Daniɛli 8:15 - Bibeli do fee

¹⁵ Si waati iyi amu Daniɛli ǹ wa n cɔ kuyɛu nɔ ǹ wa n dɛdɛ n gbɔ yaaseɛ, waati bɛɛbɛi inɛ gɔ iyi í yɛ bɛi inɛmɔkɔ kaasãanɛ gɔ í faata wa í naa í leekĩ si wajum.

Daniɛli 8:15 Iomraidhean Croise

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Daniɛli 10:16

Ŋɔi inɛ gɔ iyi í jɔ amanɛ í naa í lu gɛlɛm. Ŋɔi ǹ cĩ gɛlɛ nɔ ǹ sɔ̃ inɛ iyi wa leekĩ si wajum nɔu ǹ ni, Lafɛ̃ɛm, na kuyɛu, ara kuro í naa sim nɔ ǹ kua gbugbã.

Daniɛli 10:18

Ŋɔi inɛ iyi í yɛ bɛi amanɛu í nyi í lum má nɔ í jɔ̀ ǹ ba gbugbã má.

Daniɛli 10:5

Ŋɔi ǹ wu iju ǹ cɔ ilu, nɔ ǹ yɛ inɛ gɔ wa dasi jĩnɛ gɔ iyi à ce do acɔ ku nɛ sisima, nɔ wa dĩ santiiki iyi à ce do wura alala si kpakaɛ.

Daniɛli 12:8

Ǹ gbɔ ideu, amma n kù gbɔ yaaseɛ. Nɔ ǹ ni, Lafɛ̃ɛm, bɛirei iri ku kpai mii ŋau bɛ á jɛ.

Daniɛli 7:13

Si kuyɛm ŋa iyi ǹ ce idũu, ǹ ba wee si kudũi ijĩ wa hai lelei Aɔ̃ inɛ gɔ iyi í jɔ amanɛ í nɛ wa naa bi mɔkɔ ngbou, nɔ à gbã à naaɛ wa bi tɛɛ.

Daniɛli 7:28

Kɔɔi ideui ihɛ̃ bɛ. Amu Daniɛli ideu í mum njo ntɔ ntɔ hee do si lasabum ŋa fei. Ideu í jɔ̀ wajum fei í baa í kpaasi, nɔ ǹ wasi ku lasabu si fei ndɛɛ si idɔm.

Daniɛli 8:1

Si adɔ̃ mɛɛtasiai bomma ku jɛi ilaalu Bɛlisasaa, amu Daniɛli ǹ ce kuyɛ gɔ si anyii iyi ǹ tako ǹ yɛu.

Daniɛli 8:19

Nɔ í sɔ̃m í ni, an jɔ̀ i mà mii iyi á na ku ce si waati iyi idɔɔkɔ̃u á to kɔɔ, domi waatii iri ku kpa í wɛɛ iyi à jilɛ.

Zakari 1:9

Nɔ ǹ bee ǹ ni, lafɛ̃ɛm, yoomai í jɛ yaasei acĩ ŋau bɛ. Ŋɔi amaleka iyi wa bam ide ku fɔu í jɛɛm í ni, an sisiɛ yaaseɛ.

Matie 13:36

Jesu í jɔ̀ zamaau nɔ í koo í lɔ kpasɛ̃. Nɔ mɔcɔɛ ŋau à bɔ bi tɛɛ à ni, sisi nwa yaasei mɔndai fɔfɔ laalɔu.

Matie 24:15

Jesu í ni, walii Daniɛli í fɔ idei mii laalɔ gɔ wo iyi á riisi kpasɛ̃i Ilaaɔ̃. Nŋui aa yɛ ŋa í wa si inya iyi í jɛ ti Ilaaɔ̃. Inɛ iyi wa cio idei mii laalɔu, ku ce laakai ku gbɔɔ sãa sãa.

Matie 24:30

Waati bɛɛbɛ nyindai amu Amai Amanɛ á fita lelei Aɔ̃. Nɔ dimii andunya ŋa fei aa le awɔ si iri a maa kpataò. Aa yɛ amu Amai Amanɛ ǹ wa n naa si kudũi ijĩ do gbugbã nla nla do amboe.

Maaku 13:14

Nɔ Jesu í ni má, aa yɛ mii laalɔ iyi wa bɛjɛ mii ŋa tengi bii kù jɔ ku wa ŋa. Inɛ iyi wa cio idei mii laalɔu ku ce laakai ku gbɔɔ sãa sãa. Waati bɛɛbɛ inɛ ŋa iyi à wa ilɛi Zudee a sa a bɔ iri kuta ŋau.

Maaku 4:12

Ǹ ya n fɔ nŋa ide do mɔndai ku ba, baa bii à cɔ ilu a maà yɛ. Nɔ baa bii à gbɔ ide a kaa mà yaaseɛ. Bii kù jɛ bɛɛbɛ aa na a sinda wa bi Ilaaɔ̃, nɔ Ilaaɔ̃ ku kpa idei dulum du ŋa.

Zozue 5:14

Ŋɔi inɛɛu í jɛaa í ni, aawo, n kù jɛ ti kãma nŋɛ gɔ. Inɛ ngboi soogei Aɔ̃ Lafɛ̃ɛ ŋai ǹ jɛ, nɔ kutom wa mɔ mbɛ. Ŋɔi Zozue í sɛɛbata si wajui inɛɛu nɔ í sɔ̃ɔ í ni, amu woo ce icɛɛi, mii ì ni n ce.

Kuyɛi Zãa 1:13

Nɔ ǹ yɛ inɛ gɔ í jɔ amanɛ wa leekĩ si aninii bi ku lesi fitila ŋau. Wa dasi ibɔ sisɔ nɔ wa dĩ santiikii wura si kpakaɛ.

Kuyɛi Zãa 13:18

Iyi í sĩa ka ce si laakai wee. Inɛ iyi í nɛ bisi fei í sĩa ku mà yaasei lambai mɛɛmuu. Lambaɛ, lambai amanɛi. Jiaɛi cĩɔ mɛɛfa do kita do mɛɛfa (666).