ n maa n ceaa icɛ. Nŋui í bɛm wa n na n baɛ ide ku fɔ nɔ n sisiɛ laabaau jiidau ihɛ̃.

Luku 1:26

Iyi asĩi Elizabɛti í ba cukpa mɛɛfa, ŋɔi Ilaaɔ̃ í bɛ amaleka Gabiɛli Nazarɛti si ilɛi Galilee.

Woo bɛ ŋa 10:13

Ŋɔi Piɛɛ í gbɔ ide ku fɔ gɔ í ni, Piɛɛ dede, kpa i ŋɔ.

Woo bɛ ŋa 9:7

Waati bɛɛbɛ inɛ ŋa iyi à waa nɛ do Sɔluu à leekĩ à coko sɔ̃m sɔ̃m, à gbɔ ide ku fɔu amma a kù yɛ inɛ kãma.

Ebɛɛ 1:14

Debɛi, mii amaleka ŋa à jɛ. Aŋa fei à jɛ hunde ŋa iyi à waa cea Ilaaɔ̃ icɛ. Aŋai í ya bɛ a koo a sobi inɛ ŋa iyi aa ba faaba.

Kuyɛi Zãa 1:12

Iyi ǹ sinda ǹ cɔ inɛ iyi wa bam ide ku fɔu ŋɔi ǹ yɛ bi ku lesi fitilai wura mɛɛje.

Kuyɛi Zãa 22:16

Amu Jesu, amui ǹ bɛ nŋɛ amalekam wa ku sɔ̃ igbɛi inɛm ŋa fei ideu ihɛ̃. Amui ǹ jɛ tɔkui Davidi, nɔ ǹ jɛ angua iyi wa má inya.