Daniɛli 8:14 - Bibeli do fee

¹⁴ Ŋɔi amaleka sinteu í jɛaa í ni, í gbe hee bii alɛ do daakɔ dubu minji do cĩɔ mɛɛta í lɔ titã (2.300), si anyiɛ a bɛi a lɔsi ile kumáu ku loo má.

Daniɛli 8:14 Iomraidhean Croise

Kusintii Andunya 1:5

Nɔ í kpe inya kumáu dasã, ilu kukuu mɔ idũ. Si bɛɛbɛi í ceò alɛò daakɔ, nɔ nŋu bɛi í jɛ ajɔ sinte.

Ezai 1:27

Bii inɛi Siɔ̃ɔ ŋa à kpaasi à waa kiiti si ntɔ, nɔ à waa nɛ dee dee, aa ba faaba.

Ezai 45:25

Do saabui Aɔ̃ Lafɛ̃ɛi tɔkui Izirɛli ŋau fei aa jɛò dee dee, nɔ siɛi inɔ didɔ̃ nŋa fei á wa.

Daniɛli 12:11

Hai waati si bii aa ganji inɛ ŋa a cea Ilaaɔ̃ kuweei ajɔ fei ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu, ajɔ dubu do cĩɔ minji do cinɛò fɛɛwai (1.290) á ce.

Daniɛli 12:12

Ilu inɔ didɔ̃i inɛ iyi á maa degbe nɔ ku to hee ajɔ dubu do cĩɔ mɛɛta do kuntaa do miiu (1.335).

Daniɛli 12:7

Ŋɔi inɛ iyi wa dasi jĩnɛ iyi à ce do acɔ ku nɛ sisimau í wu awɔ minjiɛ ŋau fei ikpa lelei Aɔ̃, nɔ í gbasi do irii inɛ iyi í wɛɛ hee do ajɔ feiu í ni, kukpɛi mii ŋau bɛ á cei zakai adɔ̃ mɛɛta do bubu. Nɔ á koo á leekĩi waati iyi gbugbãi inɛi Ilaaɔ̃ ŋau á kpa iri fei mam mam.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Daniɛli 8:26

Ntɔ ntɔ, iyi í jɛ yaasei mii iyi ì yɛ mbɛ si gãmɛi alɛ ŋa do daakɔ ŋau. Amma, maà fɔ idei kuyɛu ihɛ̃ nsɛi titã, domi ide ŋa iyi kuyɛu wa fãa, á kpɛ ku bɛi ku ce.

Galati 3:8

Hai tako wo Ilaaɔ̃ í mà iyi nŋu á jɔ̀ dimi mmu ŋa a jɛ dee dee na naanɛ ku dasi nŋa. Ŋɔi í jɔ̀ í sisia Aburahamu laabaau jiidau hai ku kpɛ í ni, hai bi tɛɛi an weea inɛi andunya fei.

Kuyɛi Zãa 11:15

Si anyii nŋu, amaleka mɛɛjesiau í fã kãakãakĩɛ. Ŋɔi à gbɔ anu ku dɔ̃ nla nla gɔ ŋa lelei Aɔ̃ à ni, à sindoa Aɔ̃ Lafɛ̃ɛ nwa do inɛ iyi í cicau bommai andunyau, nɔ á jɛ bomma hee do ajɔ fei.

Kuyɛi Zãa 12:14

Amma à na abou ikpa minjii kungbã nla ku ba ku fo ku bɔ ikpa inya iyi Ilaaɔ̃ í ceaa sɔɔluɛu si gbaa bii aa woo adɔ̃ mɛɛta do bubu. Tengi bɛi á jĩò njou.

Kuyɛi Zãa 13:5

Mɛɛmuu í nɛ kpãa ku tɔɔò fufu nɔ ku bu Ilaaɔ̃, nɔ í nɛ yiiko ku ceò gbugbãɛ icɛ cukpa ciiji do minji.